214 STORY OF APOLLON1US OF TYR£.
Whan that he sigh beyete none At the bordel because of hire, He bad his man to gon and spire A place, where she might abide, That he may winne upon some side, By that she can. But ate lest Thus was she sauf of this tempest Quaker Thai- He hath her fro the bordel take, KO $8SS£ But that was nought for goddes sake, But for the lucre, as she him tolde. Now comen tho, that comen wolde, Of women in her lusty youth To here and se, what thing she couth. She can the wisdome of a clerke, She can of any lusty werke, Which to a gentil woman longeth. And some of hem she underfongeth To the citole and to the harpe, And whom it liketh for to carpe Proverbes and demaundes sligh, An other such they never sigh, Which that science so well taught, Whereof she grete yiftes caught, That she to Leonin hath wonne. And thus her name is so begonne Of sondry thinges, that she techeth, That all the londe to her secheth Of yonge women for to lere.
Now lette we this maiden here And speke of Dionise ayeine And of Theophile the vilaine, Of which I spake of now to-fore, Whan Thaise shulde have be forlore. This false cherle to his lady, Whan he cam home all prively, He saith: Madame, slain I have This maide Thaise, and is begrave