We will keep fighting for all libraries - stand with us!
words - paroles
Tant gratte chèvre que mal gît,
Tant va le pot à l'eau qu'il brise,
Tant chauffe on le fer qu'il rougit,
Tant le maille-t-on qu'il débrise,
Tant vaut l'homme comme on le prise,
Tant s'éloigne il qu'il n'en souvient,
Tant mauvais est qu'on le déprise,
Tant crie-t-on Noël qu'il vient.
Tant parle on qu'on se contredit
Tant vaut bon bruit que grâce acquise,
Tant promet on qu'on s'en dédit,
Tant prie on que chose est acquise,
Tant plus est chère et plus est quise (recherchée),
Tant la quiert on qu'on y parvient,
Tant plus commune et moins recquise,
Tant crie-t-on Noël qu'il vient.
Tant aime on chien qu'on le nourir,
Tant court chanson qu'elle est apprise,
Tant garde on fruit qu'il se pourrit,
Tant bat on place qu'elle est prise,
Tant tarde on que faut entreprise,
Tant se hâte on que mal advient,
Tant embrasse on que le chet la prise,
Tant crie l'on Noël qu'il vient.
Tant raille on que plus on n'en rit,
Tant dépent on qu'on n'a chemise,
Tant est on franc que tout y frit,
Tant vaut "tiens!" que chose promise,
Tant aime on Dieu qu'on suit l'Église,
Tant donne on qu'emprunter convient,
Tant tourne vent qu'il chet en bise,
Tant crie l'on Noël qu'il vient.
Prince, tant vit fol qu'il s'avise,
Tant va il qu'après il revient,
Tant le mate on qu'il se ravise,
Tant crie-t-on Noël qu'il vient.