Iste miercols viacharemos ta o Matarranya an que trobaremos a os components d'a colla Temps al Temps que nos presentaran o suyo treballo mosical y con qui charraremos una mica d'a mosica d'autor feita en catalan dende Aragon. http://www.myspace.com/tempsaltemps
Tamien feremos una cronica de como se desembolico a 5ena. Marcha Senderista contra la mina de Borobia que tenio lugar o pasau cabo de semana dentre as localidatz de Calcena y Purujosa.
Charraremos d'a campanya "Isto lo apanyamos dentre totz" con a que toda una ripa de interpresas, multinacionals y bancos son prebando d'amagar a suya responsabilidat d'a situacion de crisis actual fendo servir a imachen publica de famosos millonaires que nos alientan a estar positivos debant d'a esferra social que provoca o capitalismo ... Fe-te una riseta y no i pienses.
Y quan s'han feito fa poco 34 anyadas de l'engarcholamiento de Leonald Peltier tos parlaremos d'a situacion d'iste preso politico indio-americano y de todas as irregularidatz chudicials que son privando-le d'a libertat.