I
A
>
TX>
I>
■"-»
>
>z>
^>
>D
n?
::»
3
"O ^
3
3^
5
X>
z>
:>> ?
>o>
>»
,£>
»>
:> ~*
»1>
>;>
■>;s>'!
>:>
j3>
£x>
3» ">
»
S>
X>>
y> :
> >-
m
& ?
.->>-' :J>
^
» ^
:s$>12
»
:>^
1>7> > .
33^
ab
y
^>]> >
~rs»->~
:»
>
> "1» -
3>
>^ .
..3t>
>>">-
»73
>
:> >
XJ
► Z> -5
^J
L3^-
^)~
>
^>3
5"
>>-
3> z:
» -
► ^
*>j»
' > >'
^>'^
* ^>
>j> 2
»»
> >
:» 3
» ;>
>>L2
Dl>
3»?
?s>
J£
^K>
30
> »
»
»
>:>
> ->
""»
»
XI
>_>
3)
_ <r CC C «
C « c C i <
c «: < <: < <
<-*'< v
qc c <
ccc
:CC C
-c c c
C4- cc *< <T(
cc cc cc C*
• <?'■" cCYc c<r
C< CC cc C
ccc;
c <rc«
c <«
< <<
c <-C'
<- '<£
<: 'cr
c
CCC
<
CCC (
<r
r<i
f""
ccc a
FROM THE LIBRARY OF
REV. LOUIS FITZGERALD BENSON, D. D.
BEQUEATHED BY HIM TO
THE LIBRARY OF
PRINCETON THEOLOGICAL SEMINARY
/5 i¥f)
x cr
cc-
<r
^rX
<c
! CC
«C_Cj
<c
<:c
C<<
■<r cjfT
TTc
«- <i
Z c<r
*: c
cc
<s
' c CC
cc cr
c «
CC <C
<X
cc
**??<
cc<
IS CC
<J?
cc
<ic
CO
c c < <t
:c <l < cc
c c c ixr<
C «< C C C <
c ccc Cc c <
cc 0 c C c C c c . '
— c( ccr\ c
^*
THE PILGRIMS ON THE DELECTABLE MOUNTAINS.
^ FEB 10 1937
INTAS %
VA
NATGA U KRISTIAN,
PAR APAN AN PECE UPENE.
INTAS ECSIPECE NIGKL
IS AGED /
A JON BUNYAN.
THE PILGRIM'S PROGRESS,
PART FIRST.
(Abridged.)
TRANSLATED INTO THE ANEITYUMESE LANGUAGE.
LUNTUN :
ERIS ECETAGED NITAASVIITAI INTGKI A ILPU
RAIMU IJI IG ERA IKA ARA ERI AHTAI
ITAASVIITAI UPENE IRAI IJI PECE ASEGA..
1880.
Kristian im Nitai ahelwei o un,
INTAS
VA
NATGA U KRISTIAN,
PAR APAN AN PECE UPENE.
1.
Is ohocred a Kristian va nitai ahelwei iran : is imtitaig inta-
vaitap u Atua aien ; is lep aha vaig aien.
Kis atga ainyak an nobohtan amasacen
inigki, um yetpan an nuarin is ethi, urn
asjeuc, um umjeg. Kis umjeg ahnag ainyak,
um ecet natimi is ethi is has napelumai iran.
Is aiji aien um atidjin an neom o un. Is
lep amen nitaasviitai an nikman, im nitai
ahelwei opoc an cehen. Is asalgei nitaas-
viitai aien, um esvi, ja par taig, um euc-
jeucjeucaij, um ika, " Inki ago inhe ainyak ?"
Is apan aien an neom o un. Is aktaktai
aien mika yi jim anvi nohocred o un ehele
ehgan im ilpu hal o un; ja is ehka nateri
vaig. Is tas ehele ra aien, um taig, um ika,
Ak ehgak im ilpu hal unyak, ek mun mas
ainyak va nitai ahelwei opoc irak. Ek lep
ato ainyak mika etpu idim ahes incap an
nohatag, um auahas nuarin pece inigki uja,
im natimi asega iran, el et eti eteuc tah par
imialep caija.
Eris imiali nitai iji igki a ilpu atimi ehpan
iran. Eris eti imiisjis ninveijec intas o un
ara, ja eris aktaktai ara mika is ahnag aien.
Eris ika ara yi umjeg aien, urn aktaktai mika
inyi eropse aien va numjeg o un. Ja is tup
ethi ache nohocred o un an nepig im lep an
nadiat. Is eti umjeg aien, jam tup taig ache.
Is wat lahlah an tak apnyin eris ahodai yin
ara, urn ika, Et echamecha iram ? Is asuptec-
naig aien, um ika, Et esjilid acen nohocred
unyak. Eris imiafakahcil yin ara, um atuh
yin, um tup udei yin. Is echim amen aien,
ja is aiheuc vai ra aien, um ago nalaigaheni
vai ra : is lep taig aien va nohocred o un.
Kis almoi ainyak mika is atga aien an
nadiat is ethi an lelitai, um esviitai, is idi-
vaig nedo o un. Is ohocred alupas inliin-
mopon aien. Is esviitai aien, um taig ijinies,
um ika, " Inki ago inhe ainyak, va uhpu
imiatamaig nyak ?"
Kis lep ecet yin ainyak neas jipe vaig, is
idivaig tah is merit aien naha vaig. Ja is
tup aiji aien. Is eti ato nefalaig inig aien yi
atga iran. Kis lep eas ainyak um ecet natimi
is ethi, nidan Navagalia, napan vaig ehelen.
Is ahodai yin aien, um ika, Na imtitaig inhe
aiek ?
Is asuptecnaig aien, um ika, Ek ato ainyak
va nitaasviitai inigki an nikmak mika ekpu
mas ainyak, ja etpu apitac nadiat asuptecnaig
nimtan imi atimi iran. Is ika a Navagalia,
Na a uri aiek par imtitaig inmas ; et idim
ahinag nohocred an nobohtan inigki. Is
asuptecnaig aien, urn ika, Ek imtitaig ainyak
va yi jim imiasuol nyak an pece has nitai
ahelwei opoc inigki an cehek : ek eti upene
ainyak natidai vaig an nuhup u Atua an nad-
iat ahilek nedo o atimi iran. Nohuun noho-
cred unyak nitai iji igki.
Is tas ehelen a Navagalia, um ika, El et
uce iram, et eti upene vai euc intup amen
vaig. Is ika aien, Ek eti ato ainyak nuarin
inig ki apan iran ainyak. Is alupai yin
nitaasviitai aien eris aged iran, um ika, "Aha
vai intavaitap etpu yetpam ira atimi."
Is esvi intas inigki aien, um almaijidjid
Navagalia, um ika, Ekpu aha pan eda ain-
yak ? Is adi pan an nupsikman a Navagalia,
um ahodai yin, um ika, Na almoi neucse
nirahed inaico aiek, ka o'o ? Is ika a natimi
iyehki, O'o. Is lep ahodai yin aien, um ika,
Na almoi inlah inaico aiek, ka o'o ? Is ika
aien, Et idivaig. Is um ika ehelen a Nava-
galia, Ahau inlah inaico aiek, um yetpan o
un, ja napu almoi neucse nirahed aiek. Nau
wit etcetcei intapnes aiek, uhpu asuptecnaig
ehelum nitai iji igki napu ago aiek.
2.
Is aha a Kristian. Is esjum a Nimiisjis nahced yin vaig.
auatialidi a Updak, um adumoij. Is ete a Kristian an nuarin jaujal
ja is ase yin a Natau, um ati yin an nobohtan ipjin.
Kis lep ecetai ainyak an numjeg ahnag
unyak mika is athut a natimi iyehki. Is eti
elvathut aien, ja eris ecet yin a ehgan im ilpu
hal o un, urn ugyi yin mika yi adumoij aien.
J a is ucjipanes intikgan aien, urn athut, urn
ahlaig ijinies, um ika, Ek merit ainyak va
nitai umoh iran irai iji mesese.
Eris alau ijo a ilpu atimi eblaamnem o un
par almoi nathut o un. Eris imiafakahcil
yin nahaiji ra, eris atuh yin nahaiji ra, eris
lep ugyi yin nahaiji ra mika yi adumoij aien.
J a erus ika natimi is ero ira ra eru imi-
adumoij yin arau, nidan is ethi Nimiisjis, im
nidan is ethi Updak. Eris auroauro arau,
um apitac yin, um uhum pan yin. Is tas
ehele rau a natimi iyehki, um ika, Ak ohwat
etwak, erau merit vanhe aijaurau ? Erus ika
arau, mika an ahced cumrau aiek, um adumoij.
Is ika aien, O'o ; et eti upene ; erau amen ai-
jaurau an nuarin pece iyehki eris apos riyak
iran uhpu auahas ; arumu aktaktai aijaurau
um ahced nyak. Is imiali a Nimiisjis, um
ika, Woho ! ahced euc, um udei ilpu atimi
ehpan iramrau, im niji itai asega unyimrau ?
Is ika a Kristian, (nidan natimi iyehki,) Maiya,
et tup takitai niji itai an nobohtan, ja et esjilid
nitai iji igki ek ahilek ainyak. Ahced nyak,
et inveijec intas unyak. Is ahodai yin a
Nimiisjis, um ika, Nitai iji igki nevitai, na
ahilek aiek, um udei niji itai an nobohtan
vaig ? Is asuptecnaig a Kristian, um ika, Ek
ahilek nuarin amen upene iran ainyak irai iji
mesese. Esvi an nitaasviitai inigki par ato.
Is ika a Nimiisjis, Meh ! Atipagki nitaas-
viitai unyum, napu ahced cumrau aiek, ka
o'o ? Is ika a Kristian, O'o, kis asjiraig
nirak acujitai ainyak, inki eti lep udei
ainyak.
Is tas a Nimiisjis ehele Updak, um ika,
Ak etwak, tu adumoij akaijau, um udei yin :
et um ahnag aien ; et aktaktai aien mika et
ato itai aien. Is acaiji yin a Updak, um ika,
Jim atuh yin aiek ; el et inveijec intas o un,
el et esjilid nitai iji igki et ahilek aien : ek
merit ainyak nahced yin vaig. Is ahced
Kristian aien, ja is edemda a Nimiisjis, um
udei rau, um adumoij pan an nuarin pece.
Kis ecetai ainyak an numjeg ahnag unyak,
mika erus ehratga a Kristian im Updak an
nuarin marara, um tastas jipe va niji itai an
nohatag. Is imiacitak a Updak va nitai iji
igki is asuptecnaig ehelen a Kristian, um ika,
Tu emda akaijau, ja is ehka vai Kristian in-
auroauro vaig va nitai ahelwei opoc an cehen.
Erus eti laulau arau, um uhum pan an
nuarin jaujal, jam eti elvalmoi. Erus auroauro
arau um ete an nosal. Nidan jaujal iyehki
Nehka. Erus auhiyamud nosal arau is itu ira
rau, ja is ete alupas a Kristian va nitai ahelwei
opoc an cehen. Is tas ehelen a Updak, um
ika, Ak etwak Kristian, aiek yec eda an no-
pan inig ? Is asuptecnaig a Kristian, um ika,
Ek eti ato ainyak. Is edemda a Updak, um
ika, Nitai upene inigki as tas vaig aiek, ka
o'o ? El et uce iraijau an nopan inig, inyi
echamecha iraijau an taka opan. El ek umoh
3
ainyak, tup aiek marom vai inpece upene an
apan iran aiek, ja ekpu adumoij ainyak. Is
emda aien um uhum pan an nahaijin jaujal
pan an neom o un. Is atga o un aien ; is eti
lep ecet yin a Kristian. Is echim auhiyamud
nosal a Kristian ache an jaujal iyehki, ja is
imiisjis emda aien um uhum pan an nahaijin
jaujal pan itac u neom o un, ubutpotet pan u
neucse nirahed iyehki, ja is ehka vai yin na-
rid jai vaig va nitai ahelwei opoc an cehen.
Kis ecetai ainyak an numjeg ahnag unyak
mika is apan ehelen a natimi is ethi, nidan Na-
tau, um ahodai yin, um ika, Na ago inhe aiek
igcaki ? Is tas a Kristian, um ika, Ak natimi
alupas, is asaig ehelek a natimi is ethi nidan
Navagalia, mika ki atga ainyak an nefalaig
inigki, par apan an neucse nirahed inaico, va
ekpu aha ainyak vai intavaitap etpu yetpam
ira atimi ; ja kis atga ainyak igcaki, um ete.
Is ahodai yin a Natau, um ika, As a uri aiek
par eti almaijidjid nefalaig ? Is ika a Kristian,
Kis imtitaig ainyak, um aha an nefalaig ipjid-
ipjid inigki, um ete. Is ika ehelen aien, Adaig
jai nikmam aiek ; is adaig jai nikman aien.
Is ase yin aien, um ati yin an nobohtan ipjin,
um abrai yin mika yi atga o un.
Is imiahnag Kristian a Narapakau efaifa, ja is lep ati yin an
nefalaig a Navagalia.
Is echim atga a Kristian, ja is ecet natimi
is ethi aien napam vaig ehelen. Erus ehtet
arau an nefalaig. Nidan natimi iyehki is ehtet
iran aien Narapakau efaifa : is amen aien an
nuarin pece nidan Nedo an nobohtan ; nuarin
pece alupas, urn ubutpotet pan o un iyehki is
ahes iran a Kristian. Is wat almoi a Nara-
pakau efaifa mika is ohocred a Kristian va
nitai ahelwei opoc iran, urn atahaijeg naunyau-
waig o un vaig, is tas ehelen aien par imiah-
nag yin, um ika, Is asaig ehelum a di mika an
atga aiek an nefalaig inigki va uhpu atipagki
nitai ahelwei opoc iram ? Is asuptecnaig a
Kristian, um ika, Natimi is ethi nidan Nava-
galia, is idivaig natimi esjilid um upene aien. Is
tas a Narapakau efaifa, um ika, Et takitai intas
o un : et idim ehka nefalaig inig et mun asup-
tecnaig ehelum aien : napu ato nohocred aiek,
im numlaig, im nauatialidi, im intup atga, im
niji itai has asega an nefalaig inigki : na a uri
aiek par atahaijeg intas o natimi et eche
inigki.
Is atimi tak atimi irai Natimarid u ilpu
atimi ahilek inpece upene a Narapakau efaifa.
Va nitai inigki is abrai Kristian aien mika
yi apan aien an neom u Intas alep an nuarin
pece nidan Nedo upene, um ika, Etpu atipagki
nitai ahelwei unyum aien. Is adai intas o un
aien, um udei nefalaig, par apan an neom u
Intas alep.
Is atga a Kristian um uhum pan an nedoon
is ethi an nahaijin nefalaig. Is ijinies acen
nedoon iyehki, um isas, um aibuthan nefalaig.
Is imtitaig aien inlep atga vaig va yi jim eropse
IO
nedoon iyehki um auahas yin. Is aiji aktit aien,
urn eti ato nitai inigki etpu ago aien. Is eh-
tipidai alupas yin nitai ahelwei iran. Is lep
ahes incap auahas atimi an nedoon iyehki. Is
eucjeucjeucaij aien va nimtitaig o un.
Is taigtaig a Kristian va nedo o un, nika-
vaig, is adai intas o Narapakau efaifa aien ;
ja is lep ehcohos pan ehelen a Navagalia. Is
wat ecet yin aien is ehcamai alupas aien, um
imtac. Is eas yin a Navagalia, ja is imrig nes-
ganimtan, um ahodai yin, um ika, Ak Kris-
tian, na a uri aiek par apam igcaki ? Is ehka
vai yin nasuptecnaig vaig ; is tup aiji aien,
um eti tas.
Is lep tas a Navagalia, um ika, Na atimi
iyehki aiek kis ecet euc ainyak intaig vaig an
nahaijin nuarin pece iyehki uhpu auahas, ka
o'o ? Is asuptecnaig aien, um ika, Maiya, ak
natimi alupas, ainyak um aigki. Is ika a Na-
vagalia, Kis idim asjaaicnaig ehelum ainyak
an nefalaig yetpan an neucse nirahed haklin,
ja as a uri aiek par auroauro um udei nefalaig
iyehki, um apam igcaki ; na mun ahnag aiek ?
Is tas a Kristian, um ika, Et inveijee intas
unyum ; ja kis ecet Narapakau efaifa ainyak ;
is tas updak ehelek aien, um asuptecnaig nedo
et eche ehelek ; kis lep adai intas o un ainyak,
um ago nedo ahnag. Is ated yin a Navagalia
irai tas an nitaasviitai itap, um ika, " Erupu
umumoh a ilpu atimi upene va nimiisjis nin-
veijec ura : ja el et adumoij tah natimi, inyi eti
upene inliinmopok ainyak vai yin." Is eropse u
1 1
nedoon a Kristian, is idivaig natimi mas, um
taig, um ika, Kaiheuc vai nyak, ekpu mas
ainyak va nedo has unyak. J a is asjiraig in-
matan a Navagalia, um ika, " Uhpu iknipag-
ki nedo has ase^a u atimi, im intas has ura."
Is nusjai tintin aien, um atidai, um eucjeuc-
jeucaij.
Is lep tas ehelen a Navagalia, um asuptec-
naig ehelen nedo ahnag o un, um ated yin
vaig. Is eucjeucjeucaij inliinmopoi Kristian
vai intas o un. Is aktaktai aien mika etpu
mas aien an pece has. Ja is ahodai yin aien,
um ika, Ekpu a uri ainyak ? Et itap vai
nyak inlep apan vaig u neucse nirahed iyehki,
ka o'o ?
Is tas ehelen a Navagalia, um ika, Et es-
jilid acen nedo has unyum, as ago nedo has
is ero aiek, nikavaig, as udei nefalaig upene ai-
ek, um ahced nefalaig has ; ja etpu aiheuc vai
euc a natimi aminjinaig neucse nirahed : et
upene inliinmopon aien va atimi, jam jim lep
ahnag aiek, va an jim emesmas aiek. Is ika
a Kristian yi fi adumoij ; ja is aijumnyi yin
a Navagalia, um aiheuc vai yin, um ika, Etmu
ahced euc a Atua. Is atga aiheucaiheuc aien,
um eti tas ehelen tah an nefalaig. Is emda
aien um uhum pan an neucse nirahed iyehki.
Is amen intas inigki ijinies ithan tapnes, nika-
vaig " Akumu etcetcei aijaua, uhpu asalgei
vai caua."
4.
Is yetpan u neucse nirahed a Kristian, um etcetcei, ja eris
asalgei vai yin.
Is ecahinag etcetcei intapnes an neucse
nirahed a Kristian, um ika,
Aiheuc vai nihkin natimi,
Um asalgei vai nyak ;
Ek merit ainyak inleh vaig
Niji itai vai nesgak.
Is ehcohos pan an neucse nirahed a natimi
is ethi, nidan Inupene, um ahodai yin, um ika,
Aiek di aigki ? Na ahes eda aiek ? Nai
merit vanhe aiek ?
Is asuptecnaig a Kristian, um ika, Ek
atimi ohocred ainyak. Kis ahes ainyak an
nuarin pece iyehki uhpu auahas, par apan an
nedoon Saion, va uhpu imiatamaig nyak vai
intavaitap etpu yetpam ira atimi. Eris asaig
ehelek mika ki atga ainyak an neucse nirahed
inigki par apan eahki, aheuc vai nyak, um
asalgei vai nyak. Is ika a Inupene, Et
idim upene : is lep auroauro aien um asalgei
vai yin.
Is wat atga iran a Kristian, is efatgaigpam
yin a natimi iyehki. Is imiali a Kristian, um
ika ehelen, Inhe nigki na ago irak aiek ? Is
asuptecnaig a Inupene, um ika, Et eteuc neom
ipjin u Bielsebub ubutpotet. Et atpaijinai
atimi napam vaig igcaki aien im ilpu agelo o
un, um atcijaig nidjan nefana ura mika eri
Et aiheuc vai Kristian a Inupene ui neucse nirahed.
13
auahas ra. Is ika a Kristian, Naaurinig, ja
ek eucjeucjeucaij ainyak.
Is apan aien anliin neom, ja is par ahodai
yin a natimi aminjinaig neucse nirahed, um
ika, Is abrai euc a di mika an ham aiek
igcaki ? Is asuptecnaig a Kristian, um ika,
Is asaig ehelek a Navagalia mika ki ham
ainyak igcaki, um etcetcei, va apu asuptecnaig
ehelek aiek nitai iji igki ekpu ago ainyak.
Erus tastas jipe a Kristian im Inupene is
itu ira rau. Is asuptecnaig ehelen a Kristian
niji itai asega is yetpam iran an nefalaig :
nedo o Nimiisjis im Updak, im nuarin jaujal
iyehki, nidan Nehka, im nahnag o un an
nefalaig vai intas o Narapakau efaifa, im
intas o Navagalia ehelen. Is atahaijeg upene
a Inupene, um ated yin, um asuptecnaig
ehelen niji itai upene is ahinag.
Is lep ika a Inupene ehelen, Ak etwak
Kristian, ekpu elvahced euc ainyak, um asup-
tecnaig ehelum nefalaig napu atga iran aiek.
Namu easpan aiek um almoi nefalaig ehro-
ehro an nuhup unyum. Namu idim atga
aiek an nefalaig inigki. Eris ago nefalaig
inigki a ilpu retpoija, im ilpu profeta, im Iesu
Kristo, im ilpu apostolo o un. Et idim atoh
nefalaig inigki. Namu atga iran aiek. Is
ahodai yin a Kristian, um ika, Et lep eteuc
nefalaig et eche par imiahnag atimi, ka inig
ache ? Is asuptecnaig aien, um ika, Et idim
ahinag nefalaig alupas um acalacal era ahnag
iran natimi, ja napu ato nefalaig inveijec aiek
va nehroehro iran im natoh iran.
H
Is lep ahodaig Inupene a Kristian, um ika,
Na emda aiek par atau imi nyak, um atipagki
nitai ahelwei an cehek, ka o'o ? Is ika ehelen
aien, Eklim erop, etmu amen iram nitai ahel-
wei unyum um yetpan an nuarin er imiatamaig
atimi iran, etpu tup ispun etjo eahki. Is arore
nijihgan a Kristian um yecrei yin va natga o
un. Is um ika ehelen a Inupene, Napu eti
elvatga aiek, ja par apan an neom u Natimi
ahidan tas ; namu etcetcei intapnes o un aiek ;
etpu asuptecnaig niji itai upene ehelum aien.
Is aiheuc vai natimi upene iyehki a Kristian
um atga o un ; is lep ika ehelen aien, Etmu
ahced euc a Atua.
Is apan a Kristian an neom u Natimi ahiclan tas ; is ehvaig niji
itai ehelen aien, um asuptecnaig nesgan tas iran ; is esjilid acen
nimiacitak o un.
Is atga a Kristian, ja par apan an neom u
Natimi ahidan tas, um etcetcei intapnes. Ja
is ham tah um ahodaig, um ika, Aiek di aig-
ki ? Is asuptecnaig a Kristian, um ika, Ek
up an taka uarin ainyak ; eris asaig ehelek
mika ki ham ainyak igcaki, iim ahilek niji itai
imiatamaig nyak ; ek merit ainyak intas vaig
ehele natimi alupas an neom.
Is ahlaig aien vai natimi alupas an neom.
Is auroauro aien um ham ehele Kristian, um
ika ehelen, Na merit vanhe aiek ? Is asuptec-
naig ehelen a Kristian, um ika, Kis ahes
ainyak an nuarin pece iyehki uhpu auahas,
par apan an lolan nedoon Saion, ja is asaig
ehelek a natimi aminjinaig neucse nirahed an
nefalaig inigki, mika ki ham ainyak igcaki, va
apu asuptecnaig ehelek aiek niji itai upene.
Is ika ehelen a Natimi ahidan tas, Apam
aiek anliin neom ; ekpu ehvaig ehelum ainyak
niji itai upene. Is ika aien ehele naheca o un,
yi atni incap alahala, urn ika ehele Kristian yi
ahced yin. Is imiapan yin an nuarin is ethi
aien. Is amen an yipin neom iyehki nalmui
natimi upene is ethi ; is eas jipan an noha-
tag aien, is amen nitaasviitai itap an nikman,
is ahes intas inveijec an nipjineucsen, is aiji
aien is idivaig natimi ugyi itai, is amen niji
itai an nobohtan an cehen, is lep adgaig
korona irai colt an nidjinin aien. Is ahodaig
a Kristian, um ika, Inhe nigki ? Is asuptec-
naig a Natimi ahidan tas, um ika, Et atimi
esjilid a natimi inigki na mun ecetai nalmun
aiek : is ati yin a Natimi alupas an pece
upene par atau iram irai iji uarin ehka asega.
Aktaktai nitai inig na mun almoi aiek : kit
napu alum hal aiek an nefalaig, erupu efaifa
vai euc ara, um ika eri atau iram an nefalaig
upene ara, ja et yetpan u inmas nefalaig ura.
Is atau an nikman aien um imiapan yin an
nuarin neom alupas um upene is ethi, is es-
jilid inmah iran : eris eti ahre. Is ahlaig
vaig tah a Natimi ahidan tas, um ika yi ahre.
Is wat ahre aien is aridjai inmah, is ehka
vai Kristian nadejai yin vaig va inmah iyeh-
ki. Is ika a Natimi ahidan tas ehele nata-
i6
hig is ethi eahki, Imiapam inwai, urn ohaig
neom ; is tup upene nahre vaig ! is eti lep
aridjai inmah. Is ahidai yin a Kristian, urn
ika, Nesgan tas nevitai ? Is asuptecnaig a
Natimi ahidan tas, urn ika, Et idivaig nuarin
neom inigki inliinmopoi natimi inig is eti
auritai iran a Atua. Et lep idivaig inmah
nedo has acheiachei inliinmopon. Et lep
idivaig nitai ahre intas alep u Atua. Ja et
idivag intas upene natahig inig et mun imi-
apam inwai aien um ohaig.
Kis lep ecetai ainyak an numjeg ahnag
unyak, mika is atau an nikman a Natimi
ahidan tas, um imiapan yin an nuarin neom
haklin is ethi, erus amen iran inhalav atahig
is ero, um ateuc irai itai ateuc urau, nidan
inmeto Nehniv, im nidan inharei Nigpa.
Is ulikulik a Nehniv, ja is tup eklim amen a
Nigpa. Is ahodaig a Kristian, um ika, Et
ulikulik a Nehniv vanhe ? Is asuptecnaig a
Natimi ahidan tas, um ika, Et merit a natimi
alupas mika yi aitgaig niji itai upene o un
aien um yetpan an taka mesese, ja et imiisjis
aien inleh vaig asega an nopan, ja et ika a
Nigpa yi aitgaig. Kis ecet tah ainyak napam
vaig ehele Nehniv, um apos incet mune, um
ati se u neduon. Is leh aien um imiacitak,
um imiafakahcil Nigpa. Ja is auroauro aien
um eduoraprap, is lep ihkin natimi aien.
Kis lep ecetai ainyak an numjeg ahnag
unyak, mika is atau an nikmai Kristian a
Natimi ahidan tas, um imiapan yin an nua-
?7
rin is ethi is amen incap eahki an yipin nat-
hatahau. Is aiji a natimi is ethi u incap, urn
eti atumop par atladwi inwai an cap mika yi
ahni. Ja is esjilid acen incap. Is ika a Kris-
tian, Nesgan tas nevitai ? Is asuptecnaig a
Natimi ahidan tas, urn ika, Et idivaig incap
inigki nauritai u Atua an liinmopoi atimi ; et
lep idivaig Tiapolo a natimi atladwi inwai an
cap ; ja et ere alupas incap vaig. Is lep
imiapan yin aien an nahaijin nathatahau. Is
amen eahki a natimi is ethi is eti atumop aien,
urn atladwi narakei an cap, ja eris eti ecet yin.
Id ahodaig a Kristian, urn ika, Nesgan tas
iran nevitai ? Is asuptecnaig a Natimi ahidan
tas, um ika, Iesu Kristo nigki ; et eti atumop
aien, um atladwi narakei o un an cap is atni
aien an liinmopoi atimi va etpu cas.
Kis lep ecetai ainyak mika is atau an nik-
mai Kristian a Natimi ahidan tas, um imi-
apan yin an nuarin esjilid is ethi. Is amen
eahki neom u Natimarid, is esjilid um upene,
is ti intas o un vaig. Eris lep atga ijinies an
neom natimi is amen ira ra napelumai colt.
Is ika a Kristian, Tu apan eahki akaijau. Is
imiapan yin a Natimi ahidan tas an neucse
neom iyehki. Eris amen natimi is ahinag an
neucse neom eris merit ara napan vaig anliin
neom, ja is ehka vai ra. Is lep ateuc ubutpotet
pan u neucse neom a natimi is ethi ; is amen
nitai hag an nuhup o un, im peper, im inwai
apeg iran, mika yi aged nidai atimi asega
aien erupu apan anliin neom ara. Eris lep
c
i8
amen an neucse neom a ilpu eucsupo is
ahinag, par atapnes atimi va eri jim apan ara
anliin neom, um abli ra. Is imiali a Kris-
tian va nitai iji igki. Eris imtitaig ilpu euc-
supo natimi asega um adumoij vai ra. J a is
ecet natimi is ethi a Kristian, is imtedoa
nesganimtan, napan vaig ehele natimi iyehki
is ateuc aien, um aged nidai atimi. Is um
ika ehelen aien, Namu aged nidak aiek, ja is
par aihiacsei nauitoga o un aien, um adgaig
incat uri nedoa an nidjinin, um athut irai iblai
ilpu eucsupo an neucse neom. Eris auud
-emda yin ara, ja is eti auatialidi aien, ja is
auhaig emda sjipe an nauitoga o un aien, um
abli ra, um apan anliin neom. Eris wat ecetai
nemda o un natimi iji ehki ijinies an neom u
Natimarid, eris imiahpas yin ara, um acesaces
nohranitai, um ika,
Apam aiek anliin neom inigki,
Va apu umoh aiek irai iji mesese.
Is apan aien anliin neom, eris lep aso yin
an napelumai upene. Is eucseucsin laav a
Kristian, um ika, Ek ato nesgan tas iran
ainyak.
Is ika a Kristian, Tu atga ujau akaijau. Ja
Is tas a Natimi ahidan tas, um ika, Eklim
erop, ekpu lep ehvaig ehelum ainyak niji itai
et eche. Is asjiraig nikman aien, um imiapan
yin an nuarin neom apat ahtu : is amen a
natimi is ethi eahki anliin nopoi hat is atpuh
x\esganimtan aien, is tup aes se nobohtan
19
ache aien, is ededejai yin aien, is idi-
vaig er auoh oplecoplec iniiinmopon. Is aho-
daig a Kristian, urn ika, Nesgan tas iran
nevitai ? Is ika ehelen a Natimi ahidan tas,
Namu tas ehelen aiek. Is ahodaig natimi
iyehki a Kristian, um ika, Aiek di aigki ? Is
asuptecnaig aien, um ika, Kis atimi alaig-
aheni upene ainyak, um aktaktai mika ki
uhum pan inpece upene ainyak.
Kristian. J a et echamecha iram an nopan
iniof ?
Natimi iyehki. Ek atimi ohocred ainyak,
ek amen iran ainyak et idivaig an nopoi hat
inigki.
Kristian. Na a uri aiek par hiski ?
Natimi iyehki. Kis eti aminjinai nyak
ainyak ; kis ago nedo has ainyak vai Atua
upene an lah ; is udei nyak a Nesgan Upene
va nedo ahnag unyak ; kis eipai Tiapolo
ainyak, is lep ham ehelek aien ; kis aua
has inliinmopoi Atua ainyak, is lep udei
nyak aien ; et ipjin inliinmopok ainyak, va
nitai inigki et ehka vai nyak intaigtaig vaig
va nedo has unyak.
Is tas a Kristian ehele Natimi ahidan tas,
um ika, Eri uauo natimi inigki ? Etpu idim
mas aien, ka o'o ? Et ehka par imiatamaig
yin, ka o'o ? Is ika ehelen a Natimi ahidan
tas, Namu ahodai yin aiek. Is ika a Kris-
tian, Uhpu eti ehvimiatamai euc ; napu amen
se aiek anliin nopoi hat inigki, ka o'o ? Is
asuptecnaig aien, um ika, Inyi idim uce irak.
20
Kristian. A uri ? Et esjilid naiheuc u
Inhal u Atua vai atimi.
Natimi iyehki. Maiya, ja kis lep atgei
Iesu ainyak an nauincai atgeig ; kis esjum
vai yin ainyak, im nedo atoh o un ; kis ika
ainyak is takitai inja itap iran ; kis atapnes
Nesgan Upene ainyak ; va nedo inigki et
amen irak intas ahlaijai u Atua, im intavaitap
o un.
Kristian. Na mun hiski aiek vanhe ?
Natimi iyehki. Va naiyu u inliinmopok va
niji itai an nobohtan inigki, im nedo has iran ;
ja et aces nyak nitai iji igki an nopan inig ;
t ek lep ohocred vaig ainyak.
Kristian. Et ehka vai euc nadumoij vaig
an nefalaig has unyum, ka o'o ?
Natimi iyehki. Maiya, is atcijaig nyak a
Atua mika yi ipjin inliinmopok ainyak : is
atapnes nyak aien an nopoi hat inigki ; et
lep ehka va atimi asega an nobohtan nati-
pagki nyak vaig. Kaiheuc vai nyak vai
inpece has ! Ekpu lucsei nohocred iran ain-
yak irai iji mesese, um uauo ?
Is um ika a Natimi ahidan tas ehele Kris-
tian, Namu imiehva nohocred u natimi inig-
ki aiek, etmu lep itai asjaacinaig imi euc aien
irai iji adiat. Is ika a Kristian, Et itai imti-
taig vaig nitai inigki ! Etmu atau imi nyak
a Atua par aminjinaig nyak, um ago nalaig-
aheni vai ki jim idivaig natimi inigki ainyak.
Is tas a Kristian ehele Natimi ahidan tas,
um ika, Tu atga ujau akaijau. Is ika ehelen
21
aien, Eklim erop, ekpu lep ehvaig ehelum
ainyak nitai yi ethi ache, ja napu atga unyum
aiek. Is atau an nikmai Kristian aien, um
imiapan yin an nuarin neom is ethi is amen
eahki a natimi is ethi, is tup pam aiji lahlah
aien an tinan ; is wat a^o yin aien an nap-
elumai o un, is imtitaig aien um eucjeuc-
jeucaij. Is ahodai yin a Kristian, um ika,
Et imtitan he a natimi inigki. Is ika ehelen
a Natimi ahidan tas yi asuptecnaig ehele
Kristian nohuun nimtitaig o un. Is atupun
aien, um ika, Ek mun umjeg ahnag ainyak
an nepig, um ecetai nohatag, mika et mun
mehcim alupas, et mun lep esjilid inmunuka
im nauwainapit, ek mun imtitaig alupas ain-
yak. Ek mun eas jipan ainyak an numjeg
ahnag unyak, um ecetai napat mika et mun
ae emda, ja ek par atahaijeg nohran toho
esjilid ainyak, um ecet natimi is ethi nateuc
vaig ijinies an nepig an nohatag, eris atirai
yin a ilpu agelo an nohatag is ahinag acen :
is ataluopni pam ra naijoran lah esjilid: is ata
nohatag asega.
Kis atahaijeg nohran tah ainyak, is ika,
Akumu anusjai aijaua, ak ilpu atimi emesmas,
um asjapicnaig an nuhup u Natimi alupas.
Is auroauro um ameled nij asega, um asal-
gei nehpai itai, eris lep anusjai a ilpu atimi
emesmas asega ; eris imiacitak nahaiji ra, um
eas jipan an nohatag ; ja eris etehto nahaiji ra,
um ika yi eropse niji edoon, um adahpoi ra.
Kis ecetai ainyak mika et mun algei nitaas-
22
viitai a Natimi iyehki is ateuc aien ijinies an
nepig, um ika ehele atimi asega an nobohtan
eri apan ehelen ara. Is lep ika aien ehele ilpu
agelo o un, Asjapicnaig nefelelicai has, im na-
rasi itai, im nohok, um erekhaig jai an net-
pen ehri. Is auroau^o um tup asalgei netpen
ehri iyehki ubutpotet pan u nuarin inig ek
mun aiji iran ainyak ; et mun ahlauhos nadran
cap iran, im inmehlai cap, im inmotjan naun-
yauwaig u atimi. Is lep ika a Natimi alupas
ehele ilpu agelo iji ehki, " Asjapicnaig korn
unyak, um ikni an nuarin ikni korn iran."
Kis ecetai ainyak mika eris mun imiaridjai
natimi is ahinag an napat, ja eris udei nyak
ara. Kis ika ainyak ki atpuh, ja is ehka : is
idim anani nesganimtan irak a Natimi alupas,
is aridjai nedo has asega unyak an nuhup
unyak, is lep ated nyak inliinmopok. Ja ek
mun aiji lahlah ainyak va numjeg unyak.
Kristian. Na a uri aiek par etehto va
nitai iji igki na mun ecetai aiek ?
Natimi iyehki. Is ika aien, Ek mun aktak-
tai ainyak mika et mun yetpam nadiat api-
tac an nobohtan, ja ek mun eti amatata vaig
ainyak. Eris wat udei nyak a ilpu agelo, ek
mun imtitaig ainyak. Is ated emda nyak in-
liinmopok va nedo has unyak. Kis lep aktak-
tai ainyak, mika is anani nesganimtan irak a
Natimi alupas, um edemda vai nyak.
Is ika a Natimi ahidan tas ehele Kristian,
Na mun aktaktai nitai iji igki asega aiek, ka
o'o ? Is ika aien, Maiya, ek ateuc iran ain-
"J
yak um imtitaig. Is ika ehelen aien, Namu
imiehva nitai iji igki aiek, um jim lep ah-
nag iran. Is lep amatata a Kristian va nat-
ga o un. Is ika ehelen a Natimi ahidan tas,,
Etmu amen ehelum a Nesgan Upene irai iji
adiat par asjaaicnaig ehelum an nefalaig yet-
pan an pece upene. Is atga o un a Kristian,
um ika,
Eh mun idim ehvaig ehelek
Niji itai imiali,
Ekpu aktaktai vaig ainyak
Irai adiat asega.
6.
Is uhum pan nauincai atgeig a Kristian, ja is par eropse nitai
ahelwei an cehen.
Kis lep ecetai ainyak an numjeg ahnag
unyak, mika is amen nirahed an nahaijin im
lep an nahaijin nefalaig iyehki is atga iran
a Kristian. Nidan nirahed iyehki Nitai
umoh iran. Isathut jipan an nefalaig a Kris-
tian, ja is ehka, va nitai ahelwei opoc iran.
Is athut aien is uce, um uhum pan nuarin
is ethi is isas ; is amen nauincai atgeig ijinies
an nuarin iyehki, im lep nehpanitai ubutpotet
u nehni se o un.
Kis lep ecetai ainyak an numjeg unyakr
mika is wat uhum pan nauincai atgeig a Kris-
tian, is ispun pijidi nitai ahelwei an cehen, um
etjose, um atcelcal, um uhum neucse neh-
panitai, um etjose iran, kis eti lep ecetai
ainyak. Is aiheucaiheuc a Kristian, um imi-
acitak, um ika, Ek atumop ainyak va noho-
24
cred asega unyak an nopan inig, urn umoh
upene vai inmas u Iesu an nauincai atgeig.
Is aiji aktit aien, urn eas, um imiali ; is ti
intas o un va nitai inigki, nikavaig, is wat
almoi nauincai atgeig aien, is auroauro nitai
ahelwei o un um etjo se. Is aes aien, um lep
aes, ja par taig va nimiacitak im nimiali o un.
Is wat aiji aien, um aes, um taig, ehtijiseh-
cohos pan ehelen nagelo an nohatag is eseij,
um ika, Kaiheuc vai euc, na mun ahesmoij
aiek! Is ika ehelen is ethi, " Eh mun ikni-
pagki nedo has iram." Is lep atipagki nap-
elumai mohtan iran is ethi, um aso yin an nap-
elumai upene. Is lep ati nitai asjaaicnaig an
nipjinimtan aien, um ati nitaasviitai an nik-
man, um ika ehelen yi atga esvi an nefalaig,
ja par atcijaig an neucsen pece upene : ehtijis
lep udei yin ahtaij. Is eceseij aliaujai a Kris-
tian va nimiacitak o un, um lep atga, um
acesaces nohranitai, um ika,
Is idim ehtipidai nyak
Nedo has asega unyak :
Kis lep ohocred ainyak vaig,
Um eucjeucjeucaij alupas ;
Ja kis atga ainyak, um ham
An nuarin inig, um almoi
Nauincai atgeig u Iesu,
Is idim mas iran aien.
Naaurinig, Naaurinig,
Is ispun etjose irak
Nitai ahelwei an cehek,
Um eti lep ehcerucai nyak.
Ehtaij ehcohos pam ehele Kristian nagelo an nohatag
et eseij.
^0
Is ecet Nahnag, im Nesjum, im Nasjis a Kristian numjeg vaig,
«rus amcel vai yin a Nalmuitai im Nefaifa : is aridjai aien an nedoon.
Nehka : is etjo nitaasviitai o un, ja is lep ecetai aien.
Kis ecetai ainyak an numjeg ahnag unyak,
mika is atga aien, urn ahlause pan, um ecet
natimi is .eseij an nahaijin nefalaig. Ehtijis
umjeg ahtaij, is lep amen natau hat irai eduei
ehtaij. Nidan is ethi Nahnag, im nidan is
ethi Nesjum, im nidan is ethi Nasjis.
Is wat ecet ehtaij a Kristian numjeg vaig,
is apan aien, um ahugni ehtaij, um ika, Eh-
taij idivaig natimi umjeg ijinies an nepan an
nelcau aijautaij, ja et amen ithamitaij Injap
Mas et ubo acen. Va nitai inigki ahtijmu
aiji aijautaij, um ahced nyak : ekpu lep atau
imi cautaij ainyak, um atipagki natauhat
iramitaij. Et amen igcakitah et idivaig laion
aunyauwaig ; etpu idim auahas cautaij aien.
Ehtijis amaah iran ahtaij, um tas ; is lep uce
intas u ehtaij.
Is ika a Nahnag, Ek eti imtitaig ainyak. ^
Is ika a Nesjum, Ekpu lep umjeg tintin
ainyak.
Is ika a Nasjis, Ekpu ispuk imiatamaig
nyak ainyak.
Ehtijis lep asjeuc ahtaij um umjeg, ja is
par atga o un a Kristian. Is eti elvatga aien,
ja par ecet natimi is ero. Erus ahtalgaunyi
nathatahau arau, jam epihtau iran an nahaijin
nefalaig an mauun. Erus auroauro arau um
apan ehelen. Nidan is ethi Nalmuitai, im ni-
26
dan is ethi Nefaifa. Erus tas ehelen arau,
is ato a Kristian vai intas urau im nedo urau,
mika erus eti atimi inveijec arau.
Is wat tas ehele rau a Kristian, um asup-
tecnaig natga o un ehele rau, im niji itai ase-
ga is yetpam iran, erus imilaav yin arau. Is
esjum vai rau aien, um udei rau, um echim
atga. Is ecahinag esvi an nitaasviitai iyehki
aien is alupai yin a nagelo is ethi, is lep emda
inliinmopon aien vaig. Kis almoi ainyak
mika, ehtijis ehratga ahtaij um yetpan u
nedoon is ethi, nidan Nehka : is amen an
nehni se o un nimtanwai. Is lep eteuc
nefalaig is ero is eche eahki ; im lep inig, is
atoh um ahes an neucse nirahed. Is apan is
ethi an mauun, im lep is ethi an matan ; ja is
atoh nefalaig ehroehro, um ahlaujai an nedoon
Nehka. Is apan a Kristian u nimtan wai um
umwig, ja par aridjai, um ika,
Ekpu idim emda ainyak :
Et ehka nedoon inig ;
Um lep ahlaujai pan iran,
J a par umoh an nohatag.
Erus lep yetpan natimi erahki u nehni se
u nedoon. Erus wat almoi arau mika is isas
um ijinies, um lep eteuc nefalaig is ero is ec-
he ; erus ika arau eru ahced nefalaig eraigki
arau. Nidan is ethi Inhas, im nidan is ethi
Nauahas. J a is ahced nefalaig nidan Inhas
is ethi ira rau, is yetpan an nese alupas ; is lep
ahced nefalaig nidan Nauahas is ethi ira rau.
27
is yetpan an nuarin pece alupas, is ahinag niji
edoon apat iran ; is epihtau aien, urn eropse,
um eti lep atidai.
Kis lep aespan Kristian ainyak, um ecet
yin naridjai vaig an nedoon. Is athut aien,
um lep tup eklim atga, um lep acrac va nisas.
Is eteuc neom atumop iran an nahaijin
nefalaig, is ago a Natimarid mika eri atumop
iran a ilpu atimi atga. Is apan a Kristian an
neom iyehki um ateucse um atumop. Is
aihiacse nitaasviitai an ritin aien, um esvi
intas iran. Is lep almaijidjid napelumai
iyehki eris alupai yin u nauincai atgeig, um
aktaktai inupene o un, um imiacitak vaig. Ja
is imtate aien, um umjeg acen, um yetpan an
jupura. Is lep etjo se nitaasviitai an nikman
an numjeg o un.
Is wat umjeg aien, is apan ehelen tah, um
ahugni yin, um ika, " Apan ehele nilupau, ak
natimi esjum ; aktaktai nedo o un, um ara-
pakau." Is auroauro a Kristian um aiji, um
atga o un, um ahlau jai neijin ijinies an ned-
oon iyehki.
Is wat uhum pan inlolan nedoon iyehki
aien, erus athut pam ehelen natimi is ero,
nidan is ethi Nimtitaig, im nidan is ethi
Nimiisjis nahcil. Is ahodai rau a Kristian,
um ika,
Erau a uri aijaurau par adumoij an ne-
falaig ?
Is asuptecnaig a Nimtitaig, um ika, Ecrus
atga aijumrau par apan an nuarin pece Saion,
28
ja et idim ehka nefalaig, va nitai inigki ecrus
adumoij aijumrau. Is lep tas a Nimiisjis
nahcil, urn ika, Erau lep asjeuc laion et ero
an nefalaig, ecrau eti ato aijumrau, kit erau
umjeg arau, ka aiji; ecrus imtitai rau aijumrau
va eri jim aces yi amud cumrau arau, um
adumoij.
Is imtitaig a Kristian vai intas urau ; ja is
ika aien, El ek adumoij ainyak, ekpu mas ain-
yak, ja el ek uhum pan inlolan nedoon Saion
ainyak, ekpu umoh ainyak ; ekpu imiisjis
ainyak, um ahced nefalaig inig. Erus udei
Kristian a N imtitaig im Nimiisjis nahcil, um
athut, um ahlause an nedoon, ja is atga an
nefalaig aien.
Is wat echim atga a Kristian, is lep ak-
taktai intas o natimi erahki aien. Is ahilek
nitaasviitai o un an ritin aien, mika yi esvi
intas iran, va etpu eropse inliinmopon aien
vaig, jam eti ecetai. Is ohocred alupas in-
liinmopon aien, is lep eti ato aien nitai inig
etpu ago aien. Ja is imiehva aien mika is
umjeg aien an neom atumop iyehki an na-
liaijin nefalaig. Is atpuse aien um ugyi Atua
mika yi jim aru iran va nedo ahnag o un, is
lep adumoij aien par ahilek nitaasviitai o un.
Is atga easeas an nefalaig aien um ahilek ni-
taasviitai o un, um yetpan an neom atumop
iyehki. Is ateuc aien um taig, um ika,
Kaiheuc vai nyak, ek atimi ohocred ainyak !
kis a uri ainyak par umjeg an nadiat ! Ek
mun etjo itac ainyak, kit etpu epig irak an
^§k j%$£S
Et ecetai laion a Kristian.
29
nefalaig ! Is wat ateuc aien urn taig, is eas
ithan nitai ateuc aien, urn ecetai nitaasviitai ©
un. Is auroauro aien urn leh, urn ati an ritin.
Is imiacitak alupas aien, urn ago naaurinig
vai Atua, urn atga o un.
Is atga aiheucaiheuc a Kristian, um lep
aridjai an nedoon, ja is wat eti fi ahlaujai
aien is ete nagesega. Is aktaktai intas o
Nimtitaig im Nimiisjis nahcil aien vai laion
is ero erahki. Is tas ehelen aien, um ika,
Era atga laion irai pig : el erau ehtet irak
arau an nepig, ekpu erl ahapan eda ainyak, va
eru jim aces yi amud nyak arau ? Is atga
aien an nefalais: is uce. Is ohocred aien va
nedo ahnag o un ; ja is eas jipan an nes-
ganimtan aien, um ecetai neom atumop iran,
is esjilid umeklim upene, an nahaijin nefalaig.
Nidan neom iyehki, Neklim upene.
Is ahtaregdei laion a Kristian ; is yetpan aien an neom nidar.
Neklim upene ; eris aiheuc vai yin iran, um ago nedo upene vai
yin.
Kis lep ecetai ainyak an numjeg ahnag un-
yak, mika is merit aien napan vaig eahki, um
umjeg. Is eti elvatga aien, ja par uhum pan
nefalaig ehroehro ubutpotet pan an naiyu u
natimi aminjinaig neucse neom. Is ehlad
aien, um eas pan an nuhup o un, um ecetai
laion is ero an nefalaig. Is amen natau hat ira
rau : ja is eti ecetai aien. Is imtitaig aien, um
ika yi adumoij. Is aktaktai aien mika erupii
30
auahas yin arau. Ja is ecet yin a natimi
aminjinaig neucse neom, nidan Naminjinaig,
urn ahlaig vai yin, urn ika, " Jim imtitaig
laion, er idim athai rau ira atau hat ; atga
an niblan nefalaig ; inyi eti auahas euc tah
nitai."
Kis ecetai ainyak mika is atga aien um
eucjeucjeucaij, ja is imiaiji intas o Naminji-
naig aien. Is tup ahgei naunyauwaig u laion
aien, ja erus eti ago tah nitai vai yin arau. Is
ahpu nikman aien, um atga o un, um yetpan
an neucse neom. Is ika a Kristian ehele na-
timi aminjinaig neucse neom,
Neom u di nigki ? ekmu asjeuc ainyak
igcaki an nepig, ka o'o ?
Is ika a natimi aminjinaig neucse neom, Is
aeo neom iniorki a Natimarid an lolan nedoon
Saion vai ilpu atimi atga. Is lep ahodai yin
a natimi aminjinaig neucse neom, um ika,
As ahes eda aiek ? nalaig eda inigki unyum ?
Is asuptecnaig ehelen a Kristian. Is ika a
Naminjinaig, Ekpu ahlaig ainyak vaig tah
irai ilpu atahig igcaki, el et upene iran intas
unyum, etpu imiapan euc aien anliin neom.
Is atcei bel aien, ja is ahes anliin neom nata-
hig is ethi is ecen nesganimtan, um eklim
upene, nidan natahig iyehki Neclim erop. Is
ahodai natimi aminjinaig neucse neom aien,
um ika, Na mun ahlaig vai nyak aiek vanhe?
Is asuptecnaig ehelen a Naminjinaig, um
ika, Is ahes a natimi inigki an nuarin pece
iyehki uhpu auahas : et mun esvi yin natga
o un ; et merit aien nasjeuc vaig igcaki an
nepig ; ek mun ika ehelen ainyak, Ekpu ah-
laig yai euc ainyak ; ja napu ago iran aiek
et idivaig nedo an neom inigki. Is tas ehe-
le Kristian aien, urn ika, Ekpu lep ahlaig
vai ehtaij etwak ainyak, Narapakau, im Nedo
an nohatag, im Naiheuc. Ehtijis lep tas ehe-
len ahtaij, ja eris imiapan yin anliin neom ara
Eris ehtet iran a ilpu atimetin anliin neom, urn
aiheuc yai yin, urn ika, " Apam anliin neom,
ak natimi u Natimarid ; is ago neom inio-ki
aien, mika eri atumop iran a ilpu atimi atga
o un."
Is naaurinig aien, urn apitac pan ra anliin
neom. Is ateuc aien ; eris lep ago nohumas
iran : eris tastas jipe ara, urn uhum pan an
nopan hag ura an jupura. Ehtijis tas ehele
Kristian a Narapakau, im Nedo an nohatag,
im Naiheuc ; is lep asuptecnaig ehele ra aien
niji itai is ahinag.
Is ika a Nedo an nohatag, Ak etwak Kris-
tian, Asuptecnaig ehelema niji itai asega is yet-
pam iram an nefalaig.
Is tas aien, urn ika, Et idim upene irak
intas unyum. Kis ahes ainyak an nuarin pece
iyehki uhpu auahas. Is esjilid nohocred un-
yak va nitai ahelwei irak. Is tas ehelek a Na-
vagalia, urn asuptecnaig ehelek nefalaig et yet
pan an neucse nirahed haklin. Kis ahnag
an nefalaig ainyak, urn ete an nuarin jaujat
ja is lep ati nyak an nobohtan ipjin a Natau.
Is aminjinai nyak a Natimi alupas, urn imi-
apan nyak an neom u Natimi ahidan tas ; is
aiheuc vai nyak aien, urn imiapan nyak anliin
neom, urn ehvaig ehelek niji itai upene is
ahinag, urn asuptecnaig nesgan tas iran. Kis
lep ahes an neom iyehki ainyak, urn eti elv-
atga, ja par ecetai nitai imiali. Is amen tah
an nauincai atgeig an nuhup unyak, is asuol
inja iran. Kis wat almoi ainyak is ispun etjo
nitai ahelwei irak. Ehtijis lep ehcohos pam
ehelek a nagelo is eseij : is ika is ethi, Uhmu
iknipagki nedo has iram ; is atipagki nap-
elumai mohtan irak is ethi, urn aso nyak an
napelumai upene inigki ; is lep ati nitai as-
jaaicnaig an nipjinimtak is ethi, um ati nitaasvi-
itai inigki an nikmak. Kis lep ecetai niji itai
is eche ainyak, nikavaig, Nahnag, im Nesjum,
im Nasjis ; im nadumoij vaig u Nalmuitai
im Nefaifa va nimtitaie urau; im laion erah-
ki is ehka nahtaregdei rau vaig. Is auati-
alidi tintin inliinmopok ainyak va nitai iji
igki, el is eti tas upene ehelek a natimi
aminjinaig neucse neom inigki, kit el ekis
adumoij ainyak. Naaurinig vai Atua, ainyak
um ai^ki israki ehelemia.
Is lep tas ehele Kristian a Narapakau, um
ika, Na aktaktai nuarin pece iyehki aiek, as
ahes iran aiek, ka o'o ?
Is asuptecnaig a Kristian, um ika, Maiya,
ek idim aktaktai ainyak, ja ek esjum vaig
ainyak, um merit vai inpece upene par amen
iran : et lep apol irak hal edo er ago an nua-
rin pece iyehki, ja eku wit ago ainyak ek oho-
33
cred vaig ainyak : eku wit uhum pan inpece
upene ainyak, ekpu atcijaig nitai has asega iji
igki ainyak et apol irak, urn amen se upene
irai iji mesese.
Is lep tas ehele Kristian a Naiheuc, urn
ika, Jam uauo ehgam im ilpu hal unyum ?
Is taig alupas a Kristian, um ika, Kaiheuc
vai ra, ah ! Kis merit ainyak mika eri ahced
nyak ara ; ja eris esjum ara : is aiyu inliin-
mopora ara vai nobohtan inigki, im niji itai
iran, eris lep auatialidi ara inlucsei vaig no-
hocred an nefalaig ehka inigki ; ja ek imi-
ehva ra ainyak, um ago nalaigaheni vai ra
irai iji adiat.
Kis lep ecetai ainyak an numjeg ahnag un-
yak, mika is wat yop itai, eris ateuc ara um
hag. Is amen nitai caig esjilid um upene an
nitai hag, im nide vaine upene. Eris hag ara,
um tastas jipe vai Natimarid an nedoon Saion
ache. Kis ato ainyak vai intas ura mika is
eucsupo emda aien. Is ago nedoa aien vai
natimi atgei atmas, um auahas yin : ja is lep
mas aien vaig : va nitai inigki is aiyu alupas
inliinmopok ainyak vai yin.
Is uce intas ura, um uhum pan an nijihgan
nepig, ja eris par alaigaheni ara, um umjeg.
Is umjeg a Kristian an nuarin neom alupas
is ethi, is eteuc inmun neom iran ehnain rid-
jai o un. Nidan nuarin neom iyekhi Nigpa.
Is umjeg aien, ja par aiji lahlah an nathut u
nadiat, um acesaces nohranitai um imiahpas
Atua, um ika,
D
34
Naaurinig va naiheuc u Iesu
Vai ilpu atimi upene o un ;
Et lep aminjinaig cama aien,
An nefalaig et yetpan an nohatag.
Is wat lahlah an nuhialeg, eris ika ehele
Kristian ara yi jim fi atga o un, jam amen
urn almoi niji itai imiali an nuarin iyehki.
Eris upyi hup ara um imiapan yin an neom
ateucse, um ehvaig ehelen niji itaasviitai eris
aged itu acen ; um aniv ilpu retpoi Natima-
rid an nedoon Saion, mika is Hal o un aien
is ispun eteuc aien irai iji mesese. Eris lep
aged iran intas va niji auritai o un, im lep
nidai ilpu aheca o un is ahinag.
Eris esvi ehelen ara intas va niji auritai
upene eris ago hal irai ilpu aheca o un : eris
lep esvi intas ara va naiheuc u Natimarid va
atimi, im inmerit o un mika eri udei nedo has
asega ura ara, um asgeig iran, va etpu imi-
atamaig ra aien.
Is wat lahlah an tak apnyin, eris imiapan
yin ara anliin neom eris ikni nij va atimi iran,
um ehvaig ehelen nitai iji igki is ikni a Na-
timarid ura vai ilpu atimi o un, nikavaig,
nauitoga uri nedoa, im incat adgaig an nedoa,
im nitai ahtaipup, im incetpun neduun inyi
eti has.
Kis lep ecetai ainyak an nurrijeg ahnag un-
yak mika, is wat lahlah an tak apnyin, eris
imiacaij Kristian ara mika yi lep amen aien
an nadiat yi ethi, um ika, El et ahrei upene
nadiat, ecrupu ehvaig ehelum aijama nedoon
35
iji ehki et eklim upene. Is adai intas ura
aien urn amen. Is wat lahlah an tak apnyin,
eris imiaridjai yin ijinies an nedoon ara, urn
ika ehelen yi aes pan an nuarin inig et ahes
nuritoga iran. Is ecetai inpece alupas urn
esjilid aien ; is ahinag nedoon iran, im nesei,
im nokoro vaine, im niji ubutpot itai ohwai
itai, im intisiaicai. im nimtai wai, is eklim
upene nalmoi vaig. Is ahodai nidan pece
inigki aien Eris asuptecnaig ara, um ika,
Inpece u Imanuel mun igki ; is ati aien vai
ilpu atimi atga o un. Nau wit uhum pan
eahki aiek, napu ecetai neucse nah pan an
pece upene aiek.
9.
Is atga a Kristian an niskanse ubo : is ago nedoa vai vin p.
Apolyon; ja is esjilid iran aien.
Is ika a Kristian yi lep atga a un, Ja eris
upyi hup ara, um imiapan yin an neom is
amen iran nij va atimi, um aso yin irai iji itai
uri nedoa, va yi Jim ago nedoa vai yin tah
an nefalaig. Eris aso upene yin ara, ja par
ahced yin um apan #n neucse neom. Is
ahodaig natimi aminjinaig neucse neom aien,
um ika, As ecet tah natimi aiek natga vaig
an nefalaig, ka o'o ? Is asuptecnaig a natimi
aminjinaig neucse neom, um ika, Maiya.
Kristian, Na ato yirf aiek, ka o'o ?
Natimi aminjinaig neucse neom. Kis aho-
dai nidan ainyak, is asuptecnaig ehelek aien,
um ika, Nimiisjis ninveijec.
36
Is ika a Kristian, Ek ato yina inyak. Is
atimi eblaamnem unyak aien an nuarin pece
unyak. Nai ikha aiek an yec eda aien an no-
pan inig ?
N atimi aminjinaig netecse neom. Et idivaig
et mun ahlause pan an nedoon aien.
Is ika a Kristian ehele natimi aminjinaig
neucse neom, Ak etwak, etmu amen ehelum
a Ihova, um alupai euc niji itai upene asega,
va naiheuc unyum vai nyak. Is ika aien yi
atga o un, ja eris ahced yin a Neklim erop,
im Nedo an nohatag, im Naiheuc, im Nara-
pakau, jam eti elvatga. Eris ehratga ara, um
tastas jipe va niji itai upene, um uhum pan
an nuarin asuol iran. Is tas a Kristian, um ika;
Is ehka naridjai vaig, et lep ehka nasuol se-
pan vaig. Is ika a Narapakau, Maiya, et id-
im uco, et ehka va atimi nasuol se vaig an
niskanse ubo, jam eti atalahas an nefalaig. Is
atupun aien um eklim asuol se, ja is eceseij
atalahas aien.
Kis ecetai ainyak an numjeg ahnag unyak
mika, is wat ahlau sepan aien eris alupai yin
nareto is ethi ara, im inhubej is amen nide
vaine iran, im lep nigai vaine ; ja is par atga
an nefalaig echim aien ache.
Is eti elvatga a Kristian Niskanse ubo
iyehki, ja is ectai natmas has aien, nidan
Apolyon. Is idim has acen aien ; is ataluop-
ni yin ninehen et idivaig numu ; is idivaig
nimyeuv alupus acen aien, ja is lep eteuc
nehpan is ero ; is idivaig neduei bear neduon,
37
is idivaig nipjineucese laion nipjineucsen ; is
lep ahes incap, im nadran cap an nipjinetgan.
Is uhum pan Kristian aien, urn amah acal
iran, urn ahodai yin, um ika, As ahes aiek
eda ? nalaig eda inigki unyum ? Is
asuptecnaig a Kristian, um ika, Kis ahes
ainyak an nuarin pece has iyehki uhpu aua-
has, ek lep apan alaig an maliyum Saion
ainyak.
Is ika a Apolyon, Aaha! na atimi unyak
aiek ; ek ohuun inpece asega inaico ainyak ; as
a uri aiek par aha, um udei natimarid unyum ?
Is tas a Kristian, um ika, Eris idim apos
nyak an nelcau unyum ; jai kis esjum ain-
yak vai nauritai has unyum, um imtitaig nim-
tan imi ilpu aheca unyum ; va nitai inigki
is wat eteuc lelek, kis aha ainyak um apan
ehele Natimarid esjilid um upene, ek adualep
o un ainyak an nopan inig, um apol iran
ache.
Is wat atahaijeg a Apolyon, is ataktit eij-
en aien vai intavaitap o un, um ika, Ek am-
cel vai natimi naico ainyak, im intas alep
asega o un, im ilpu atimi o un. Ekpu lep
atapnes euc ainyak. Is ijiwusjera a Apolyon,
um ika, Napu idim mas aiek igcaki. Is wat
uce intas o un, is atcijaig nidjan nefana aien
is idivaig nalaume u incap an ritin, ja is ah-
tadai a Kristian an nitai ahtaipup an nikman.
Is ahyausei nauitoga uri nedoa a Kristian ; ja
is auro pan ehelen a Apolyon, um atcijaig
nidjai efana is ahinag iran. Is ehka vai Kris-
38
tian natapnes vaig asega. Is urn tau an nid-
jinin, im nikman, im neduon. Is auatialidi
tintin a Kristian vaig, um atgaatga ehpan
itac ; ja is auroauro aien, um lep asjis an liin-
mopon emda. Is atupun nehtauo urau an
nadiat meto um yetpan an jupki ; is ubut-
potet u nauatialidi o un a Kristian vaig.
Is wat almoi a Apolyon mika is auatiali-
di a Kristian, is apan ehelen aien um aces-
cas imi yin, um atlijai yin ; is lep ehveliak
nauiioga oun aien an nikman. Is ika a Apol-
yon, Ehe ! ekpu idim auahas euc ainyak ; is
lep avise emda yin aien ; is aktaktai a Kris-
tian mika etpu mas aien. Is wat ubutpotet u
nauahas yin vaig, is emda a Kristian, um arah-
pan va nikman, um asjiraig nauitoga o un,
um ika ehele Apolyon, "Jim imiacitak vai
nyak, ak natimi tak atimi irak ; ek mun erop-
se ainyak, ja ekpu atidai jai ainyak." Is
uce intas o un, ja is par efahcai yin aien.
Is atga pan itac a Apolyon is idivaig tah
er acjapidai yin. Is wat almoi a Kristian,
is lep ahlau pan ehelen aien um ahcai yin,
um ika, " Ecri idim esjilid aijama vai yin is
aiheuc vai cama aien." Is imtitaig a Apol-
yon, um elgelgei nehpan is idivaig inman, um
ae pan ; is eti lep ecet yin a Kristian.
Is wat eteuc nehtauo iyehki urau, is esjilid
naunyauwaig u Apolyon ; ja is auwe a Kris-
tian, um efadijai yin.
Erus atiid nehtauo urau arau, ja is par ika
a Kristian, Ekpu ago naaurinig vai yin ain-
Erau ati nedoa a Apolyon im Kristian.
39
yak is imiatamaig nyak aien an nipjinelise
laion ; urn ika,
Is ehniv vai nyak urn edemda acen
A Bielsibub, natimarid an pece has ;
Is atapnes nyak an nefalaig aien,
Is lep merit aien nauahas nyak vaig.
Ja kis idim esjilid iran ainyak,
Va nemda inig is ahes an nohatag,
Naaurinig, naaurinig vai Atua.
Is ehcohos pan ehele Kristian a naeelo is
ethi, um alupai yin nenncai umumoh vaig.
Is ati irai mocop iran aien ; is par auroauro
um mah vaig. Is ateucse aien an nuarin iyehki,
um caig nareto um umnyi nide vaine, eris tup
pam alupai yin ; is lep emda vaig aien, um
atidai, um atga, um apos nauitoga uri nedoa
an nikman, va yi jim atapnes yin tah natimi
tak atimi iran. Ja is eti lep ago tah nitai vai
yin a Apolyon an niskanse asega iyehki.
Is lep eteuc niskanse is eche an nehni o
un iyehki, nidan Niskanse u Napat im In-
mas ; is upene vai Kristian natga vaig iran ;
is eteuc iran nefalaig et yetpan an pece upene.
Is uarin amasacen niskanse iyehki ; is eti
amen iran tah natimi ; era atga asega iran
a ilpu atimi upene ache. Is lep esjilid noho-
cred u Kristian an niskanse iyehki.
10.
Kristian an niskanse u Napat im Inmas.
Kis ecetai ainyak an numjeg ahnag unyak
mika, is wat ubutpotet pan u Niskanse u Na-
40
pat im Inmas a Kristian, eris ehtet iran nati-
mi is ero, ohwat halav atamaig u natimi iji
ehki eris asan tas ahcil ara vai inpece upene.
Erus auroauro arau urn adumoij.
Is ahodai rau a Kristian, urn ika, Nalaig eda
inigki unyimirau ? Erus ika arau, N adumoij
inigki, nadumoij inigki unyimrau. Namu
ahced cumrau aiek, um jim apan eahki va an
jim mas aiek.
Is ato a Kristian mika is inveijec nefa-
laig iyehki is atga iran aien, um eti ahgei
intas urau. Erus udei yin ahwat rahki, ja
is atga aien an nefalaig, um apos nauitoga
uri nedoa an nikman, va yi jim yetpam iran
tah nitai has.
Kis lep ecetai ainyak an numjeg ahnag
unyak mika, is eteuc nehpanitai ubo acen an
nahaijin nefalaig an matan, im lep nuarin
jaujal an nahaijin an mauun.
Is ehroehro nefalaig an nuarin iyehki um
ehka acen. Is wat atga a Kristian an na-
pat, um ika yi atga itac acen u nehpanitai,
is ubutpotet pan u nuarin jaujal aien : is wat
lep ika aien yi atga itac acen u nuarin jau-
jal, is ubutpotet pan u nehpanitai aien. Is
atga adedijai yin emda aien va nimtitaig
o um.
Kis lep ecetai ainyak mika, is amen neucsen
pece has an niblan nuarin marara ubutpotet
pan u nefalaig. Is aktaktai a Kristian, um ika,
Inki ago inhe ainyak ? Is ahlaahos iran neuc-
sen pece has nalaume u incap, im nadran cap,
4i
im nemai cap, im naunyauwaig u atimi. Is euc-
jeucjeucaij a Kristian, urn atohwaig nauitoga
uri nedoa a un, um asjiraig nalaigaheni, urn
ika, " Ak Ihova, ek ugyi euc ainyak mika an
imiatamaig nyak aiek."
Is elvatga aien, ja is ero inliinmopon aien ;
is ika aien yi adumoij, um lep ika yi jim
adumoij. Is imiisjis aien um atga, um ak-
taktai mika etpu ti nuarin has tupko. Ja eris
ehcohos pan ebelen a ilpu atmas is ahinag ;
eris wat ubutpotet pan ehelen ara, is efehtas
aien, um ika, " Ekpu atga ainyak an nemda
u Ihova Atua unyak." Eris par adumoij ara,
um eti lep apan ehelen.
Kis lep almoi nitai inigki ainyak, nikavaig,
is ehioehio inliinmopoi Kristian, is lep eti ato
nohran aien. Is wat ubutpotet pan u neucsen
pece has aien, is apan tan nagelo has an ce-
hen um tas ilohol, um asan tas itap um has
is ahinag. Is aktaktai aien mika is ahes an
liinmopon intas has iji ehki. Is ohocred a
Kristian va nedo o un, nikavaig, is asan tas
has aien vai yin is aiyu inliinmopon aien vai
yin. Ja is eti aktaktai aien natapnes intik-
gan vaig, um eti ahilek igca is ahes intas iyeh-
ki iran.
Is elvatga a Kristian an liinmopon ohocred,
ja par ahgei nohran tah is idivaig is uhup iran,
um ika, " Eku wit atga ainyak an niskanse
apat acen, inki eti imtitaig tah nitai has
ainyak ; na idim amen ehelek aiek." Is
imiacitak aien, um ika yi uhum pan tah tupko,
42
ja erupu ehratga arau. Is atga aien um ahlaig
vai yin is uhup iran, ja is eti lep tas pan
ehelen a natimi iyehki ; is idim aktaktai aien
mika is echim atga aien ache. Is eti elvatga
a Kristian, ja par ecetai nathut u nadiat : is
imiacitak alupas aien, um ika, Et mun ti pan
itac nalmun mas ja mlah nigki.
Is wat lahlah pan upene, is eas pan itac
aien par almoi nitai has asega iji ehki is ah-
taregdei aien an nepig. Is ago naaurinigvai
Atua aien va nimiatamaig yin vaig. Is lep
imiacitak a Kristian va naridjai u nagesega,
va nitai inigki, nikavaig, is has nilpun niskan-
se u Napat im Inmas is atga iran aien, ja
is has acen nilpun an nuhup o un is eti fi
atga iran aien. Is aiji aien um almoi nefa-
laig mika is has um yetpan an nilpun niskanse.
Is ahinag niji itai auahas atimi iran, nikavaig,
nopoig, im niji itai ecen iran, im nopoi hat,
im nitai apro itai, im netpen, im nehpan itai,
im nameri, im intete, im niji itai ehka um has
is ahinag. El is mehcim, el is ecahinag
auahas yin aien ; ja is lah upene va nagesega.
Is atga upene aien um yetpan an nehni u
niskanse.
Kis lep ecetai ainyak an numjeg ahnag un-
yak mika, is amen an nehni u niskanse inja
ira atimi, im niji eduei atimi, im nohpa, im
nohui atimi eris auahas ra. Kis aktaktai nitai
iji igki ainyak um imiali, ja par ecetai inmun
nij an nuhup unyak. Eris amen iran natimi
auatatimi is ero itu acen, is alupas has nohu-
Et ataktit eijin vai Kristian a Pope.
43
rau, nidan is ethi Napat, im nidan is ethi
Pope. Is ahteregdei nuarin has iyehki a Kris-
tian, ja is eti yetpam iran tah nitai has. Kis
imiali ainyak, ja eris asuptecnaig ehelek mi-
ka is mas a Napat itu, is lep yusinba urn
autatialidi a Pope etwan. Et ehka vai yin
nauahas vaig atimi is idivaig itu ; et tup ateuc
an neucsen mun nij aien, urn ataktit eijin vai
ra va nedemda o un.
Is ehka vai Pope narop iran vaig, ja is efeh-
tas aien, um ika, El ek emda ainyak, el ek aua-
has euc ainyak. Ja is eipujai yin a Kristian
um eti tas ; jam ahced nefalaig o un, um u-
moh. Is eti auahas yin tah nitai, is lep cediaig
aien, um acesaces nohranitai va nimiatamaig
yin vaig asega, um ika,
Naaurinig vai Atua emda ;
Is imiatamig nyak aien
Va niji itai has is ahinag ;
Ek umoh ainyak vai yin ache.
11-
Is uhum pan Nimiisjis ninveijec a Kristian ; erus tastas upene
jipe arau.
Is atga a Kristian, um ahlau jai an nuarin
ijinies, um eas pan uhup, um ecet natimi is
ethi, nidan Nimiisjis ninveijec, nuhup vaig
iran.
Is efehtas a Kristian, um ika, Ee ! nat igki,
eklim erop um aitgaig nyak, intupu ehratga
akaijau. Is ahidai yin a Nimiisjis ninveijec,
44
um ika, O'o, inki eti atumop ainyak, va yi
jim uhum pam nyak nitai has.
Is athut emda a Kristian, um uhum pan
Nimiisjis ninveijec,um ahtaregdei yin; is idim
uhup a natimi apitac. Is elvatga a Kristian va
nemda o un, um eti almuktit nefalaig, um
auroauro um epihtau, um eropse. Is ehka vai
yin inlep atidai vaig, ja is par apan a Nimi-
isjis ninveijec, um atau iran, um imiatidai yin.
Kis lep ecetai ainyak an numjeg ahnag un-
yak mika erus ehratga arau ; is tup ethi ache
inliinmoporau arau ; erus lep tastas jipe arau
va niji itai asega is yetpam ira rau an natga
urau. Is asuptecnaig nohocred o un a Nimi-
isjis ninveijec va niji itai oop yin an nefa-
laig, ja is eche niji itai oop Kristian. Is idim
eti ete aien an nuarin jaujal, ja is ehtet iran
a intakata is ethi, nidan Nacitak, um ika yi
imiahnag yin, ja is aminjinai yin a Iesu.
Kristian. Naaurinig, as eti epihtau aiek,
is lep ago nedo inigki aien vai Josef, ja is
eti adai intas efaifa o un aien ; is lep lucsei
nohocred aien va nedo upene o un.
Nimiisjis ninveijec. Maiya,is tas efaifa ehe-
lek aien, ja kis imtitaig ainyak um atapnes
nesganimtak vai ki jim ecet yin ainyak. Kis
lep imiehva intas an nitaasviitai itap ainyak,
nikavaig, " Et asuol sepan an pece has nefa-
laig o un " : kis aha vai yin ainyak ; is lep
edemda aien um atuh nyak.
Is ahodai yin a Kristian, um ika, Is yetpam
tah nitai has is eche iram, ka o'o ?
45
Nimiisjis ninveijec, Maiya, kis wat ham ain-
yak u nedoon Nehka, kis ecet nefatimi is ethi
ainyak, nidan Atam uhup, is ahes aien an nua-
rin pece Nefaifa. Is tas ehelek aien is idivaig
natimi upene, um ika, Apam urn amen ehelek;
ekpu alupai euc nimtan upene ainyak. Is up-
dak um upene intas o un. Kis aktaktai ainyak
mika ki ahced yin ainyak, ja kis almoi intas
eris aged an nipjinimtan, nikavaig, 'Amen itac
acen u nefatimi im nedo o un." Kis tas ipjin
ehelen ainyak, um ika, Inki eti apan ainyak an
neom unyum. Is edemda aien um atuh nyak,
um ika, Ekpu abraig pan tah ehelum ainyak,
etpu ehcerucai euc aien. Kis ahidai nyak ain-
yak, um ika ki atga unyak, ja is efahiaig pam
emda nyak aien. Kis ohocred ainyak vaig, um
ahlaig ijinies, um ika, " Ek atimi ohocred ain-
yak." J a kis lep atga ainyak um atupun um
ahlau jai an nedoon. Kis ecet tah ainyak na-
pitac nyak vaig. Is athut emda aien is idivaig
nimtinjap, um uhum pam nyak u neom atumop
iran. Is auroauro aien um auud nyak, kis erop-
se ainyak. Kis lep nusjai tintin ainyak, um
ahodai yin, um ika, Na mun auud nyak aiek
van he ? Is ika aien va naiyu u inliinmopom
aiek vai Atam uhup, is lep auud emcla nyak
aien : kis idivaig natimi mas ainyak. Kis lep
nusjai tintin ainyak, um ika, Tak eriss irak. Ja
is ika aien, Ek eti aiheuc va atimi ainyak,
um lep auud nyak. El is eti acaiji yin tah, el
is auahas nyak aien.
Kristian. Is acaiji yin a di ?
46
Nimiisjis ninveijec. Kis eti fi ato yin ain-
yak : ja is wat ahtaregdei nyak aien, kis ece-
tai nugnyan neel ainyak an nikman im neduon,
im nugnyan mopul an nahaijin, va nitai iji
igki kis aktaktai ainyak mika is Atimarid uja
aien. Kis lep ahlaujai an nedoon ainyak.
Kristian. Moses iyehki is uhum pan euc
aien. Et eti aiheuc va atimi aien. Et aru em-
da ira atimi iji ig aien era auahas intas alep
u Atua ara.
Is lep tas a Nimiisjis ninveijec ehele Kris-
tian, urn ika, Is ehtet irak a natimi is ethi an
niskanse Ubo, nidan Namen has, um imiisjis
par imiadumoij nyak ; is ika aien eri eti imi-
ahpas tah natimi atga an niskanse inigki : eru-
pu lep edemda vai euc a ilpu etwam va nedo
ubo inigki : namu jim ihkin natimi aiek. Is
lep ehtet irak a natimi is eche, nidan Nehcamai,
is esjilid napat o un. Is imiedohalav emda
nyak aien, um tas has va nalaigaheni. Is ika
aien, Et takitai nalaigaheni, era eti alaig-
aheni a ilpu atimi esjilid an nobohtan et ahi-
nag. Kis imiali intas has o un ainyak, um tas
emda ehelen, um ika, Ak Nehcamai, atga un-
yum aiek ; ek eti ehcamai ainyak vai Natimi
alupas unyak an nuhup u atimi, inyi eti lep eh-
camai vai nyak aien an nuhup u Etman an
nohatag. Is apol irak a nat yehki,um ecahinag
tas has ehelek, ja kis wat eti adai intas o un
ainyak is atga o un aien. Eris wat udei nyak
ah wat rahki, is edig irak an nefalaig, im lep an
niskanse Ubo.
47
• 12.
Tntas va Nipjineucsen inhal u Intas updak an nuarin pece nidan
Intas acen.
Kis lep ecetai ainyak an numjeg ahnag un-
yak mika, erus wat atga an nefalaig arau, um
tas upene jipe ehele rau, is ehlad pan an na-
haijin a Nimiisjis ninveijec, um ecet natimi is
ethi, nidan Nipjineucsen. Is atimi ijinies
aien, um upene nohun nalmoi yin vaig itac
acen.
Is ahlaig vai natimi iyehki a Nimiisjis nin-
veijec, um ika, Nalaig eda inigki unyum ? na-
laig apan an pece upene inigki unyum, ka
o'o ? Is asuptecnaig a Nipjineucsen, um ika,
Maiya, ekpu apan eahki ainyak, tu ehratga
akaijau. Is ika ehelen a Nimiisjis ninveijec,
Tu tas jipe akaijau va niji itai imiatamaig
nesgaija, va etpu emda inliinmopja akaija
vaig. Is ika aien, Et idim upene irak : is
alupai caija nipjineucsaija a Atua mika ti tas
iran akaija ; ek ato ainyak intas vaig va niji
itai an nohatag im lep nobohtan, niji itai itap
im lep niji itai eti itap, niji itai itu acen im lep
niji itai tupko. Is atupun aien um tas ; is lep
eti atumop nipjineucsen.
Is imiali a Nimiisjis ninveijec, um apan
ehele Kristian, (is idim apitac rau aien,) um
ika, Natimi esjilid inigki et ahced caijau aien.
Is eucseucsin laav a Kristian, um eklim tas
ehele etwan, um ika, Ek idim ato natimi
inigki ainyak, er anvi nidan par ika Nip-
48
jineucsen, inhal u Intas updak, is amen aien
an nuarin pece Intas acen ; et alaigaheni aien
an nipjineucsen ache, et idim imiahnag atimi
aien an tas o un.
Nimiisjis mnveijec. Nai inveijec aiek, ka
intas auyat unyum inigki ?
Kristian. Ek inveijec ainyak ; et idim tas
aien va nalaigaheni, im nimiisjis ninveijec,
im nauritai u Atua an liinmopoi atimi, im ne-
do upene ; ja et asan tas ahcil aien, urn urn-
nyi kava, um ago ingeijid, um apol an nedo
has et ahinag : eris idim epihtau natimi is
ahinag va nedo o un.
Nimiisjis ninveijec. Et mun ti intas unyak
vai natimi inigki : ek esjum vai yin ainyak ;
ja ekpu asan he ehelen ainyak mika yi eipu-
jai nyak aien, um atga o un.
Kristian. Ak etwak, el et ahilek emda
nauritai u Atua an liinmopon aiek, et idivaig
etpu esjum vai euc aien, um atga o un.
Is lep udei Kristian a Nimiisjis ninveijec,
um apan ehele Nipjineucsen. Erus lep tas
jipe arau. Is uce intas urau.
Nimiisjis ninveijec. Ak Nipjineucsen, er
ato nauritai u Atua an liinmopoi atimi
anhe ?
Nipjineucsen. Ak etwak, et upene intas
ahodaig unyum ; ekpu asuptecnaig ehelum
ainyak ; er idim ato nauritai u Atua an liin-
mopoi atimi vai intas alupas ura vai nedo has.
Nimiisjis ninveijec. O'o, er ato nitai inig-
ki vai namcel vaig va nedo has. Era tas
49
emda va nedo has natimi et ahinag jam eti
amcel vaig. Ele ta eti amcel vai nedo has
akaija urn udei, el et eti amen nauritai u
Atua an liinmopja. Er lep ato nauritai u
Atua an liinmopoi atimi an he ?
Nipjineucsen. Er lep ato nauritai u Atua
an liinmopoi atimi va nato itai ura.
Nimiisjis ninveijec. O'o, era ato intas upe-
ne a ilpu atimi auatatimi et ahinag. Is tas a
Iesu vai ilpu atimi ato nitai merit u Atua jam
eti ago. Ele ta eti ago nedo inig akaija eris
asuptecnaig imi caija, jam ato ache, ele ta ilpu
atimi auatatimi akaija. Na ago nedo upene
iji igki aiek na ato aiek, ka o'o ?
Nipjineucsen. Is edemda aien, um ika
ehele Nimiisjis ninveijec, Na ahilek inliin-
mopok aiek vanhe ? natga alep unyak nigki :
kaiheuc vai euc.
Is apan a Kristian ehele etwan, um ika, Kis
idim ato ainyak mika inyi uce. Et eche intas
o nat igki, jam lep eche nedo o un : is wat
tau iran intas unyum is edemda aien. Et
esjum aien nudei vaig nedo has o un. Er
uauo. El et ahced caijau aien, el et auah
iraijau aien. Is lep ika a Tevit, " Et mun
ahesmoij a natimi inig et eti ehredo aien im
ilpu atimi auatatimi.
13.
Erus atga u nakaro a Kristian im Nimiisjis ninveijec, ja eris abli
rau a ilpu atimi auatatimi.
Erus ubutpotet pan u natga ehni vaig an
E
5°
namasacen arau, ja is ehlad pan itac a Nimiis-
jis ninveijec, urn ecet Navagalia napam vaig
ehele rau. Is imiacitak inliinmoporau arau.
Is uhum pan rau a Navagalia, um aiheuc vai
rau, um ika ehele rau, Aru mopjec, ak ohwat
etwak. Erus ika arau, Naaurinig, ak etwam-
rau, et imiacitak inliinmopomrau aijumrau va
nalmoi vaig nesganimtam.
Is ahodai rau a Navagalia va namen urau
an nopan iyehki is eipujai rau aien, um imi-
hum pam an nopan inig. Erus asuptecnaig
ehelen a Kristian im Nimiisjis ninveijec niji
itai asega is yetpam ira rau an nefalaig.
Is ika a Navagalia, Naaurinig, arus lucsei
nohocred aijaurau ; ja arus eti auatialidi vaig
aijaurau ; arus lep amen aktit aijaurau um
imihum pam an nopan inig. Is lep asup-
tecnaig ehele rau aien mika eru wit atga arau
an nuarin pecenidan Intakitai an nuhup urau,
erupu lep lucsei nohocred inyi eche arau, ja is
ika aien, Arumu amen aktit aijaurau um yet-
pan an nopan mas unyimirau, ja etpu adgaig
korona imi caurau a Natimarid va nitai umoh
iran.
Kis lep ecetai ainyak an numjeg unyak
mika, erus atga ehni an namasacen arau, ja
par apan an maliyum, nidan Intakitai. Eris
asjapicnaig u nakaro eahki natimi is ahinag, is
idivaie nedo ura itu. Is amen eahki nitai
caig, im naga, im niji padiaig asega ; eris
apan o un a ilpu atamaig, im ilpu takata, im
ilpu dualep, im ilpu atahig, im ilpu halav :
Erau apan an nakaro an maliyum Intakitai a Kristian
im Nimiisjis ninveijec.
5i
eris lep ahcil natimi eahki, um ago nedo
efaifa, um ago ingeijid, um ago niji edo has
asega, um imiacitak vaig. Eris emda natimi
asega, um aheca u Tiapolo natimarid an
nakaro, um ago niji auritai has asega o un.
Erus wat atga a Kristian im Nimiisjis nin-
veijec an nuarin iyehki eris ago nakaro iran,
is ehioehio inliinmopoi ilpu atimi ago nakaro,
eris wat almoi ara mika, is eche napelumai
ira rau, jam lep eche napelumai ira ra, um
eche intas urau, jam lep eche intas ura, um
lep eche nedo urau, jam lep eche nedo ura.
Is tas ehele rau a natimi is ethi, um ika, Arau
ahvig he aijaurau ? Ja erus asuptecnaig arau,
um ika, O'o, ecrau ahvig intas upene ache
aijumrau. Eris imiafakahcil rau natimi, um
atuh rau, um asan tas has vai rau, um imiin-
vinitai rau, um ika eri auud rau. Is esjilid
acen nehtauo o atimi asega vai rau. Eris
imiapan rau an nuhup u ilpu atimi alupas ara,
mika eri tas alep vai rau ara. Eris ahodai
rau ara, um ika, Arus ahes eda aijaurau ? na-
laig eda nigki unyimirau ? Erus asuptecnaig
arau, um ika, Ecrus ahes aijumrau an nuarin
pece iyehki uhpu auahas, um atga par apan an
pece upene, ecrus eti auahas tah nedo inig
aijumrau eris atapnes cumrau an nefalaig vaig,
um ago nedo has vai cumrau. Ja eris aktaktai
a ilpu atimi alupas mika erus ahnag arau, um
eti eteuc lelrau, um ika erus ham arau par
auahas nedo an maliyum ura. Eris edemda
vai rau natimi, um abli rau, um athei rau ira
52
obohtan, um ikni rau an nopoi hat mika eri
alum rau natimi. J a erus ago nedo eti auati-
emda arau, um aru intas has an tas upene, um
aru nedo has an nedo upene. Eris wat almoi
nedo upene urau hal atimi u nakaro iyehki,
eris aiheuc vai rau ara, um acaiji nedo has u
ilpu etwara vai rau, um imiaras rau. Eris
ehtauo jipe vai rau a nup an maliyum Intaki-
tai, um acescas, um auahas jipe ra ; ja erus
tup eklim amen igpa arau.
Eris lep imiapan Kristian im Nimiisjis nin-
veijec an nuhup u ilpu atimi alupas. Eris
atijai ira rau nehtauo iyehki natimi, um aredei
rau, um ikni natau hat ira rau, um ago nedo
ipjin vai rau, mika eri imtitaig natimi asega,
um amen itac acen vai rau. Eris lep imiapan
rau anliin neom ipjin ara, um ahtehgaig
nauincai irai eduorau.
Eris lep imiapan rau an nuhup u ilpu atimi
alupas an tah nopan, mika eri asuptecnaig
nimtan imi rau. Is tas ehele rau a natimi
alupas is ethi nidan Namcel vai nedo upene,
um ika, Arus atupun nehtauo aijaurau an
maliyum unyima, um auahas nedo unyima,
um aihiaig pam atimi et ahinag ehelemirau.
Is atidai a Nimiisjis ninveijec, um ika, E-
crau eti atimi ehtauo aijumrau ; ecrau auahas
nauritai u Tiapolo ache aijumrau ; el ecrau
imiadumoij ilpu atimi auatatimi an nefalaig
has ura aijumrau, el et upene ; ecrau idim
amcel vai Bielsibub natimarid unyimia
aijumrau, um eti imtitai yin im ilpu agelo has
o ua.
53
Eris tastas jipe vai Nimiisjis ninveijec a
nup an maliyum iyehki, um ehras ated mas
vai yin. Eris imialau ijo yin ara, um
aces eijira vai yin, um aredei yin, um ahcai
yin ira auitoga ura, um asji yin irai hat, um
atnamud nohun. Is idim uco inmas u
Nimiisjis ninveijec. Ja kis ecetai jariot cap
im hors is ero ainyak ubutpotet is aitgaig
Nimiisjis ninveijec. Is wat mas aien, eris ati
yin irai jariot iyehki, um imiaridjai yin an
nepig an nohatag. Is ipjidipjid nefalaig
iyehki par apan an pece upene. Eris lep
ati Kristian anliin neom ipjin ara, ja is
auarahcil aien, um atga o un, um lep ahced
nefalaig upene, um ika,
Kaiheuc vai etwak Nimiisjis ninveijec :
Is atimi upene aien, um apol irai Iesu ;
Eris atgei yin a ilpu hal u natimi atgei
atmas ;
Ja et umoh aien an pece upene.
14.
Is lep ecet natimi upene is ethi a Kristian nidan Naitgaig : Eras
ehratga arau, um tastas jipe.
Kis ecetai ainyak an numjeg ahnag unyak
mika, is eti echim atga a Kristian ; is apan
ehelen a natimi is ethi, nidan Naitgaig, um
ika, Ekpu ahced euc ainyak. Is updak
inliinmopon aien vai Kristian, is wat almoi
nedo upene o un im Nimiisjis ninveijec aien,
an nopan iyehki erus lucsei nohocred arau an
54
maliyum nidan Intakitai. Is lep asuptecnaig
aien, urn ika, Era lep amen hal eahki, era
aktaktai upene ara, urn ika eri apitac ara.
Et idim uco, is atipagki Nimiisjis ninveijec
a Atua, urn lep imiatidai natimi is eche par
isjeupigmoig yin.
Erus eti elvatga a Kristian im Naitgaig, ja
erus uhum pan tah an nefalaig arau, nidan Has
iran itai. Erus tas ehelen arau, um ahodaig
nuarin pece o un. Is asuptecnaig ehele rau
aien, um ika, Kis ahes ainyak an maliyum,
nidan Intas updak ; era ahinag um esjilid a
ilpu atimi ehpan irak eahki ; ek apol ainyak
an nalaigaheni inig er ikni itai vaig, um eti
lucsei nohocred vaig ; ek atga ainyak alaig
apan an pece upene. Is ika a Kristian, Na
atimi efaifa aiek ; na esjum aiek inlucsei vaig
nohocred vai Iesu ; jim ahced cumrau. Erus
eipujai yin arau, um amen itac acen vai yin.
Kis lep ecetai ainyak mika is echim atga a
Has iran itai, ja ehtijis uhum pan yin natimi is
eseij an nefalaig, nan, Napol an nobohtan, im
Inmerit vai mune, im Inmeteug. Eris aiheuc
jipe vai ra ara, um tas jipe. Is asuptecnaig
ehele ehtaij a Has iran itai intas o un im
Kristian im Naitgaig, im nesjum urau vai yin
va naiyu u inliinmopon va nobohtan. Eris
aktaktai ara mika erus ahnag arau, um apitac
rau, um uhum pan rau an nefalaig.
Is tas ehele rau a Inmerit vai mune, um ika,
Arau ika aijaurau et eti upene vai ilpu atimi
atga naktaktai alupas vaig nobohtan inigki im
55
niji itai iran ; ja ek ika ainyak eri alaigaheni
atimi mika eri ikni itai vaie ara.
Kristian. Et eti upene intas inigki unyum.
Era ago nedo inigki a ilpu atimi auatatimi
ache. Eris ago nedo inigki a ilpu Faresi, urn
atoraliak inpadiaig u ilpu takata eris emesmas
a ilpu atamnyu ura, um ago nalaigaheni opra
par adahpoi nedo has ura. Is ago nedo inigki
a Jutas, um alaigaheni mika yi aminjinaig
incet mune u ilpu atimi atahaijeg Iesu, um
ehneg itai iran. Is lep ago nedo inigki a
Saimona natimi ahraces ; is merit aien mika
yi amen ehelen nemda u Nesgan Upene, mika
yi ago niji itai imiali aien, um lucsei nimtan
vaig. Et ehka va atimi par aheca u Atua im
Mamona. Eris wat atahaijeg intas o Kristian
ara, eris amah jipe ira ra ara jam eti tas. Eris
lep aijijai rau ara mika eru uhup arau.
Erus lep atga a Kristian im Naitgaig, um
yetpan an nuarin marara upene is ethi. Is
eteuc nedoon tintin an nahaijin marara
iyehki itac. Is amen nehpanitai ubo eahki
eris ucji silver iran. Eris udei nefalaig hal
eris atga iran ara, um apan u nehpanitai iyehki
par almoi. Ja is efaifa nobohtan an neucse
nehpanitai. Eris eropse iran natimi is ahinag,
um emesmas ; eris lep lucsei inmocop ira ra
hal eahki, um eti lep atga upene um yetpan
an nopan mas ura.
Kis lep ecetai ainyak mika, is aiji ubutpotet
u nehpanitai iyehki eris ucji silver iran a natimi
is ethi,nidanTimas. Is amen eahki aien par imi-
56
acaij ilpu atimi atga an nefalaig, mika eri apan
ara um almoi. Is ahlaig aien vai Kristian im
Naitgaig, mika eru apan arau um almoi, um
ika, El erau auritai tintin igcaki aijaurau, aru-
pu auroauro aijaurau, um ikni itai.
Is ika a Naitgaig yi apan um tup almoi,
ja is ika a Kristian, O'o, kis atahaijeg intas vai
nuarin inig ainyak, mika nuarin efaifa nigki,
eris emesmas iran natimi is ahinag. Is imiisjis
ehele rau aTimas, ja is ipjin intas o Kristian. Is
ika ehelen aien, Ak Timas, ek ato euc ainyak ;
nai hal u Jutas aiek is alwai Natimarid aien, ja
is ispun alcinwan aien : na lep merit aiek par
imiahnag cumrau ; napu idim lucsei nimtan
nedo has unyum aiek. Erus lep atga urau
arau.
Erus eti elvatga arau, ja erus par ecet Has
iran itai arau im ehtaij etwan. Eris wat uhum
pan u nuarin iyehki ara is eteuc nehpanitai eris
ucji silver iran, eris auroauro ara, um udei nefa-
laig, um apan ehele Timas. Ek eti ato ainyak
kit eris eropse anliin nehpanitai ara,*ka ehlause
um auritai iran um mas ; ja kis eti lep ecet ra
ainyak an nefalaig.
Kis lep ecetai ainyak mika erus atga arau
um uhum pan nitai asjaaicnaig an nahaijin
nefalaig. Erus imiali nitai iyehki arau; is idim
idivaig intakata, jam oboatau hat. Erus aiji
o un arau, um almaijidjid, um ecetai intas eris
aged iran. Is asjapicnaig nidan tintin asega a
Kristian, um esvi intas inigki, nikavaig " Imi-
ehva ehgai Lot." Erus aktaktai arau mikaehgai
57
Lot iyehki, is uhum pan yin intavaitap u Atua
is wat aiji aien an nefalaig, urn ika yi adumoij
pan Sotom vai inpadiaig o un. Erus lep atga
arau, um tas upene jipe va nitai iji igki.
15.
Is ahnag a Kristian im Naitgaig an nefalaig ; is ehcerucai rau a
natimi alupas actalactal is ethi, nidan Nohocred.
Kis lep ecetai ainyak an numjeg ahnag un-
yak mika, erus atga arau um yetpan u nofowai
upene, nidan " Nofowai umoh vaig." Is eteuc
nefalaig urau an nahaijin nofowai, erus atga
iran arau um imiacitak, um umnyi inwai umoh ;
is lep emda nohurau vaig. Is amen niji cai
an nahaijin nofowai im lep nahaijin, um oho.
Eris lep hegaig nerin um umumoh vaig niji
emehe eris lucsei natimi an nefalaig.
Is lep eteuc nuarin marara an nahaijin nofo-
wai im nahaijin, is eklim upene va nefelelicai
im intisiaicai ; is esjilid nuarin iyehki nasjeuc
vaie iran. Erus wat aiji arau, erus aldei
• • • i
nohwai itai arau, um lep umnyi mwai umoh,
um lep asjeuc umjeg. Erus ago nedo inigki
arau irai iji adiat im niji epig, um acesaces
nohranitai, um ika,
Naaurinig vai inwai umumoh vaig,
Lumai ilpu atimi an nefalaig ;
Et lep upene acen nohwai itai,
Era lep emda vaig a ilpu atimi atga.
Kis lep ecetai ainyak an numjeg ahnag un-
58
yak mika, erus hag urn umwig arau, ja par ah-
ced nefalaig. Erus eti elvatga arau ja is par
atiakoai jipe nefalaig im nofowai ; erus
taigtaig vaig arau, ja erus esjum arau nudei
vaig nefalaig. Is riduitriduit nefalaig ;
is lep coho neduorau va natga urau ; is
auatialidi inliinmoporau arau va nefalaig.
Erus merit emda arau mika yi upene nefalaig.
Erus ecetai nuarin marara upene arau an na-
haijin nefalaig an mauurau, im neucse nirahed
par atga iran ; is lep eteuc nefalaig haklin an
nahaijin nirahed igcapan. Is ika a Kristian, Et
idim upene nefalaig naico ; tu atga iran akai-
jau ; et idim updak nefalaig va nedueijau.
Erus ehlad arau um ecet natimi is ethi natga
vaig an nuhup urau, nidan Nasgeig irai takitai.
Erus ahlaig vai yin arau,um ika, Et yetpan eda
nefalaig inigki ? Is asuptecnaig ehele rau aien,
um ika, Et yetpan an neucse nah an pece
upene. Is uhup ira rau aien, ja erus par apitac
yin arau. Is yetpam nepig ira rau ; is lep esji-
lid inmehcim. Is eti ecetai nefalaig a Nasgeig
irai takitai, um eropse an nehpanitai ubo eris
ucji par atapnes ilpu atimi ahnag, um mas.
Erus atahaijeg neropse o un a Kristian im
Naitgaig, um ahlaig vai yin, ja is eti tas
aien, is tup aunyauwaig ache aien. Is lep es-
jilid incopda, im inmunuka, im nauwainapit; is
lep ahgarero. Erus imtitaig arau im taigtaig
va nedo urau, nikavaig, erus udei nefalaig arau.
Erus ika arau eru adumoij, ja is ehka va na-
pat im inwai.
Et auud Kristian im Naitgaig an nelop uptenupten
o un a Nohocred natimi actalactal iyehki.
59
Is ehka vai rail necetai vaig neucse nirahed
an nepig iyehki. Erus ateucse arau an nuarin
aiyu par aitgaig nadiat. J a erus imtate arau
urn umjeg. Is eteuc neom ipjin ubutpotet pan
u nuarin iyehki erus asjeuc iran arau^ nidan
Nimiisjis nahcil, is ohuun a natimi is ethi, nidan
Nohocred, is alupasacen nohun. Is aiji lahlah
aien an nuhialeg, urn ecet Kristian im N ait-
gaig numjeg vaig an nuarin pece o un. Is
ahugni rau aien.um tas ehele rau,um ika,Erau
ham igcaki aijaurau vanhe ? Erus asuptecnaig
ehelen arau, um ika, Ecrus atimi atga aijumrau,
jam ahnag an nefalaig.
Is ika ehele rau a natimi alupas acen iyehki,
Arus atga an nuarin pece unyak aijaurau, um
umjeg iran, va nedo inigki arumu ahced nyak
aijaurau. Is ehka vai rau nimiisjis vaig ehelen
va nemda o un. Is imiapan rau aien anliin
neom ipjin o un, um ikni rau an nuarin neom
is apat, um epiv, um has. Erus amen eahki
arau irai hal adiat, um eti ecetai tah nitai caig,
im inwai, im inlah. Erus ohocred alupas arau.
Is eteuc ehgai natimi alupas actalactal
iyehki, nidan Lelehtas; jaerus wat asjeuc arau,
um tastas jipe, is ahodai ehgan aien, um ika,
Uhpu ago inhe irai oh wat rahki ? Is tas ehelen
aien, um ika, Namu lucsei rau aiek, um aredei
emda rau. Is aiji aien an nuhialeg, um apan
anliin neom ipjin, um auud rau an nelop
uptenupten. Erus auatialidi vaig arau, urn eti
atidai, jam tup asjeuc ache. Is udei rau aien,
ja erus ohocred arau an nadiat asega iyehki,
um taig alupas va nohocred urau.
6o
Is wat lep epig, is tas a intakata iyehki
ehele natamnyu un, is wat ato aien mika
erus eti fi mas arau, urn ika, Namu asaig
ehele rau aiek mika eru isparau auahas rau
arau. Is wat lep lahlah an tak apnyin, is
apan ehele rau aien, um tas edemda ehele
rau, um ika, Arupu eti lep alau ijo an neom
ipjin inigki aijaurau ; et upene mika aru is-
pumirau auahas caurau aijaurau an nauitoga,
ka inwau, ka inwai acen.
Ja erus ugyi yin arau mika yi udei rau aien.
Is amah acal ira rau aien, um aiheucaiheuc
pan ehele rau, mika yi auahas rau, ja is eropse
an nobohtan aien, is lep auatialidi nikman. Is
udei rau aien um atga o un, ja erus tastas
arau mika erupu imiaiji intas o un arau, ka
o'o. Is ika a Kristian ehele etwan, Intupu
ago inhe akaijau ? Et idim esjilid nohocred
ujau, ek eti imtitaig inmas ainyak, ja ek esjum
ainyak vai nuarin has inigki. Is tas a Nait-
gaig, um ika, Et idim inveijec intas unyum,
nikavaig, et esjilid nohocred ujau um upene
inmas vaig, ja et itap vai caijau nispaijau
auahas caijau vaig vai intas alep inigki u
Atua, nikavaig, " Jim atgei atmas." Is lep
ika aien, Inyi eti leh nitai umoh iran tah
natimi atgei atmas. Erupu amen a ilpu atimi
atgei atmas an pece has. Is lep ika a Nait-
gaig, Et esjilid a Atua irai natimi alupas
actalactal inigki, kit etpu aiheuc vai caijau
aien, um imiatamaig caijau va nohocred ujau;
jam jim ispaijau auahas caijau akaijau. Is
6i
eropse tintin inliinmopoi Kristian vai intas o
etwan. Is has namen urau an nadiat asega
iyehki.
Is wat lep jupura, is lep apan ehele rau a
natimi alupas actalactal iyehki par almoi, kit
erus imiaiji intas o un arau, ka o'o. Ja is ecet
rau aien numoh vaig, jam ubutpotet u inmas
urau va numlaig, im nahvig wai, im inmocop
ira rau, erus tup dedijai rau ache arau. Is
wat ecet rau aien numoh vaig, is atavaitap
aien, va nimipalea vaig intas o un urau, um
ika yi atijai nohocred esjilid ira rau. Erus
eucjeucjeucaij arau ; is idivaig natimi mas a
Kristian ; is wat nusjai tintin aien, erus lep
tastas arau, kit erupu imiaiji intas o natimi
alupas actalactal iyehki arau, ka o'o. Is ika
a Kristian yi adai intas o un, ja is imiisjis
emda a Naitgaig, mika eru jim ago nedo
iyehki arau.
Erus wat lep asjeuc a natimi alupas actal-
actal iyehki im ehgan an nepig, is tas ehele
natamnyu un aien vai Kristian im Naitgaig,
um ahodai yin, kit erus imiaiji intas o un arau,
um isparau auahas rau, ka o'o ? Is asuptec-
naig aien um ika, O'o ! erau atimi ipjin arau ;
erau lucsei nohocred asega arau, ja erau eti
isparau auahas rau arau. Is ika a ehgan,
Imiapan rau an nuarin et amen iran niji eduei
atimi im nipji nipek ura sji ehki as upyi auahas
ra aiek, um ika napu auahas rau aiek et idi-
vaig as auahas ra aiek.
Is wat lahlah an tak apnyin is ago nedo
62
iyehki a natimi alupas actalactal is asaig
ehelen a ehgan, urn imiapan Kristian im
Naitgaig an nuarin iyehki is amen niji eduei
ilpu atimi emesmas iran, urn ika ehele rau,
Eris ilpu atimi atga ara sji igki urn idivaig
caurau, ja eris atga an nuarin pece unyak
ara is idivaig caurau, jai kis auahas ra ain-
yak : ekpu lep auroauro ainyak um ago nedo
inigki vai caurau. Is lep abli rau aien, um
ikni rau anliin neom ipjin. Erus tup asjeuc
ache arau an nadiat asega iyehki, um ohocred.
Is imiali a natimi alupas actalactal iyehki va
nipjin urau, nikavaig, erus eti imiaiji intas o
un arau, um isparau auahas rau.
Is wat lep epig is tas a ehgai natimi alupas
actalactal iyehki ehelen, um ika, Et idivaig
erupu auarahcil arau, um aha : kit et amen
ehele rau kii par asalgei intapnes an neom
ipjin. Is ika a natamnyu un, Et idivaig, ja
ekpu aiji ainyak an nuhialeg um ahilek ira
rau.
J a is wat ijihgan nepig asgeig pan nadiat
atumop, erus atupun arau um alaigaheni, um
yetpan an nauhoig yamud u nadiat, Is wat au-
hoig yamud nadiat, is ika a Kristian, Ek ah-
nag ainyak namen vaig igcaki ; et idim amen
kii an ritik, ekpu asalgei intapnes asega ainyak
an neom ipjin inigki ; Is ika a Naitgaig,
Naaurinig, ak etwak, fi leh kii aiek, um
asalgei.
Is atipagki kii an ritin a Kristian, um ati
an tapnes uhup, is auroauro um asalgei ; is
63
ati kii an tapnes is eche aien, is auroauro um
asalgei : is lep ati kii aien an tapnes hat itac,
is ipjin tintin, ja is par lep asalgei.
Erus apan itac arau, um aha. J a is ahgei
inmotjan tapnes a natimi alupas actalactal,
um aiji, um apitac rau, ja is lep ehlau pam
iran nauatialidi u nikman im neduon. Erus
eti atumop arau um uhum pan nefalaig u
Natimarid, um umoh. Erus ahtalgaunyi ni-
rahed arau, ja par aktaktai nitai inigki erupu
ago arau par atapnes ati mi, va eri jim ahnag
ara, um atga an nuarin pece u natimi alupas
actalactal iyehki, Erus aduwi noboatau arau,
um aged iran intas inigki, nikavaig, " Nefa-
laig et yetpan an neom ipjin u natimi alupas
actalactal inigki, et amcel vai Natimarid an
pece upene aien ; et lep merit aien nauahas
vaig ilpu atimi upene." Eris esvi intas
inigki natimi is ahinag epitpitac ira rau, um
umumoh.
16.
Eris ago nedo upene vai Kristian im Naitgaig a ilpu atimi asgi
siip irai lola edoon eklim upene.
Erus atga a Kristian im Naitgaig, um yet-
pan irai lola edoon eklim upene, et ohuun a
Natimarid an nedoon Saion. Erus aridjai
arau par almoi nahapol, im nohuitai, im
nokoro vaine, im nimtai wai eahki : erus lep
umwig eahki arau, um ereuc, um hegaig
nohwai itai.
Eris amen a ilpu atimi asgi siip irai lola
64
edoon iji ehki, urn aminjinaig slip ura. Erus
apan ehele ra arau, urn aijisji irai iseuc urau,
et idivaig ilpu atimi et esvi ra natga vaig,
urn ahodaig, um ika, Et ohuun niji edoon iji
igki a di ? et lep u di siip iji igki er asgei ra ?
Eris asuptecnaig a ilpu atimi asgi siip, um
ika, Inpece u Imanuel nigki, et lep eti itac
acen inmaliyum o un, et ohuun siip iji igki
aien, is lep mas vai ra aien.
Kis lep ecetai ainyak an numjeg ahnag un-
yak mika, eris wat almoi a ilpu atimi asgi
siip mika erus atimi atga arau, eris ahodai
rau va itai ara. Eris wat atahaijeg intas
asuptecnaig urau ara, is upene inliinmopora
ara vai rau. Eris aiheuc vai rau ara, um ika
ehele rau, Naaurinig va napam unyimirau irai
lola edoon eklim upene iji igki. Nidai ilpu
atimi asgi siip ji igki, nan, Nato itai, im
Naktaktai itai, im Naiji lahlah, im Ninveijec.
Eris lucsei rau ara, um imiapan rau irai imnim
ura, um alaa rau nitai caig. Eris lep acaiji
rau ara, mika eru amen laulau jak arau, um
atumop, um hegai itai upene irai edoon eklim
upene iji ehki. Is upene ira rau intas ura.
Kis lep ecetai ainyak an numjeg ahnag un-
yak mika, is wat lahlah an tak apnyin, eris a-
hugni Kristian im Naitgaig a ilpu atimi asgi
siip, mika eri edo ara irai edoon iji ehki. Eris
ahlau ijo ara, um edo, um adpau irai iji uarin
eklim upene marehed mihtag. Eris tastas
jipe a ilpu atimi asgi siip, um ika, Intumu
imiadpau ohwat raigki u niji itai imiali akaija.
65
Eris imiaridjai rau ara ijinies an lolan nedo-
on is ethi, nidan Nahnag, is isas acen, urn
asaig ehele rau, mika eru eas se u nehni se u
nedoon. Erus eas se a Kristian im Naitgaig,
urn alum atimi is ahinag eris eropse ara, um
auhoig yi oplecoplec ra.
Is ahodaig a Kristian, um ika, Inhe nigki ?
Eris asuptecnaig a ilpu atimi asgi siip, um
ika, Arus upyi atahaijeg intas vai ra sji igki
aijaurau, eris imiahnag ra a Haimenius im
Failitus, va niminusjai nohui atimi, ka o'o ?
Erus ika arau, Maiya.
Eris ika a ilpu atimi asgi siip, Era mun ji
igki ara, eris eropse ara um auhoig yi oplec-
opjec nohura an nehni se u nedoon inigki par
itai imiehva imi atimi.
Kis ecetai ainyak mika eris imiaridjai rau
ara ijinies an nedoon is eche, nidan Naminji-
naig, um ika ehele rau eru eas pan itac acen
arau ; erus almoi atimi is ahinag arau, eris
atga jipe ara u etheso ira atimi ; is apat nes-
gaiimtara ara, eris lep epihtau ara irai etheso
ira atimi.
Is ika a Kristian, Inhe ji igki ?
Eris asuptecnaig a ilpu atimi asgi siip, um
ika, Arus ecetai neucse nirahed aijaurau an
nahaijin nefalaig irai mauumirau, ka o'o ?
Erus ika arau, Maiya.
Eris ika a ilpu atimi asgi siip, Et ahes nefa-
laig an neucse nirahed naico, um yetpan an
neom ipjin u natimi alupas actalactal ; eris ah-
nag an nefalaig ura ara sji igki, ja.is arop ira
F
66
ra a natimi alupas actalactal iyehki, urn ikni ra
anliin neom ipjin oun; is lep iknipagki nes-
gaiimtara aien, urn imiapan ra u etheso ira
atimi, urn aticijai ra, mika eri atga jipe iran ara
urn imihum pam an nopan inig. Erus aes jipe
rau a Kristian im Naitgaig, jam eti tas.
Kis ecetai ainyak mika eris imiapan rau an
taka uarin a ilpu atimi asgi siip, is amen
intapnes eahki an nahaijin nedoon ; eris
asalgei intapnes ara, um asaig ehele rau,
mika eru almoi inliin arau. Eris almoi inliin
arau, ja is apat, um ohua nadran cap iran ;
erus lep atahaijeg inmotjan cap arau, im
naunyauwaig u ilpu atimi ohocred, um ahgei
nipin narekwas.
Is ahodaig a Kristian, um ika, Inhe nigki ?
Eris asuptecnaig a ilpu atimi asgi siip, um
ika, Nimtiri nefalaig et yetpan an pece has
nigki, era atga iran a ilpu atimi alaigaheni
efaifa, et idivaig Jutas is alwai Iesu aien, im
Aleksanter is asan tas has aien vai intas
upene, im Ananaias im Safaira, erus ahcil um
efaifa arau.
Erus tas jipe a Kristian im Naitgaig, um
ika, Etmu aiheuc vai caijau a Atua, um alupai
caijau nemda o un, mika tu ahced nefalaig
upene akaijau, um amen aktit iran.
Eris ika a ilpu atimi asgi siip, Et idim
upene intas unyimirau ; arumu jim auatialidi
aijaurau, jam apol an nemda u Atua.
Eris ahes eahki ara, um ehratga um yetpan
an nehni u nedoon iji ehki. Eris tas jipe a ilpu
67
atimi asgi siip, urn ika, Intumu ehvaig Inpece
Upene akaija ehele natimi atga iraigki an
nitai acat alum itai. Ems ika a Kristian im
Naitgaig, Naaurinig. Eris imiapan rau ijinies
an lolan nedoon is ethi ara, nidan Nadila, um
alupai rau nitai acat alum itai.
Erus leh clas arau um acat alum emda, ja
erus imiehva nitai iyehki arau erus tup pam
almoi arau,, va nitai inigki is eucjeucjeucaij
nikmarau arau ; is ehka vai rau navaktit vaig
nitai acat alum itai ; ja erus aktaktai arau
mika, erus ecetai tah nitai arau is idivaig
neucse nah an pece iyehki, im nupene iran.
Erus wat ika arau eru atga urau, is alupai
rau nitaasviitai par asjaaicnaig an nefalaig a
natimi asgi siip is ethi. Is lep ika ehele rau
is ethi, Aminjinaig caurau vai Nimiahpas
efaifa. Is lep ika is ethi, Jim umjeg aijaurau
an nuarin pece ahcil. Is lep ika is ethi, Etmu
amen a Atua ehelemirau. Kis aiji lahlah
ainyak va numjeg ahnag unyak.
17.
Erus ehtet irai Napat a Kristian im Naitgaig ; eris atoraliak
itai u Nimiisjis ninveijec auatialidi : eris lep anai Kristian im
Naitgaig an nopoig.
Kis umjeg ainyak, um lep umjeg ahnag,
um ecet natimi atga erahki nahes vaig irai
lola edoon iji ehki, um atga alaig an pece
upene. Is eteuc inpece is ethi an nahaijin
nefalaig an mauurau, nidan Nedo ijinies ; et
ahes nimtiri efalaig acalacal an pece iyehki,
68
um ehcohos pan an nefalaig erus atga iran
arau. Erus ecet intakuras is ethi arau, nidan
Napat, is ahes aien an pece iyehki. Is ahodai
yin a Kristian, um ika, As ahes eda aiek ?
nalaig eda nigki unyum ?
Is asuptecnaig a Napat, um ika, Eris apos
nyak an nuarin pece inaico et tup ubutpotet,
jai nalaig apan an pece upene nigki unyak.
Kristian. Napu ehvatga an neucse nah
an pece upene aiek ; et idim ehka va atimi.
Napat. Ekpu idim atga iran ainyak, et
idivaig ilpu atimi upene asega.
Kristian. J a et eteuc nitai asjaaicnaig
ehelum mika eri ato euc ara, um asalgei
intapnes vai euc, ka o'o ?
Napat. Maiya, ek idim ato itai ainyak, et
upene inliinmopok, ek eti ato tah nedo has
ainyak, ek tup atimi upene ache ainyak.
Kristian. J a as eti ahced nefalaig uNa-
timarid aiek par apam igcaki, ja as ahced
nimtiri efalaig acalacal ache aiek, et idivaig
natimi ehneg itai.
Napat. Ek eti ato caurau ainyak, ahced
nefalaig unyimirau aijaurau, ja ekpu ahced
nefalaig unyak ainyak, ek idim atimi arapakau
ainyak.
Is ika a Kristian yi asuptecnaig itai ehelen,
ja is ehka va nijinies u inliinmopon. Is ika
ehele etwan aien, Et ika a nat naico et ato
itai aien, ja et apat aien. Erus udei yin arau
um atga urau ; ja is apitac a Napat.
Erus eti elvatga arau, ja par yetpan an
69
nimtiri efalaig apat acen. Erus ecet natimi
is ethi eahki arau, eris arore yin irai waii
ipjin a ilpu agelo has u Tiapolo is seven, urn
imiadumoij pan yin u neucse neom iyehki
erus ecetai arau an nahaijin nedoon. Erus
eucjeucjeucaij ahwat rahki ; ja is aes yin a
Kristian par almoi kit is ato yin aien, ka o'o.
Is aktaktai aien mika Nadumoij iyehki is
amen aien an nuarin pece Nefaifa.
Is ehka par almuktit nesganimtan ; is
adenaig aien et idivaig natimi ehcamai. Ja
is almaijidjid yin a Naitgaig um ecetai
intas inigki eris aged an cehen, nikavaig,
" Natimi an nakalasia efaifa nigki is adumoij
aien."
Is tas a Kristian ehele etwan, um ika, Ek
imiehva ainyak nedo eris ago vai natimi
upene is ethi an nuarin inig itu acen. Nidan
natimi iyehki Nimiisjis ninveijec auatialidi ;
is atimi upene aien. Is ateuc aien um
umjeg, ja ehtijis aat iran inraimu is eseij,
um atoraliak niji itai o un, um auud yin,
um udei yin an nefalaig. Ehtijis atahaijeg
ahtaij mika is atga an nefalaig a natimi
alupas is ethi, nidan Naiheuc esjilid ; ehtijis
imtitai yin ahtaij, um aha ; jam eti efi leh
nitaahnaig esjilid o un. Is ihkin natimi a
Nimiisjis ninveijec auatialidi, um atga ugyi
itai. Is amen ehelen nitaahnaig esjilid o un
ache, ja is ehka vai yin nahtai vaig, va eri
jim atapnes yin an neucse nah an pece upene.
Erus tas tas arau va nedo iyehki eris ago vai
70
Nimiisjis ninveijec auatialidi, urn ugyi emda
Natimarid par ahced rau, va eru jim umjeg
arau an nefalaig urn yetpam ira rau tah nitai
has.
Ems atga arau, ja is apitac rau a Napat,
Erus uhum pan nefalaig is ethi arau is tup
idivaig iyehki erus upyi atga iran arau.
Erus wat aiji arau is yetpam ehele rau a
natimi is ethi, is apig nohun, ja is aso yin
aien an napelumai ahi, um ahodai rau, um
ika, Erau a uri aijaurau par tup aiji. Erus
asuptecnaig arau, um ika, Nalaig an pece
upene nigki unyimrau ; ja ecrau eti ato ai-
jumrau nefalaig inig iran raigki ecrupu atga
iran aijumrau. J a is ika a natimi iyehki,
Nalaig eahki um igki unyak ; apitac nyak
aijaurau.
Erus apitac yin arau ; ja is asvi jipe nefalaig
iyehki ehtijis atga iran ahtaij um yet pan an
taka uarin itac acen vai Inpece Upene ; ja
erus apitac nat yehki arau. Erus wat eti
almoi arau is imiarehed rau an nopoig aien ;
erus ecen iran arau. Isapijadi napelumai ahi
' a natimi iyehki ; erus wat almoi nohun arau
is apig um has. Erus lep ato arau mika is
efaifa vai rau aien, um anai rau an nopoig o
un. Erus aunyauwaig emda arau, ja is ehka
vai rau napijadi rau vaig.
Is tas a Kristian ehele Naitgaig, um ika,
Ak etwak, intau mun ispaijau imiatga caijau
akaijau. Eris idim tas eheleijau a ilpu
atimi asgi siip, um ika, Aminjinaig caurau
7i
vai ilpu atimi efaifa. Is idim inveijec intas
ura.
Erus ecen an nopoig arau urn imitaig alupas
nedo ahnag urau ; ja erus ecet tah arau napam
vaig ehele rau, is naunau nesganimtan ; is lep
amen nitai aredei an nikman. Is ahodai rau
aien, um ika, Erus ahes eda aijaurau : erau lep
a uri aijaurau igcaki ? Erus asuptecnaig
ehelen arau, um ika, Ecrau atimi atga an
nefalaig aijumrau par apan an pece upene, ja
is imiahnag cumrau a natimi apig is ethi is aso
yin aien an napelumai ahi. Is ika ehele rau
a natimi apos nitai aredei. N efaifa iyehki is
imiahnag caurau aien, ja is aso yin aien an
napelumai ahi, mika yi idivaig nagelo lah aien.
Is ahtamud nopoig aien um apijadi rau. Is
lep ika ehele rau aien, Arumu apitac nyak
aijaurau, ekpu lep ikni caurau an nefalaig
ainyak.
Is imiadumoij pan rau aien an nefalaig iyeh-
ki erus udei arau par apitac natimi imiahnag
rau. Is ated emda rau aien va nedo ahnag
urau, um asaig ehele rau mika eru asjeuc se
arau an nobohtan. Is lep aredei emda rau
aien, um ika, " Ek ated um aredei ra sji igki
ainyak et upene inliinmopok ainyak vai ra ;
va nitai inigki arumu emda aijaurau um
adumoij an nefalaig has unyimirau," Is atcijaig
rau aien, um ika, Atga unyimirau aijaurau, um
aktaktai intas o ilpu atimi asgi siip ehelemirau.
Erus ago naaurinig vai yin arau ja par atga
urau, um ahced nefalaig et yetpan an pece
upene, um acesaces nohranitai, um ika,
72
Erumu aktaktai upene a ilpu atimi atga,
Um jim ahnag an nefalaig :
Et merit emda a Tiapolo
Par anai caija an nopoig o un.
18.
Erus ehtet irai Nimiisjisnahcil Atua a Kristian im Naitgaig, erus
lep atga arau an nuarin pece ahcil.
Erus wat atga arau, erus ecet natimi is et-
hi arau, is tup eklim atga an nefalaig aien.
Is ika a Kristian ehele etwan, Alum nat naico
et par apam aien um ehtet iraijau.
Naitgaig. Ek idim ecet yin ainyak, ak
etwak, jai intumu aminjinai caijau akaijau, kit
et atimi efaifa aien, par imiadumoij caijau :
nidan natimi iyehki Nimiisjis nahcil Atua.
Is ahodai rau a Nimiisjis nahcil Atua, um
ika. Nalaig eda nigki unyimirau ?
Is asupetecnaig a Kristian, um ika, Nalaig
an nedoon Saion nigki unyimrau inpece u
Natimarid. Is ahcapidai nat yehki, is laav
alupas aien, um ika, Et eti eteuc inpece inigki
erau ahilek aijaurau ; et takitai natga inigki
unyimirau ; erau ahnag aijaurau. Erus imti-
taig intas has esjilid u natimi iyehki arau, um
esjum vai yin. Is imilaav rau aien um atga
o un. Is ika a Kristian, Kaiheuc vai yin ;
et apat inliinmopon aien ; is auahas yin naiyu
u inliinmopon vai nobohtan inigki.
Kis lep ecetai ainyak an numjeg ahnag un-
yak mika, erus atga arau um uhum pan u
nuarin pece is ethi, eris imtate a ilpu atimi
73
atga iran. Is atupun par imtate a Naitgaig,
um ika ehele Kristian, Et aroparop nesganim-
tak ainyak ; ekmu asjeuc ainyak um umjeg.
Is ika a Kristian, O'o, ak etwak, namu aktak-
tai intas o ilpu atimi asgi siip aiek, nikavaig,
Aminjinaig caurau aijaurau an nuarin pece
ahcil. Ja is lep ika a Kristian, Tu ehri tas
upene jipe akaijau, vai tu jim umjeg akaijau.
Erus acesaces nohranitai arau, um ehri tastas
upene jipe. Is asuptecnaig ehele Kristian a
Naitgaig nauritai asega u Atua iran. Is ika
aien, Kis atimi auatatimi ainyak, um imiacitak
nedo an nobohtan ache. Ja kis atahaijeg
intas unyum im Nimiisjis ninveijec ainyak,
nikavaig, etpu yetpam intavaitap u Atua ira
atimi va nitai iji igki, kis ohocred ainyak,
um adumoij an nefalaig has unyak ; ja kis
ato ainyak mika, is takitai im napelumai
mohtan nedo upene unyak, um auatialidi par
imiatamaig nyak. Is wat ato nohocred unyak
a Nimiisjis ninveijec, is ika aien, Apan ehele
Iesu um asgeig iran ache va etpu imiatamaig
euc aien. Kis imtitaig ainyak va yi jim
esjum vai nyak a Iesu va nedo has asega
unyak. J a eris asaig ehelek mika, is asuol se
pam a Iesu par imiatamaig ilpu atimi auata-
timi : et lep emda inja iran par yiri nyak va
nedo has asega unyak ; is lep ika aien, " Aku-
mu ahtag pam ehelek aijaua asega eka auri-
tai aijaua um opoc nitai ahelwei unyimia."
Kis adumoij an nefalaig has unyak ainyak um
asgeig irai Iesu : et lep eteuc nigpa u Atua
74
an liinmopok an nopan inig. Et aiyu inliin-
mopok ainyak vai Iesu an nopan inig, va nai-
heuc o un vai nyak. Et upene irak inlucsei
vaig nohocred vai yin an nobohtan inigki.
Naaurinig vai natimi imiatamaig nyak.
19.
Erus lep ecet Napat a Kristian im Naitgaig.
Kis ecetai ainyak an numjeg ahnag unyak
mika, is eas pan itac a Naitgaig, urn ecet
Napat napitac rau vaig. Is tas aien ehele
Kristian, urn ika, Almoi nat naico, et mun etjo
itac aien, urn amen itac acen : tu aitgai yin
akaijau. Erus aitgai yin arau. Is tas ehelen a
Kristian, urn ika, Auroauro aiek, urn jim etjo
itac. Is ika a Napat, Tup ainyak marom^et
upene irak nechim atga vaig, ek eti merit
ainyak nahced atimi vaig, udei nyak aijaurau.
Is ika a Kristian, Et uarin amasacen ni^ki ;
ehtaij tas jipeiran akataij : is lep ika ehelen a
Kristian, Ak Napat, et echamecha inliinmo-
pom aiek an nuhup u Atua an nopan inig ;
Napat. Et idim upene irak an nopan inig :
et ehlohos naktaktai upene asega an liinmo-
pok ; ek lep cediaig vaig ainyak
Kristian. Et ijinies intas unyum, na eti ato
inliinmopom aiek, is ika a naprofeta, " Et es-
jilid nefaifa u inliinmopja irai iji itai asega, um
has acen." Is lep tas upene ehelen a Kristian,
um ika, Jim asgeig an nedo upene unyum aiek,
nitai ahcil nigki, um idivaig napelumai moh-
tan an nuhup u Atua, jam asgeig irai Iesu
ache, va apu leh nitai umoh upene iran aiek.
Is atavaitap a Napat, urn atuh Kristian vai
intas upene o un ; um ika ehelen, Erau atga
aiheucaiheuc aijaurau ; arumu uhup aijaurau,
ja ekpu apitac ainyak, um echim atga.
Is tas a Kristian ehele Naitgaig, um ika,
Kaiheuc vai nat naico ; et apat inliinmopon
aien : kit etpu mas an nedo has o un aien.
20.
Eras atga an pece Biyula a Kristian im Naitgaig. Eras lep
algauwaig nofowai u Inmas arau, um yetpan an pece upene.
Kis ecetai ainyak an numjeg ahnag unyak
mika, erus eipujaig nuarin pece ahcil arau, um
yetpan an pece Biyula. Is aheyuyu nehlele-
hel iran : erus lep atahaijeg nohrai man eahki
arau, um almoi niji tisiaicai irai iji adiat. Et
lep amen aktit nagesega eahki irai iji adiat im
niji epig, et tup lah ache. Et idim eti eteuc
inpece inigki ubutpotet pan niskanse u inmas.
Erus lep ecetai inmaliyum u Natimarid eahki
arau, jam eti lep ecetai niji itai imiahnag rau.
Erus eti lep ahvig tah nitai caig arau, um eti
mas va nitai umnyi, erus idim ecetai niji itai
upene asega eahki arau. Eris lep ehtet ira rau
hal nup uran pece upene eris ijis jipe an tid
an pece ara. Is esjilid acen nimiacitak iran.
Erus wat ubutpotet pan u inpece u Nati-
marid arau, erus ecetai upene arau, um cediaig.
Eris actaig niji eom iran irai peril im niji hat
esjilid, is lep naunau nefalaig vai colt iran. Is
76
ti intas urau va nitai iji ehki erus ecetai arau,
erus lep auatialidi vaig arau.
J a erus lep emda tintin arau, um atga, um
apan ubutpotet u inpece upene, um ecetai
nokoro im nahapol, is ispun ededel niji itai
upene asega iran. Is tas ehele rau a natimi
aminjinaig, um ika, Et ohuun nitai iji igki a
Natimarid, is ahwaig aien vai inmerit o un,
im lep vai ilpu atimi atga o un. Is imiacaij
rau aien mika eru atumop arau, um caig nohwai
itai, va etpu emda nohurau vaig. Erus atumop
eahki arau, um umjeg.
Erus lep aiji lahlah arau, um atidai, um
atga urau par apan an pece upene. Erus wat
atga urau arau, erus ecet natimi is ero arau is
ememina nesganimtarau, is lep naunau napelu-
mai ira rau is idivaig colt. Is imiacaij rau a
Kristian im etwan mika erau ahced rau arau.
Eris ehratga ara um yetpan an nuarin iyehki
eris ecetai neucse nah an maliyum upene iran
ara. Ja is eteuc nofowai alupas an nibla ra
im neucse nah, is lep ti nitai algauwaig iran.
Is auatialidi inliinmopoi Kristian im Naitgaig
va nofowai ; erus tup aes jipe arau jam eti
ecetai tah nefalaig. Erus ahodai natimi erahki
arau, um ika, Et ubo inwai asega, ka ? Erus
ika arau, Et idim ehka nofowai inigki vai ilpu
atimi imiisjis nahcil, ja et tup upene vai ilpu
atimi imiisjis ninveijec ; arumu aijijaise an
wai aijaurau, va arupu uhum pan an neucse
nah an maliyum upene aijaurau.
Erus asuol an nofowai arau, ja is auroauro a
77
Kristian um atupun um etc Is ahlaig vai Nait-
gaig aien, um ika, Ak etwak ; et ubo inwai ;
et ataluopni pam nyak inwai ; ekpu mas ainyak.
Is ika, a Naitgaig, Ak etwak, jim imtitaigaiek;
ek aijijeuc ainyak ; et idim upene. Is ika a
Kristian, Ak etwak, et mun arehed irak noho-
cred u inmas ; inki eti ecetai inpece upene
ainyak.
Is uce intas o Kristian, ja is ataluopni pam
yin napat im nohocred ; is ehka vai yin nec-
etai vaig an nuhup o un. Is imtitaig alupas
aien va yi jim ecetai inpece upene aien. Is
aridjai an nuhup o un nedo has asega is ago
aien an nopan iyehki is eti fi ahced nefalaig
upene aien, im lep nedo ahnag o un iran.
Is emda a Naitgaig, um ase yin an wai ; is
lep tas ehelen aien mika yi emda inliinmopon,
um ika, Ak etwak, ek ecetai neucse nah an
maliyum upene ainyak, et eti apohod, era lep
amen a ilpu atimi u Natimarid eahki, um
aitgaig caijau. J a is ika a Kristian, Era aitgai
euc ache ara ; as atimi upene aiek um uhum
pam an nopan inig ; erupu esjum vai nyak ara
va nedo has asega unyak. Is ated upene yin
a Naitgaig, um ika, Ak etwak, inyi eti udei euc
a Iesu ; nitai ahilek inliinmopom nigki ; aktak-
tai intas upyi asaig o un, nikavaig, " Nau wit
atga irai wai aiek ekpu ahced euc ainyak, nau
wit lep atga aiek irai ofowai inyi eti ataluopni
pam euc.,, Is ika a Kristian, Na inveijec
aiek ; ek lep ecet Natimarid ainyak : na-
aurinig, ekpu umoh ainyak. Erus emda arau
78
um imiisjis um uhum pan an nahaijin nofowai
igcapan, um aiji ah nobohtan mese.
Erus ecet nagelo is ero arau an nahaijin no-
fowai ems aitgai rau arau. Erus ahced rau
arau um ehratga alaig apan u neucse nah an
maliyum upene. Erus atupun arau um aridji-
pan an nedoon Saion, ja is tup upene va natau
imi rau vaig u nagelo erahki. Erus adi na-
pelumai obohtan urau arau an nofowai iyehki.
Va nitai inigki erus atga aiheucaiheuc arau,
um tas upene jipe ehele rau, um ago naaurinig
va nimiatamaig rau an nofowai. Erus lep tas
arau ehele ohwat agelo erahki, erus ahced rau
arau vai nupene an pece iyehki erus atga arau
alaig apan iran.
Erus ika ahwat agelo et eteuc nedoon Sai-
on eahki, im ilpu agelo et ahinag, im nesgai
ilpu atimi upene. Erus lep ika arau, Arau
atga alaig apan a paratais u Atua aijaurau an
nopan inig ; arupu ecetai nauincai umumoh
vaig aijaurau eahki, um caig nohwan inyi eti
lep tiih : uhpu lep aso caurau ira apelumai ahi
eahki ; arupu lep tas ehele Natimarid eahki
aijaurau irai iji adiat, um yetpan irai iji mesese.
Arupu eti lep almoi tah nitai has eahki aijaurau
is idivaig an nobohtan iyehki, nikavaig, noho-
cred, im nihkin natimi, im nemehe, im inmas.
Is ti pan itac nitai iji igki asega. Arupu apan
ehele Ebraham aijaurau, im Aisak, im Jekob,
im ilpu profeta, im ilpu apostolo, im ilpu atimi
upene asega, is iknipagki ra a Atua an noboh-
tan mika eri amen ehelen ara.
79
Erusahodai raua Kristian im Naitgaig, urn
ilea. Ecrupu ago inhe aijumrau an nuarin
eklim upene inaico ?
Erus asuptecnaig arau, um ika, Arupu aldei
nohwai itai aijaurau,is idivaigarus upyi ahwaig
aijaurau, um ohuun niji itai upene is ikni a Na-
timarid vai ilpu atimi o un. Arupu adgaig
korona colt eahki aijaurau an nuhup u Atua
irai iji adiat. Arupu lep aheca u Atua eahki
aijaurau, um acesaces nohranitai, um imiahpas
yin. Arupu lep ehtet irai ilpu etwamirau
eahki aijaurau, eris upyi hup ara um uhum pan
inpece upene, im lep ra erupu apitac caurau
ara um apan iran. Etu wit ham a Natimarid
an nadiat apitac an nepig an nohatag, um
ahlai intoho, arupu ahced yin aijaurau : arupu
lep ateuc ehelen aijaurau, etu wit ateuc irai
dorona o un aien, um asuptecnaig nimtan imi
atimi. J a etu wit lep adumoij pan an pece
upene aien, arupu ahced yin aijaurau, um amen
ehelen irai iji mesese.
Erus yetpan ubutpotet u neucse nah arau, ja
eris apan a ilpu agelo is ahinag, um ehtet ira
rau, um ika, Naaurinig va napam vaig unyim-
irau.
Eris apan ubutpotet u neucse nah ara, ja
eris alum nup uran nohatag is ahinag ara napan
vaig par ehtet ira ra. Erus ika ahwat agelo
erahki ehele ra, Natimi iraigki is aiyu inliinmo-
porau arau vai Natimarid an namen urau an
nobohtan, um atcijaig niji itai asega urau vai
yin ; is abrai cumrau aien par imiapam rau an
8o
pece upene o un, va erupu cediaig ehelen arau
irai iji mesese. Eris imiacitak a nup uran
nohatag, um ika, Naaurinig, era mun ahesmoij
natimi era ham ara u Inhapf an natmehean u
Inhal u Natimarid. Eris ahlai intoho ara, um
aiheuc vai Kristian im Naitgaig, um ika, Apam
aijaurau an pece u Natimarid esjilid um upene,
um amen se iran.
Eris arehed ira rau ara ; eris uhup ira rau
nahaijira, um lep apitac rau nahaijira, um amen
nahaijira an matarau, im nahaijira an mau-
urau ; um imiaridjai rau an nauanohatag. Eris
aeesaces nohranitai ara, um ahlai toho ; is ti
intas o Kristian im etwan va nimiacitak urau
an nopan iyehki. Erus auroauro arau, um
ecetai inmaliyum esjilid u Natimarid, um
atahaijeg bel eris atcei iran va nimiacitak ura
va napam vaig urau.
Erus uhum pan neucse nah arau, um ecetai
intas inigki eris aged irai colt iran, nikavaig,
" Era mun ahesmoij ara era imiaiji intas alep
o un ara, va erupu leh nohwan cai umumoh
vaig ara, um atga irai eucse athatahau, um
apan an maliyum.
Kis ecetai ainyak an numjeg ahnag unyak
mika, eris asaig ehele Kristian im Naitgaig,
mika eru apan arau an neucse nah, um ehvaig
nitai asjaaicnaig vai ilpu atimi u Natimarid is
amen ehele rau. Is esvi intas iran a Nati-
marid, um ika ehele ilpu agelo o un eri asalgei
intapnes ara an pece upene vai rau. Erus
wat apan iran arau, erus auatakaiyepe rau arau ;
8i
eris lep aso rau ira apelumai esjilid um imrihin,
is naunau is idivaig colt, um ati korona an
nidjinirau par asjaaicnaig an natimi alupas
urau, um ati harp irai ikmarau. Eris lep atcei
bel asega an maliyum u Natimarid va nimi-
acitak va napam vaig urau. Eris lep atau imi
rau, um acesaces nohranitai, um ika, Etmu
eteuc naaurinig, im naunau, im nemda vai yin
et ateuc aien irai dorona, im lep vai Laam,
irai iji mesese.
Eris wat asalgei intapnes an neucse nah,
kis ecetai niji itai esjilid ainyak an maliyum u
Natimarid ; et idim ehka va atimi nasuptecnaig
vaig. Is tup adiat ache eahki, is ti nepig iran.
Is naunau niji efalaig iran vai colt upene. Eris
edo natimi is ahinag is amen korona colt irai
idjinira, im inrai paam irai ikmara ; eris lep
atcei harp ara, um imiahpas Natimarid. Eris
lep amen eahki a ilpu agelo eris eti atumop
ara, um ika, " Et upene a Ihova, et idim
upene aien ! " Eris atapnes an tapnes ; ja kis
merit emda ainyak namen vaig ehele ra.
Kis ahidai nyak ainyak, um ecet Napat.
Is ham u nofowai u inmas aien, um auroauro
um algauwaig. Is atau imi yin a natimi is
ethi, nidan Naitgaig efaifa, an nelcau o un. Is
aridjai aien an nedoon Saion, ja is echim atga
aien ; is eti ahced yin tah nagelo upene. Is
uhum pan neucse nah an maliyum upene aien,
um etcetcei. Is aktaktai aien mika uhpu au-
roauro um asalgei vai yin. Ja eris eti ato yin
a ilpu atimi aminjinaig neucse nah, um ahodai
G
82
yin, urn ika, As ahes eda aiek ? Nai lep
merit vanhe aiek ?
Is asuptecnaig aien, urn ika, " Kis hag ain-
yak um umwig an nuhup u Natimarid ; is lep
esege aien irai efalaig unyima."
Eris asaig ehelen ara mika yi alupai ra
nitai asjaaicnaig o un mika eri imiapan ehele
Natimarid ara, um ehvaig ehelen. Is ahilek
emda aien, jam eti ecetai. Eris lep ahodai
yin vaig ara, um ika, Et amen ehelum nitai
asjaacinaig irai ilpu atimi u Natimarid, ka ?
J a is eti tas aien.
Eris apan ara, um asuptecnaig ehele Nati-
marid ; ja is eti apan ehelen aien. Is lep abrai
hal irai ilpu agelo aien, mika eri apan ara, um
arore nikman im neduon, um atipagki yin.
Eris imiatga yin ara an nauanohatag, um
imiapan yin an neucse neom an nahaijin ned-
oon iyehki, um ati yin iran. Kis ecetai
ainyak mika, et ahes nefalaig yetpan an pece
has an neucse nah an maliyum upene, et
idivaig nefalaig et ahes an nuarin pece iyehki
uhpu auahas.
Kis aiji lahlah ainyak, um ato mika numjeg
ahnag iyehki.
INTAS AHODAIG UHUP.
A FIRST CATECHISM.
PREPARED IN THE ANEITYUMESE LANGUAGE.
INTAS O ILPU ATIMI AN NAKALASIA.
i. Eka imiisjis ninveijec intas inigki aijaua,
nikavaig, Et Atua inveijec a Ihova, um eti
lep eteuc tah, ka o'o ? Maiya.
2. Eka imiisjis ninveijec intas inigki aijaua,
nikavaig, Ehtaij eche ahtaij, Ihova, im Iesu,
im Nesgan Upene, um tup ethi ache inliin-
mopoi ehtaij, ka o'o ? Maiya.
3. Eka imiisjis ninveijec Intas o Ihova
aijaua, eris aged a ilpu atimi o un an Nitaas-
viitai Itap, ka o'o ? Maiya.
4. Eka imiisjis ninveijec nauatatimi un-
yimia aijaua an nuhup u Ihova, im lep nauati-
alidi unyimia par imiatamaig caua, ka o'o ?
Maiya.
5. Eka imiisjis ninveijec intas inigki aijaua,
nikavaig, Is asuol sepam a Iesu an nobohtan
inigki um mas, par itai ahlap va nedo has uja,
ka o'o ? Maiya.
6. Eka imiisjis ninveijec intas inigki aijaua,
nikavaig, Et ago upene inliinmopja has a
Nesgan Upene ache, ka o'o ? Maiya.
7. Eka merit aijaua nudei vaig nedo itu,
im nedo apat, im nedo has asega unyimia, um
asgeig irai Iesu, um imiaiji intas alep u Atua,
um ago nedo upene, ka o'o ? Maiya.
INTAS AHODAIG UHUP.
ATUA.
i. Et ehed Atua ?
Et ethi ache.
2. Et Atua inveijec a di ?
Ihova marom, et idim Atua inveijec ache
aien.
3. Nevitai Atua ?
Et tup nesgan ache aien ; et ti nohun ; et
eti idivaig caija aien.
4. Et alum caija asega a Atua, ka o'o ?
Maiya, et idim alum caija asega aien.
00 i
5. Et atahaijeg intas uja asega a Atua, ka
) ?
Maiya, et idim atahaijeg intas uja asega
aien.
6. Et ato inliinmopja asega a Atua, ka o'o ?
Maiya, et idim ato inliinmopja asega aien.
7. Et amen a Atua eda ?
Et amen aien jipagko an nohatag ; ja et
idim ateucrad niji itai asega an nobohtan an
nuhup o un.
8. Ehtaij eche ahtaij, Ihova, im Iesu, im
Nesgan Upene, ka o'o ?
86
Maiya, ehtaij eche ahtaij, ja et tup ethi
ache inliinmopoi ehtaij ahtaij ; urn tup apapa
natimi alupas u ehtaij.
ATAM IM IVA.
i. Is um ago niji itai asega a di ?
Atua marom, is ago nohatag aien, im no-
bohtan, im injap, im niji itai asega amen
iran.
2. Is um ago niji itai asega a Atua an
nadiat is ehed ?
Is um ago niji itai asega a Atua an nadiat
is siks, ja par atumop an nadiat atumop.
3. Is upyi ago di a Atua ?
Atam im Iva marom, erus upyi hup arau,
um atmil uja asega.
4. Is ago Atam an he a Atua ?
Is leh nobohtan a Atua, um ago nohun
iran.
5. Is ago Iva an he a Atua ?
Is wat umjeg a Atam, is um atipagki nedu-
on ritin is ethi a Atua, um ago intakata iran.
6. Jam uauo nesgan natimi uhup ?
Is alupai yin nesgan a Atua ; is par ahlai
inliin nohun aien ; is um umoh a Atam, um
eteuc lelen.
7. Is ago upene Atam im Iva a Atua, ka
o'o ?
37
Maiya, is ago upene rau aien, ems eti ato
nedo has arau.
8. Etpu emesmas nesgaija akaija, ka o'o ?
O'o, etpu emesmas nohuja akaija ; ja inyi
eti emesmas nesgaija akaija.
NEDO HAS.
i. Erus amen upene a Atam im Iva, ka
o'o?
O'o, erus auroauro arau um ago nedo has
an nuhup u Atua.
2. Nedo has nevitai ?
Nedo asega inig et eche vai intas alep u
Atua.
3. Is atupun nedo has an nobohtan inigki
adi?
Tiapolo marom, is atupun nedo has asega
aien.
4. Is atupun nedo has a Tiapolo um uauo ?
Is ahcil aien, um asan tas efaifa ehele Iva,
um oop yin mika yi ago nedo has aien.
5. Nedo has u Iva nevitai ?
Is imiaiji intas has u Tiapolo aien, um caig
nohwancai iyehki is itap vai intas alep u
Atua, is lep alupai Atam natamnyu un aien,
is lep caig a Atam.
6. Era has natimi asega va nedo has u
Atam im Iva, ka o'o ?
88
Maiya, erus upyi uhup arau urn ago nedo
has, ja is par apitac nedo has uja asega.
7. Era ago nedo has a nup urai iji pece
asega, ka o'o ?
Maiya, inta ago nedo has akaija asega, et
eti eteuc tah natimi inig et ti nedo has o un.
8. Et edemda a Atua va atimi va nedo has
ura, ka o'o ?
Maiya, et edemda aien vai ilpu atimi auata-
timi irai iji adiat va nedo has ura.
9. Etpu aru nedo has a Atua, ka o'o ?
Maiya, etpu aru nedo has asega u ilpu
atimi auatatimi aien an nopan iyehki eri emes-
maski ara.
IESU KRISTO.
1. Et merit a Atua nauahas caija vaig va
nedo has uja, ka o'o ?
O'o, et aiheuc vai nup urai iji pece asega
aien, is abrai Inhal o un is ethi ache aien mika
yi asuol sepame par imiatamaig caija.
2. Et Hal u Atua a di ?
Iesu Kristo marom, et Hal u Atua et ethi
ache aien.
3. Is ago inhe a Iesu par imiatamaig caija?
Is asuol sepam aien an nobohtan inigki, um
leh nohun, um mas, par itai ahlap va nedo has.
4. Is tup mas a Iesu, ka o'o ?
89
O'o, eris atgei yin a ilpu atimi auatatimi an
nauincai atgeig an pece Jutaia.
5. Is mas a Iesu an nadiat is ehed ?
Is mas aien an nadiat is eseij, ja par lep
iimoh, um aridjai an nohatag.
6. Et amen a Iesu eda an nopan inig ?
Et amen aien an matai etman, um imiahras
caija ehelen.
7. Et imiatamaig di a Iesu ?
Et imiatamaig ilpu atimi asgeig iran ache
aien.
8. Et lep emda tah par imiatamaig caija, ka
Iesu ache ?
Iesu ache, era auatalidi a ilpu agelo an no-
hatag, im ilpu atimi upene an nobohtan, par
imiatamaig caija.
NAURITAI U NESGAN ITAP.
i. Et Esgan I tap a di ?
Nesgan Upene marom : ehtaij eche ahtaij,
aien, im Iesu, im lep Atua.
2. Nauritai u Nesgan Upene nevitai ?
Et amen aien an liinmopoi ilpu atimi upene,
um auorohos irai iji itai has an liinmopora, um
ikni niji itai upene iran.
3. Et has inliinmopja itu, ka o'o ?
Maiya, et ehlohos niji itai has asega an
liinmopja itu.
go
4. Et amen an liinmopoi di a Nesgan
Upene ?
Et amen aien ehele ra ache era adumoij
an nefalaig has lira ara, um asgeig irai Iesu,
urn ago nedo upene.
5. Jam uauo natimi iji igki et eti auritai an
liinmopora a Nesgan Upene ?
Eri eti apan ara an nelcau an nohatag.
6. Intupu leh Nesgan Upene akaija um
uauo ?
Ti ugyi Ihova akaija, mika yi abrai yin yi
pu amen eheleija aien.
NEDO UPENE.
1. Et upene mika ti ago nalaigaheni vai
di akaija ?
Atua ache, et itap nago vaig nalaigaheni
vai intakitai.
2. Jam uauo ra era atpuse ara an nuhup u
natmasimai im nalmuitai ?
Et edemda vai ra a Atua, etpu lep auahas
ra aien.
3. Et itap intas has asega an nuhup u Atua,
ka o'o ?
Maiya, et amcel vai intas auyat aien, im
intas has, im intas maumau asega.
4. Et merit a Atua mika ti apos nadiat itap
akaija, ka o'o ?
Maiya, et merit aien mika ti udei nauritai
9i
uja akaija, um eklim amen, urn ahilek niji itai
imiatamaig nesgaija iran.
5. Nedo upene u ilpu hal ura vai ilpu atmil
ura nevitai ?
Et upene eri ecen vai ra ara, um imiaiji
intas ura, um ago nedo upene asega vai ra.
6. Et itap nedo has vai ilpu etwaija, ka o'o ?
Maiya, et acaiji emda nedemda vai ilpu
etwaija a Atua, im natgei atmas, im nedo has
asega.
7. Et amcel vai ingeijid a Atua, ka o'o ?
Maiya, et amcel va naktaktai has aien, im
intas has, im nedo has asega.
8. Et itap nehneg itai vaig, ka o'o ?
Maiya, et itap nahcaig, im nehneg itai, im
nedo asega et idivaig inig.
9. Et has intas ahcil vai ilpu etwaija, ka o'o ?
Maiya, et itap intas ahcil asega an nuhup
u Atua.
10. Et acaiji atimi a Atua va eri jim has
ira ra itai an nobohtan, ka o'o ?
Maiya, et merit aien mika yi jim has iraija
niji itai an nobohtan akaija.
NABAPTISO IM INHAG ITAP.
i. Inhe nakalasia ?
Ilpu etwai Iesu, era akalasia ara.
92
2. Is ati inhe a Iesu va nakalasia oun?
Is ati nabaptiso aien im inhag itap.
3. Er ago inhe an nabaptiso ?
Er atladwi inwai irai ohui atimi an nidai
Atua, im Iesu, im Nesgan Upene.
4. Et upene inliinmopja has va nabaptiso
an wai, ka o'o.
O'o, et tup nitai asjaaicnaig inigki ; et upene
inliinmopja has va nabaptiso o Nesgan Upene
ache.
5. Er abaptiso irai di ?
Ilpu atimi u Iesu ache im ilpu hal ura.
6. Nevitai inhag itap ?
Inhag u Iesu marom Natimarid uja.
7. Is ati inhag itap a Iesu an nahopan ?
Is ati inhag itap o un aien, an nopan iyehki
is amen aien an nobohtan inigki ; is um ati an
jupura aien, ja is wat lahlah an tak apnyin is
mas aien.
8. Is ati inhag itap o un a Iesu vanhe ?
Is ati inhag itap o un aien va naiheuc o un
vai caija, mika ti imiehva upene akaija inmas
ohocred o un vai caija.
9. Eh caig inhe an hag itap ?
Eh caig nareto ache um umnyi nide vaine.
10. Nalmun he nareto im nide vaine an
hag itap ?
Nalmui nohui Iesu marom im inja iran.
93
ii. Asuptecnaig nedo inig et upene vai
ilpu atimi caig inhag itap ?
Et upene eri ahilek inliinmopora ara, ja par
caig inhag itap.
12. Et upene vai di incaig vaig inhag
itap ?
N atimi iji igki marom era ato intas o Iesu
ara, um asgeig iran, um ago nedo upene.
NADIAT APITAC.
i. Etpu lep asuol sepam a Iesu, ka o'o ?
Maiya, etpu lep asuol sepam aien an no-
bohtan inigki an nadiat apitac.
2. Etpu lep asuol sepam a Iesu um a uri ?
Etpu lep asuol sepam aien par asuptecnaig
nimtan imi atimi asega, inyi idivaig nedo ura
an nobohtan.
3. Is eche nasuol pam u Iesu itu acen, ja
etpu lep eche nasuol pam o un an nadiat api-
tac, ka o'o ?
Maiya, is wat asuol sepam aien itu acen, is
upoupo nedo o un ; ja etu wit lep asuol sepam
aien, etpu esjilid acen natimi alupas o un ;
erupu imiahpas yin a ilpu atimi upene ; ja
erupu eucjeucjeucaij a ilpu atimi auatatimi an
nuhup o un.
4. Etu wit lep asuol sepam a Iesu, erupu
umumoh a ilpu atimi emesmas asega, ka o'o ?
Maiya, intupu lep umumoh akaija asega ;
94
etpu imianusjai nohuja aien, urn lep ati nes-
gaija iran.
5. Etpu atiakoai ilpu atimi upene im ilpu
atimi auatatimi a Iesu an nopan iyehki, ka
00?
Maiya, etpu asjapicnaig caija asega aien,
um ahaig caija, etpu ikni ilpu atimi upene an
matan aien, im ilpu atimi auatatimi an mauun.
6. Erupu a uri a ilpu atimi auatatimi an
nadiat apitac ?
Etpu abrai ra a Iesu mika eri apan ara an
pece has par amen iran.
6. Erupu a uri a ilpu atimi upene an
nadiat apitac ?
Etpu ikni ra an pece upene a Iesu, etpu
lep esjilid incediaig ura eahki irai iji mesese.
INTAS ALEP U ATUA.
1. Etmu jim eteuc tah intak Atua imi euc
an nuhup unyak.
2. Namu jim ago tah natmasimai imi euc
aiek, im naimuitai jipagko an nohatag, im
sepamki an nobohtan, im injap ithan noboh-
tan : um jim atpuse an nuhup ura aiek um
aheca ura : ek Ihova ainyak Atua unyum, et
idivaig nedemda u natimi oporei nedemda
unyak, ekpu aru nedo has u ilpu atmil ura
ainyak irai ilpu hal ura, um yetpan irai ilpu
95
mapora, el era ilpu atimi amcel vai nyak ara :
ja ekpu aiheuc va atimi iji ig im ilpu mapora
yi itu ira ra ainyak, el et aiyu inliinmopora
ara vai nyak, um imiaiji intas alep unyak.
3. Namu jim tup asaig nidai Ihova Atua
unyum aiek ; etpu aru nedo has ura a Ihova
era tup asaig nidan ara.
4. Imiehva nadiat atumop um apos upene.
Namu ago nauritai asega unyum aiek an
nadiat et siks, ja et adiat u Ihova Atua
unyum nadiat sevend : namu jim ago tah
nauritai iran aiek, im inhalav atamaig unyum,
im inhalav atahig unyum, im naheca atamaig
unyum, im naheca atahig unyum, im niji itai
eklim edo irai pece unyum, im natimi an taka
uarin anliin nokoro unyum : is ago nohatag a
Ihova, im nobohtan, im injap, im niji itai
asega amen iran an nadiat is siks, um atumop
an nadiat sevend, va nitai inigki is ago upene
nadiat atumop a Ihova um ika yi itap.
5. Namu ago nedo ecen vai etmam im
risum aiek, mika yi pu ahinag nadiat iram an
pece inig et alupai euc a Ihova Atua unyum.
- 6. Namu jim atgei atmas aiek.
7. Namu jim ago ingeijid aiek.
8. Namu jim ehneg itai aiek.
9. Namu jim asan tas ahcil aiek va atimi
eblaamnem unyum.
96
io. Etmu jim has iram aiek neom u natimi
eblaamnem unyum, um jim has iram aiek
ehgai natimi eblaamnem unyum, im naheca
atamaig o un, im naheca atahig o un, im kuri-
matau o un, im togke o un, im hal itai u
natimi eblaamnem unyum.
NOHRAIITAI ITAP.
PSALMS AND HYMNS
IN THE ANEITYUMESE LANGUAGE.
NOHRAIITAI.
Mear.
1- ATUA. cm. 8.6.
i Et idim alupas acen
A Atua uja ;
Is ago upene aien
Nobohtan asega.
2 Is idim atupun aien
Natimi asega ;
Is ago nohuja aien,
Im lep nesgaija.
3 Et idim esjilid aien
Irai iji itai ;
Intumu imiahpas yin
Akaija asega.
Lydia.
2. INTAS UPENE. cm. 8.6.
i Et esjilid um upene
Intas an nohatag ;
Et idivaig nagesega
Er alum itai vaig.
2 Intumu ahvig akaija,
Um ahilek emda ;
Et upene intas inig
Vai caija asega.
IOO
o
Etmu amen eheleija
Nitai up'ne inig ;
Ti aminjinaig akaija,
Um lep apol iran.
Tallis.
3. INTAS UPENE. cm. 8.6.
i Et idivaig nagesega
Intas an nohatag ;
Ti aminjinaig akaija,
Par lah an nefalaig.
2 Et idivaig nitai hegaig
Intas an nohatag ;
Ti caig akaija asega,
J a par geije iran.
3 Et idivaig nupsi itai
Intas an nohatag ;
Etmu ededel upene,
Um ahinag nohwan.
<4fcs Peterborough.
INTAS UPENE. cm. 8.6.
i Ak Etmama an nohatag,
Ecra ham aijama,
Um ugyi intas upene,
Inlah vai nesgama.
Ati se upene aiek
An liinmopoma,
Va yi jim atoraliak
Nat naico Satana.
IOI
3 Etmu itai asjaaicnaig
I mi cama as'ga,
Va'cri jim ahnag aijama,
'm auahas neseama.
Old Hundredth.
5. NAIHEUC O IESU. L.M. 8.
i Is asuol pam a Iesu,
Urn amen se an nobohtan ;
Is tup aiheuc vai ra aien,
Up' atimi asgeig iran.
2 Is idim ohocred aien,
An nohuun im lep nesgan ;
Is mas aien par asitu
Up' atimi asgeig iran.
3 J a is urn lep umoh aien,
Um aridjai an nohatag,
Par 'miaras eh'le Etman
Up' atimi asgeig iran.
4 Ti imiacitak acen
Akaija, um lep cediaig;
Etpu 'miatamaig aien
Up' atimi asgeig iran.
America.
6. INMAS U IESU. cm. 8.6.
i Intumu cediaig acen
Akaija asega ;
Is asuol pam a Iesu,
Um aiheuc vai caija.
102
2 Is idim ohocred aien
An nauincai atgeig ;
Is auanimtaija aien
An ja itap iran.
3 Is itai ahlap upene
Inmas itap o un ;
Va nedo maumau asega
An nobohtan inig.
4 Ti auroauro akaija,
'm ahtag pan ehelen ;
Et imiatamaig aien
Nup uran nobohtan.
Pascal.
7. NAAURINIG VAI IESU. l.m. 8.
i Uhmu imiahpas Iesu,
Is asuol se pam aien,
Par imiatamaig caija.
Naaurinig vai yin.
2 Et upene ache aien,
Um esjilid naiheuc o un
Va atimi an nobohtan.
Naaurinig vai yin.
3 Is lucsei nohocred aien,
Um mas an nauincai atgeig,
Par itai ahlap vai caija.
Naaurinig vai yin.
4 Et lep emda inja iran,
Par yiri upene caija,
103
Va nedo itap asega.
Naaurinig vai yin.
5 Etmu jim esjum tah vai yin,
Urn jim amen itac acen ;
Et ahlaig vai caija aien.
Naaurinig vai yin.
Devizes.
8. INMAS O 1ESU. cm. 8.6.
1 Ak Etmama an nohatag,
Jim ehniv vai cama;
Et alupas um ahinag
Nedo has unyima.
2 Tup aiheuc vai cama aiek,
Jim auahas cama ;
Is idim mas a Iesu par
Imicoho cama.
3 Intumu cediaig emda
Akaija asega;
Et merit a Atua par
'miatamaig caija.
O that will be joyful.
9. NAAURINIG. p.m.
I Et esjilid Ihova ;
Et idim upene aien ;
Et ti nitai has iran.
Maiya ! naaurinig,
Maiya ! naaurinig,
Maiya ! naaurinig,
Um imiahpas yin.
104
2 Is abrai Iesu aien,
Inhal o un ethi ache,
Par 'miatamaig caija.
Maiya ! naaurinig,
Maiya ! naaurinig,
i Maiya ! naaurinig,
Um imiahpas yin.
3 Is idim mas a Iesu,
Par itai ahlap esjilid,
Va nedo has asega.
Maiya ! naaurinig,
Maiya ! naaurinig,
Maiya I naaurinig,
Um imiahpas yin.
Roxburgh.
10- NAURITAI 0 IESU. p.m. 12.
i Naaurinig vai Iesu Inhal u Atua,
Et has um apat inliinmopja itu ;
J a et aprofeta lah aien, um emda,
Par esege imtaija intas upene.
2 Naaurinig vai Iesu Inhal u Atua,
Et amen nedo has iraija asega ;
J a et atimi ahlap aien vai caija,
Par atladwi inja iran nimtaija.
3 Naaurinig vai Iesu Inhal u Atua,
Et esjum vai yin inliinmopja itu ;
Ja et Atimarid aien par aihiaig,
'm ikni caija an nelcau upene o un.
io5
Bangor,
11. NALAIGAHENI. cm. 8.6.
i Ak Natimarid esjilid,
Aminjinaig cama ;
Asan tas upene aiek
Vai cama asega.
2 Apam ehelema aiek,
Ihova Etmama ;
Asa nigpa, urn jim aru
Nedo has unyima.
3 Ati Nesgam itap aiek
An liinmopoma,
Mika eri 'miatamaig
Urn yiri nesgama.
Adeste Fideles*
12. NIMIAHPAS IESU. p.m. 12.
i Osana, Osana vai Iesu Mesia!
Inhal u Atua ethi ache aien ;
Et aiheuc va atimi asega aien,
Um imiaras caija ehele Etman.
2 Osana, Osana vai Iesu Mesia !
Is mas vai nup urai pece aien,
Um lep lucsei nimtan nedo has uja ;
Ti emda akaija um asgeig iran.
3 Osana, Osana vai Iesu Mesia !
Et idim eti esjum vai caija aien ;
Intumu ahtag pan ehelen akaija,
Um ugyi nitai umoh upene iran.
io6
Arlington.
13. NESGAN UPENE. cm. 8.6.
i Ak Atua up'ne ache,
Tup alupai cama
Nesgam I tap urn upene,
Um aiheuc vai cama.
2 Etmu asuol pam aien,
'm amen ehelema,
Um ago nauritai o un
An liinmopoma.
3 Et emehe um has acen
Inliinmopoma :
Et emda acen aien par
'miatamaig cama.
Woodland.
14. NAPOS IESU. cm. 8.6.
i Eris mun asgi siip ura
Alp' atimi up'ne,
An nuarin pece Bedlehem,
An nepig is ethi.
2 Is lep arehed ira ra
Inlah an nohatag ;
Is ehcohos a nagelo,
'm asaig intas inig.
3 Akumu cediaig acen
Aijaua asega ;
Et esjilid intas inig
Eh mun abrai nyak vaig.
io7
4 Eh mun apos imi caua
An nadiat inig,
Natimi imiatamaig
Nup uran nobohtan.
5 Et amen an neom aien,
Apan um ecet yin ;
Er aso yin an napel'mai ;
Et halav cap aien.
6 Ti naaurinig akaija
Vai Atua uja,
Va naiheuc esjilid o un
Vai caija asega.
.Missionary Hymn.
15- IESU NEFALAIG UJA. p.m. 7.6.
i Et efalaig a Iesu
Napan an nohatag ;
Ti cediaig akaija,
Um imiahpas yin.
Et idim emda aien,
Par aiheuc vai caija ;
Nimtan nedo has uja
Inja itap iran.
2 Et idim ahlaig aien,
Um 'miacaij caija,
Par ahtag pan ehelen,
'm umumoh upene.
Ti atidai akaija,
Um lep apol iran ;
Et achil um efaifa
Nedo an nobohtan.
io8
3 Naaurinig vai Iesu,
'm intas aiheuc o un ;
Erumu asgeig iran
A nup an nobohtan ;
Intumu amen eh'len
Akaija asega ;
Ja par cediaig eh'len,
An pece upene.
Northfield.
16- NADIAT ITAP. cm. S.6.
i Et adiat itap inig,
Et idim upene ;
Intumu cediaig acen
Akaija asega.
2 Ti eklim amen akaija
An nadiat inig,
Um idim ahilek emda
I ntas an nohatag.
3 Ak Etmama, naaurinig
Vai intas upene ;
Namu leh aiek um ati
An liinmopoma.
Old Hundredth;
17» NADIAT ITAP. l.m. 8.
I Naaurinig vai Etmaija,
Va nadiat itap inig ;
Ti apos up'ne akaija,
Um tup eklim amen iran.
109
2 Etmu jim amen sepamki
Inliinmopja obohtan ;
Jam 'ridjai eh'le Atua,
An nuarin upene q un.
3 Ti lep atumop akaija,
Um jim ago tah nauritai ;
Jam aktaktai intas up'ne,
Va nimiatamaiGf caiia.
4 Etmu igpa nedo uja,
An nadiat asga inig ;
Vai tupu amen akaija,
Um atumop an nohatag.
Portugal.
18. NALAIGAHENI. l.m. 8.
1 Ak Natimarid, jim aru
Nedo has unyima aiek ;
Et alupas naiheuc unyum :
Is mas a Iesu vai cama.
2 Ecra tup ago aijama
Nedo has, um eti ato
Par ago nedo upene ;
Et has inliinmopoma.
3 Atladuwi Nesgam I tap
An liinmopoma aiek,
Um yiri upene cama,
Ecri eropse aijama.
4 Et idivaig inwai aien ;
Et emda nauritai o un :
Ecra lep merit aijama,
Mika y' amen ehelema.
no
Siloam.
19. IINWAI UMOH. cm. 8.6.
1 Naaurinig vai Etmaija,
Van wai an nohatag :
Et amen ehele Iesu ;
Et lep ahes iran.
2 Et upene inwai inig
Vai caija asega,
Intumu ahvig akaija,
Um ahilek emda.
3 Era ahvig intakitai
A nup an nobohtan :
Ja et eti laulau um ti,
Um idivaig nepig.
4 Et alupas inwai inig,
'm eti ehka o un.
Ti auroauro akaija,
'm umnyi um umoh vaig.
Baler ma.
20. INTAS ALAIGAHENI. cm. 8.6.
1 Ak Etmama an nohataofj
Etmu itap nidam :
Etmu yetpam an nobohtan
Nelcau up'ne unyum.
2 Ecrumu ago aijama
Nedo as'ga inig,
Et idivaig era ago
A nup an nohatag.
Ill
3 Aiheuc va nohuma aiek,
An nopan asega.
Jim imiaaij vai cama
Nitai caig incama.
4 Et esjilid urn ahinag
Nedo has unyima ;
Jam jim imiehva aiek,
Jim auahas cama.
5 Aminjinaig up'ne cama
Va nohocred as'ga ;
Ecra imtitaig aijama
Nedo oop cama.
6 Erumu imiahpas euc
Natimi asega ;
Na idim esjilid aiek,
Ira ra asega.
ColeshilL
21. IMMAS. cm. 8.6.
i Ak Etmama an nohataof,
Tup aiheuc vai cama ;
Ecra atimi arici .
Aijama asega.
2 Er idim efelelicai
Natimi asega ;
Et edel upene inpig,
Jam imlai um mese.
3 Ecra umumoh aijama,
Um emda alupas ;
Ja par emesmas nohuma,
U m mutit asega.
112
4 Is urn aridjai a Iesu,
Um umoh an matam ;
Ecrumu nusjai aijama,
Um amen ehelum.
Edinburgh.
22. NADIAT APITAC. p.m. ii.
i Etpu lep asuol sepam a Iesu
An nadiat apitac an nobohtan ;
Inyi eti lep ihkin natimi aien,
Um eti upoupo nedo o un.
2 Etpu asalgei nohatag aien,
Um ham an natimi alupas o un ;
Erupu amen eh'len, um ahced yin,
Alp' agelo upene inyi ahinag.
3 Erupu atahaijeg nohran emda
A ilp' atimi emesmas asega ;
Erupu nusjai ara, um umumoh,
Um aiji an nuhup u nitap o un.
4 Kaiheuc vai ilp' atimi esjum vai yin
An nadiat alupas 'yehki o un ;
Etpu aru nedo has ura aien,
Um atapanes vai ra nelcau o un.
5 Ja erupu imiacitak emda,
Alp' atimi asgeig iran asega ;
Erupu ahced yin ara, um apan,
Um amen an nuarin upene o un.
H3
Happy Land.
23. INPECE UPENE. p.m.
i Et eteuc incediaig
An nohatag ;
Et lah um esjilid
Naunau iran :
Era naaurinig
Um aces nohranitai
Natimi asega
Amen iran.
2 Auroauro um apan
An nohatag ;
Jim esjum par apan,
Jim tup amen :
Erupu cediaig
Alp' atimi upene,
Va naiheuc o Iesu
'm inmas o un.
Er imiacitak
An nohatag,
Par alum Etmaija,
'm inhal o un.
Udei intakitai ;
Ahilek inpece lah ;
Athut, um ecetai
Nelcau o un.
Martyrdom.
24. INPECE UPENE. cm. 8.6.
i Kaiheuc vai caija asega
An nobohtan inig ;
i
H4
Ti jim merit vaig akaija,
Um jim apol iran.
2 Et efaifa um has acen
Niji itai iran ;
Inyi ti laulau um lep ti
Inupene o un.
3 Ja eris ati vai caija
Inpece upene ;
Et ti nohocred eahki,
Er cediaig ache.
4 Er eti ato upene
An nobohtan inig-
Niji itai u Atua,
Et lep amen iran.
5 Naaurinig vai Etmaija,
Va nupene o un ;
Ti lep ahilek akaija,
Ja par amen iran.
6 Et 'miacaij emda caija
A Atua uja ;
Intumu ahtag pan eh'len
Akaija asega.
Eventide.
25. INHAG ITAP. p.m. io.
i Naaurinig va naiheuc u Iesu,
Is ati inhag itap o un aien,
Um 'miacaij ilp' atimi o un,
Par asjapicnaig um hag ehelen.
H5
2 Is leh nareto an nikman aien,
Um ago naaurinig vai Etman ;
Is lep asuoplecoplec aien,
Um ika ehele ra ehelen,
3 Nohuk nigki er ati vai caua ;
Akumu caig aijaua asega,
Ak ilpu etwak, um imiehva
Inmas ohocred unyak vai caua.
4 Ja is par leh nide vaine aien,
Um ago naaurinig, um ika,
Nalmun ja itap irak inigki,
Er atladwi vai caua ase^a.
5 Naiheuc unyak nipjinitai inig ;
Akumu leh aijaua um umwig,
Um lep aktaktai nesgan tas iran,
J a par amen eh'lek an nohatag.
French,
26. NIJI PECE APAT. cm. 8.6.
i Et apat um lep has acen
Niji pece ah'nag ;
Et eti fi amen iran
Inlah an nohatag.
2 Et esjilid um ohua
Nedo maumau iran ;
Er eti ato Atua,
Im lep Inhal o un.
3 Et idim ti nigpa iran,
Im nedo upene ;
n6
Era lep ohocred iran
Natimi asega.
4 Ti emda acen akaija
An nopan iji ig,
Um lep esege imi ra
Intas umumoh vaig,
Pascal.
27. NESGAN UPENE. l.m. 8.
i Ak Atua an nohatag,
Et has inliinmopoma ;
Abrai Nesgam I tap aiek,
Par ago upene cama.
2 Et idivaig inlah aien,
Et ememinah upene,
Par ahre napat asega,
Et atal'opni pam cama.
3 Et idivaig inwai aien,
Par yiri upene cama,
Vai inhas asega inig
Et apol aktit irama.
4 Et idivan copda aien,
Et um mulmul nobohtan vaig ;
J a par ededel upene
Niji itai amen iran.
5 Ak Nesgan Upene, apam
?m amen an liinmopoma,
Um ago nauritai unyum,
Um imiatamaig cama.
ii7
Winchester.
28. NAIHEUC U ATUA. l.m. 8.
i Et upene a Atua,
Im nedo asega o un ;
Et aiheuc vai caija aien,
Nup uran nobohtan inig.
2 Et alupai caija aien,
Niji itai umumoh vaig ;
Is lep ati Iesu aien,
Par efalaig an nohatag.
3 Naaurinig, naaurinig
Vai Etmaija an nohatag ;
Intumu emda akaija
Napan vaig urn amen eh'len.
Aneityum,
29. NESGAN UPENE. cm. S.6.
i Ak Atua, naaurinig,
Vai Nesgam Upene ;
Etmu amen aktit aien
An liinmopoma.
2 Et idivaig inwai aien,
Et ahlau 'hua jai,
Par yiri up'ne cama vai
Nedo has asega.
3 Ecrumu up'ne aijama
Va nauritai o un,
Ja par lep amen ehelum,
Um cediaig acen.
n8
Warrington.
30- NIMIAHPAS ATUA. l.m. 8.
1 Intumu imiapahni
Nimiahpas vai Atua
Akaija, urn acesaces
Nohranitai up'ne vai yin.
2 Et esjilid acen aien,
Et eti idivai yin tah ;
Inta lep takitai ache
Akaija an nuhup o un.
3 Is ago nobohtan aien,
An nemda esjilid o un ;
Is lep ago injap aien,
lm lep niji itai iran.
4 Etmu upoupo acen
Inliinmopja akaija,
An nuhup u Atua, um
Ago nedo ecen vai yin.
Pascal.
31. NOHRANITAI AN NUHIALEG. l.m. 8.
1 Ak Atua, naaurinig,
An lah u nadiat inig,
Va namen up'ne unyima,
lm lep va numjeg an nepig.
2 Ecra mun aiji aijama,
Um lep umumoh upene ;
Et idim emda nohuma
Va naiheuc unyum vai cama.
ii9
3 Aminjinaig cama aiek,
Va nedo ahnag asega ;
Ecrumu emda aijama,
Um ahced nefalaig up'ne.
St. Cuthbert.
32. NOHRANITAI AN NUHIALEG. CM. 8.6.
1 Ak etmama an nohatag,
Tup aiheuc vai cama ;
Um atise intas unyum
An liinmopoma.
2 Aminjinaig cama aiek
An nadiat inig,
Iraili eom unyima,
Im lep an nefalaig.
3 Etmu amen intas unyum
An liinmopoma ;
Ecrumu esjum aijama
Va nedo has as'gfa.
t>i
Angels*
33. NOHRANITAI AN JUPURA. L.M. 8.
1 Ti naaurinig akaija
Vai Atua an nohatag,
Va naiheuc o un vai caija,
An nadiat as'ga inig.
2 Et 'micoho caija aien
Vai itai auahas caija,
Um lep ati Inhal o un,
Par imiatamaig caija.
120
3 Etmu amen eheleija
A Etmaija an nohatag,
Urn lep aminjinaig caija,
An nepig asega inig.
Irish.
34. INTAS ALAIGAHENI. cm. 8.6.
i Ak Atua an nohatag,
Tup aiheuc vai cama ;
Jim aktaktai, urn jim aru
Nedo has unyima.
2 Ak Iesu, halav cap o tin,
Tak eris ira ma ;
Et esjilid urn ahinag
Nedo has unyima.
3 Ak Nesgan Upene, apam,
'm amen ehelema,
Um ago nauritai unyum
An liinmopoma.
Hamburgh.
35- NAIHEUC U IESU. L.M. 8.
i Inhal o un et esjilid,
Ki imiahpas yin ainyak ;
Is um aktaktai nyak aien :
Is alupas naiheuc o un.
2 Is merit alupas aien
Nimicoho atimi vaig,
Um ikni ra an nohatag :
Is alupas naiheuc o un.
121
3 Is emda aien par ahau
Satana, Natimarid has ;
Is esjilid iran aien :
Is alupas naiheuc o un.
4 Is ahtahti inja iran,
Um idivaig nihlup iran :
Is ohocred aien um mas :
Is alupas naiheuc o un.
5 J a is par nusjai a Iesu,
'm aridji pan an nohatag,
Par yecrei imnim esjilid :
Is alupas naiheuc o un,
6 Ek merit ainyak namen vaig
An pece lah an nohatag,
Um imiahpas emda yin :
Et alupas naiheuc o un.
Auld Lang Syne,
36. INPECE UPENE. cm. 8.6.
i Naaurinig, naaurinig,
Et tup ethi ache
Inliinmopja asega,
Va naiheuc u Iesu.
Inta asaig intas inig
Akaija asega,
Intupu lep asjapicnaig
An pece Upene,
An pece Upene marom,
An pece Upene ;
Intupu lep asjapicnaig
Akaija asega.
122
El ta ahes Nyu Hebrites,
Im Beritania.
Im Yurop, im Amerika,
Im Nova Skosia.
Intupu lep asjapicnaig
Akaija asega,
Um tas, urn imiacitak,
An pece Upene ;
An pece Upene marom,
An pece Upene ;
Intupu lep asjapicnaig
Akaija asega.
Eri eti lep ohocred,
Um taJg, an nohatag,
Um arici um idivaig
An nopan iji ig.
Intupu lep asjapicnaig
Akaija asega.
Um emda, um lep cediaig,
An pece Upene,
An pece Upene marom,
An pece Upene ;
Intupu lep asjapicnaig
Akaija asega.
Intupu ti terimterim
Akaija asega,
Um tas, um taig va nitai caig,
Im nehtele caija.
Intupu lep asjapicnaig
Akaija asega,
Um lep asipiai itai,
An pece Upene,
An pece Upene marom,
An pece Upene ;
Intupu lep asjapicnaig
Akaija asega.
Come, come axuay.
37. APAM LEP APAM. p.m.
i Apam, lep apam u nesege inigki ;
Et upene nohranitai : Apam, lep apam.
Er atcei bel asjapicnaig ;
Et esjilid nahlaig o un,
Nahugni caija vaig: Apam, lep apam.
2 Asaig, lep asaig ; erupu atahaijeg
A ilpu atimi upene : Asaig, lep asaig.
Acesaces nohranitai,
Um lep asaig naaurinig,
Um tas va nohatag : Apam, lep apam.
3 Aha, lep aha va nohrai Tiapolo ;
Et idivaig intakitai : Aha, lep aha.
Jam apitac nedo atoh,
Im nauritai an pece lah,
Im intas upene : Apam, lep apam.
4 Ato, lep ato va nefalaig an nigpa,
Va nefalaig an nohatag : Ato, lep ato
Vai intas imiacitak,
Im namen vaig et esjilid,
Im Nesgan Upene : Apam, lep apam.
5 Ateuc, lep ateuc an tas atoh u Iesu,
Nimiacaij atimi vaig : Ateuc, lep ateuc.
124
't eti acaiji tah aien,
Jam merit nimicoho vaig
An nimnim upene : Apam, lep apam.
6 Apol, lep apol ; et idim iniveijec
Intas itap, nasaig o un : Apol, lep apol.
Eri apan a Paratais ;
Eri amen urn cediaig
An nelcau upene : Apam, lep apam.
Evangelist.
38. NEOM ITAP. cm. 8.6.
1 Ihova u ilp' agelo,
Atua unyima,
Et imnim esjilid inig!
Et itap asega.
2 Ek merit ainyak natga vaig
An nefalaig atoh,
Um lep aktaktai upene
Intas an pece lah;
3 Ek merit ainyak par apam
An nokoro itap,
Um atahaijeg upene
Intas etipup mat.
4 Ek esjum ainyak namenvaig,
Um tup edo um laav,
An nimnim u atimi has,
Um lucsei nohocred.
5 Ecra alaigaheni vai
Ihova aijama,
125
Urn] lep* aces nohranitai
An nimnin upene.
6 Et ahvig wai umumoh vaig
Inliinmopoma,
Um merit vai intas itap
Aijama asega.
7 Ak Iesu, imiatamaig
Atimi asega,
Um] atise Nesgam Itap
Anliinmopoma.
[Communion, or Rockingham.
39. INHAG ITAP. l.m. 8.
i Is um ati Inhag Itap
A Iesu vai inmas o un,
An nepig, eris alwai yin,
An nopan* ohocred o un.
2 Is leh naretojaien, um
Alaigaheni vai Etman,
Um aswaplec ja par ahaig,
Um tas va nauritai o un.
3 Is um ika aien, Almoi,
Nohuk inigki er ati,
Va caua, [ak ilpu 'twak, leh,
Um caig, um imiehva nyak.
4 Is leh nipjinitai aien,
Um lep naaurinig iran,
Is esjilid naiheuc o un,
Is upene intas inig.
126
5 Et idivaig inja irak ;
Et lep intas etipup mat ;
Et itai ahlap vai caua,
Atimi asgeig pam irak.
6 Umnyi aijaua asega
A nide vaine et itap,
Aktaktai nesgan tas iran,
Um leh nitai umumoh vaig.
Chant, Tiverton.
40. SALM 67. cm. S.6.
1 Etmu lep aiheuc vai caua
Aien et esjilid,
Um tas acis yi alwai vai
Up' aheca o un.
2 Etmu ato intas unyum
Nobohtan asega ;
Uhmu lep imiatamaig
Atimi aseea.
3 Erumu lep asjapicnaig
N atimi asega,
Um lep aces nohranitai,
* Um amen upene.
4 Ecrumu imiahpas euc
Aijama asega ;
Na idim esjilid aiek,
Ak lesu upene.
5 Asan tas upene aiek,
Intas an pece lah,
127
Um Atimarid esjilid
Irama asega.
6 Inyi oho niji itai
An pece unyima ;
Etmu adale nitai caig
Incama asesfa.
Chanty St. Ann.
41. SALM i2i. cm. S.6.
1 Ekpu yias jipan ainyak
An nedoon itap ;
Et um ahes iran intas
Atoh um esjilid.
2 Et tas ehelema aien,
Is tup eteuc vai yin
Nobohtan im lep nohatag ;
Et esjilid aien.
3 Et um ika aien yi jim
Epihtau neduom ;
Et aijilahlah aien, um
Eti lep udei euc.
4 Ak N atimarid, jim umjeg
An taha nopan, jam
Aminjinaig nup Isreel,
Atimi u Etmam.
5 Et esjilid namen unyak,
Inyi eti ces nyak
Nagesega, im inmohoc,
Im nemehe et has.
128
6 Namu aminjinaig aiek
Nohuma arici,
Um idim imiatamaig
Nesgama asega.
7 Namu aminjinaig aiek
Napanvaig unyima,
Napanvaig, im nateucse vaig,
Im namen asega.
Ortonville.
42. INCEDIAIG. cm. 8.6.
i Eri aces nohranitai
Natimi asega,
Um idim imiacitak
Vai Kristo upene.
2 Apam an neucse nirahed
U nimnim esjilid;
Jim ago nedo arici
An nadiat itap.
3 Ahlaig vai yin, um cediaig,
An nokoro o un ;
Alaigaheni upene,
Um asgeig pan iran.
4 Asan tas upene vai yin,
Um aheca o un ;
Naaurinig vai yin, um Ieh
Nitai an nohatag.
129
Albany.
43. NOHRANITAI AN JUPURA. CM. 8.6.
i Ti asjapicnaig akaija
An jupura inig,
Um imiahpas emda yin,
Atua 'minjinaig.
2 Et aiheuc vai caija aien
An nadiat inig ;
Ti emda akaija 'm ago
Naaurinig vai yin.
3 Etmu idim ika aien,
Ti umjeg akaija ;
J a par aiji lahlah imraig,
Um emda nohuja.
St. Asaph.
44, NAMEN AN NOHATAG. cm. 8.6.
i Et esjilid um upene
Namen an nohatag ;
Era aces nohranitai
Natimi ahinag ;
Um idivaig ilp' agelo
Natimi asega,
Et lah um imiacitak
Inliinmopora.
2 Is mas a Iesu par ahlap
An nita'hlap iran,
Um imiaras ra eh'le
Etman an nohatag.
K
Eris ahes an nohocred
Natimi iji ig ;
J a par apan an pece lah,
Um imiahpas yin.
Greenville.
45, NIMIAHPAS. p.m.
i Etmaija im inhal o un,
Im lep Nesgan Upene,
Ehtaij tup apapa ahtaij,
Um upene um emda ;
Aleluya, Aleluya !
Naaurinig vai ehtaij.
2 Naaurinig vai Atua,
Im Iesu Inhal o'un,
Im lep vai Nesgan Upene,
Ehtaij upene ahtaij ;
Aleluya, Aleluya !
Naaurinig vai ehtaij.
Dunfermline.
46. SAAM 133. cm. 8.6.
'g>
1 Et idim esjilid ini:
Et idim upene,
Vai ilpu raimu par amen,
Um tup ethi ache.
2 Et idivaig nitai aspi, —
Narakei er asaig ;
Is auanipin upene
Nipek u Eron vaig.
*3*
3 Numri nidjinin asega,
Im geijin is itap,
Er aspi, an napan o un
U natau par ahlap.
4 Et idivaig nopoigmul vai
Inceslum et imlai,
Et mulmul urn ededel vaig,
Um lep ohwai itai.
5 Etpu asan tas upene
Vai ilpu hal o un
A Natimarid esjilid,
Naaurinie iran.
Rock of Agts.
47. NIJ AMELED UM ITU. 7-
i Nij ameled um itu,
Natimarid asitu,
Ek apol iram ainyak ;
Imiatamaig nesgak ;
Imyialep nyak aiek ;
Iesu, tak eriss irak.
2 Nedo unyak takitai ;
Nemda unyak nevitai ?
Nimtan unyak yek eda,
Vai nedo has asega ?
Imicoho nyak aiek ;
Iesu, asitu irak.
3 Et itap inja iram,
Er ati inmas umyum,
I;32
Par adahpoi alupas
Nedo o atimi has.
Imiaras nyak aiek ;
Iesu, jim aru irak.
4 Ek wit emehe ainyak,
Tup ateghe nyak aiek,
An naopan apitac —
An naopan mas unyak,
Imiehva nyak aiek ;
Iesu, jim ahnag irak.
Millennial Dawn.
48, HOSANA VAI 1H0VA. 7.6
i Hosana vai Ihova,
Ihova alupas ;
Hosana vai Ihova,
Ihova esjilid.
Ahlaig vai Natimarid,
Ahlaig an nohatag ;
Eri alaigaheni,
An nadiat inig.
2 Hosana vai Mesia,
Mesia alupas ;
Hosana vai Mesia,
Mesia esjilid.
Apol iran akaija,
Ateuc an tas o un ;
Ateuc, um imiaiji,
Um asgeig pan iran.
*33
3 Hosana vai Inhalav,
Inhalav atamaig,
Inhal u Natimarid,
Inhalav cap o tin,
Apam, ak mapoi Tevit,
Um aiheuc vai cama,
Amen, amen, ak Iesu,
An nimnim unyima.
4 Hosana vai Nesgarau,
Nesgarau upene ;
Hosana vai Nesgarau,
Nesgarau esjilid.
Napam o un mun igki ;
Is ham aien mika,
Yi leh, um atipagki,
Nedo has asega.
Bonnie Charlie.
49. VAI NATIMARID. 7.
i Natimarid esjilid,
Aiheuc vai cama aiek ;
Auroauro um apam,
Um amen ehelema.
Imiatamaig cama,
Imiatamaig cama ;
Vai nedo has asega
Imiatamaig cama.
2 Natimarid upene,
Na amen an nohatag,
Na ateuc an lah aiek,
Et lep arehed iram.
134
Imiatamaig cama,
Imiatamaig cama ;
Vai nedo has asega
Imiatamaig cama.
3 Natimarid alupas,
Jim atau an nedo oop ;
Asjiraig cama aiek ;
Atipagki nohocred.
Imiatamaig cama,
Imiatamaig cama ;
Vai nedo has asega
Imiatamaig cama.
4 Natimarid unyima,
Ehcohos ehelema
Nesganimtam upene,
Um aminjinaig cama.
Imiatamaig cama,
Imiatamaig cama ;
Vai nedo has asega
Imiatamaig cama.
5 Ak Atua Upene,
Ikni jai cama aiek,
Par amen an nohatag,
Um aces nohranitai.
Imiatamaig cama,
Imiatamaig cama ;
Vai nedo has ase^a
Imiatamaig cama.
6 Nesgan esjilid itap,
Ago upene cama,
i35
Par atau an nauritai,
Idivai ilp' agelo.
Imiatamaig cama,
Imiatamaig cama ;
Vai nedo has asega
Imiatamaig cama.
Come to Jesus.
50. APAM EHELE IESU. 8,6.
i Atga uja eh'le Iesu,
Eh'le Iesu inpig ;
Ti fi atga uja,
Atga uja inpig.
2 Etpu aiheuc va atimi,
Etpu aiheuc aien ;
Ti fi apitac yin,
Apitac yin inpig.
3 Et lep emda nikmai Iesu,
Et lep emda aien ;
Ti fi imiisjis,
Imiisjis inpig.
4 Et lep merit va atimi,
Et lep merit aien ;
Ti fi atahaijeg,
Atahaijeg inpig.
5 Asgeig irai Iesu Kristo,
Natimarid uja ;
Ti fi asgeig iran,
Asgeig iran inpig.
136
6 Imiahpas Natimarid,
Imiahpas inpig ;
Emen, Aleluya,
Aleluya, Emen.
Hold the Fort.
51. AIJI AKTIT.
i Ak ilpu 'twak, almoi intas
Er asan tas vaig,
Nimiatamaig atimi,
Um aminjinaig.
Aiji aktit, et ham aien
Nimicohovaig,
Imiisjis ninveijec,
Um umumoh vaig.
2 Imiahpas Iesu Kristo,
Aien esjilid ;
Aitgai yin aijaua as'ga,
Um apol iran.
Aiji aktit, et ham aien
Nimicohovaig,
Imiisjis ninveijec,
Um umumoh vaig.
3 Imehva yin aijaua,
Im nedo o un ;
Atahaijeg nohrai Iesu,
Er umumoh vaig.
Aiji aktit, et ham aien
Nimicohovaig,
Imiisjis ninveijec,
U m umumoh vaig.
4 Aso caua an napel'mai
Upene inig,
Is ahod a lesu Kristo,
An naiheuc o un.
Aiji aktit, et ham aien
Nimicohovaig,
Imiisjis ninveijec,
Um umumoh vaig.
5 Mika ti apan ehelen,
Um udei inmas,
Ti adumoij, um atpuse
An nuhup o un.
Aiji aktit, et ham aien
Nimicohovaig,
Imiisjis ninveijec,
Um umumoh , vaig.
6 Ugyi yin aijaua as'ga,
Mika yi apam
Um ahugni caua aien,
Par apol iran.
Aiji aktit, et ham aien
Nimicohovaig,
Imiisjis ninveijec,
Um umumoh vaig.
NUMERA ESYEI ITAI.
i First
2 Sekunt.
3 Dirt.
4 Ford.
5 Fifd.
6 Siksd.
7 Sevend.
8 Eetd.
9 Naind.
io Tend.
ii Elevend.
12 Twelfd.
20 Twentied.
21 Twente-first
30 Dirtied.
31 Dirte-first.
40 Fortied.
41 Forte-first.
50 Fiftied.
51 Fifte-first.
60 Sikstied.
61 Sikste-first.
70 Seventied.
71 Sevente-first.
80 Eetied.
81 Eete-first.
90 Naintied.
91 Nainte-first.
100 Wun huntretd.
1 01 Wun huntret im first.
1 10 Wun huntret im tend,
in Wun huntret im elevend.
120 Wun huntret im twentied.
130 Wun huntret im dirtied.
140 Wun huntret im fortied.
150 Wun huntret im fiftied.
200 Tu huntretd.
1000 Wun dausantd.
139
APPARENT TIME OF THE SUN'S RISING
AND SETTING ON ANEITYUM.
RISES SETS
h. m.
March 21 and Sept. 20 6 o
» 15 n 27 5 57
» 10 Oct. 3 5 54
5 „ "8 5 5i
Feb. 28 „ 13 5 48
25 „ 16 5 47
23 „ 19 5 45
20 „ 21 5 44
17 „ 24 5 42
15 » 27 5 41
12 „ 30 5 39
8 Nov. 2 5 38
5 5 5 36
2 „ 9 5 34
Jan. 29 „ 13 5 33
25 „ 16 5 31
21 „ 21 5 30
16 „ 26 5 28
,, 10 Dec. 2 5 26
1 „ 10 5 24
Dec. 22 „ 22 5 24
h.
m.
6
O
6
3
6
6
6
9
6
12
6
13
6
15
6
16
6
18
6
19
6
21
6
22
6
24
6
26
6
27
6
29
6
30
6
32
6
34
6
36
6
S6
140
RISES
h. m.
March 21 Sept. 20 6 o
» 25 „ 17 6 3
>> 30 » 12 6 6
April 4 9 6 9
„ 10 „ 1 6 12
„ 12 Aug. 29 6 13
,1 15 >> 27 6 15
11 18 11 24 6 16
„ 21 „ 21 6 18
,1 24 „ 18 6 19
11 27 „ 15 6 21
30 11 11 6 22
May 4 8 6 24
7 4 6 26
11 11 1 6 27
15 July 28 6 29
20 „ 23 6 30
25 „ 18 6 32
31 11 11 6 34
June 9 2 6 36
„ 21 June 21 6 36
h.
m.
6
O
5
57
5
54
5
5i
5
48
5
47
5
45
5
44
5
42
5
4i
5
39
5
38
5
36
5
34
5
33
5
3i
5
30
5
28
5
26
5
24
5
24
INTAS AHODAIG SEKUNT,
ERIS AGED
A ILPU ATIMI ESEGE IJI IG ERIS
ASJAPICNAIG ARA
WESTMINSTER.
THE SHORTER CATECHISM
OF THE
ASSEMBLY OF DIVINES AT WESTMINSTER.
TRANSLATED INTO THE ANEITYUMESE LANGUAGE.
INTAS AHODAIG SEKUNT.
i. Inhe nitai inig et esjilid eris ago natimi
vaig ?
Nitai inig et esjilid eris ago natimi vaig
nigki, nikavaig, eri ehvaig natimi alupas u
Atua ara, um asipiai itai ehelen irai iji mesese.
2. Inhe nitai asjaaicnaig et mun alupai caija
a Atua par asuptecnaig eheleija nedo an neh-
vaig natimi alupas o un uja im nasipiai itai
ehelen ?
Intas o Atua eris aged an Tas etipup Itu
im Intas etipup Mat, nitai asjaaicnaig ache
nigki, par asuptecnaig eheleija nedo an
nehvaig natimi alupas o un uja im nasipiai itai
ehelen.
3. Neve nedo iji ig er asuptecnaig emda
eheleija an Tas o Atua eris aged ?
Nedo iji ig er asuptecnaig emda eheleija
an Tas o Atua eris aged ji igki, nikavaig,
nitai iji igki et upenemika ti imiisjis ninveijec
vai Atua akaija. im nedo inig et ika a Atua
ti ago akaija.
4. Inhe Atua ?
Et Esgan a Atua ; et eti eteuc nehni vai
yin ; inyi eti lep tiih aien ; inyi eti lep eche
aien ; et idim uco aien an neteuc o un, im
144
narapakau o un, im nemda o un, im nedo*
upene o un, im nedo atoh o un, im nedo
aiheuc o un, im intas inveijec o un.
5. Et eteuc a Atua et ethi ache, ka et lep
eteuc tah et eche ?
Et eteuc a Atua et ethi ache ; , et Atua
umoh aien um inveijec.
6. Et ehed atimi irai Atua ?
Et eteuc natimi et dri irai Atua, nan, Et-
man, im Inhal o un, im Nesgarau Upene ;
ehtaij Atua et ethi ahtaij raigki ; et tup ethi
ache nesgai ehtaij, et lep apapa nemda im
natimi alupas u ehtaij.
7. Neve tas anaclelen u Atua ?
Niji tas anaclelen u Atua ji igki, nikavaig,.
an nopan iyehki is pam eti eteuc nobohtan,
is upyi hup aien, um asaig aktit nitai iji
igki asega et ehcohos pam, is idivaig naktaktai
u inliinmopon, mika eri ehvaig natimi alupas
o un vaig.
8. Et evehneijid niji tas anaclelen o un a
Atua?
Et ehneijid niji tas anaclelen o un a Atua
an nauritai eraigki, nikavaig, an nago itai o un,
im nimiatamaig itai o un.
9. Inhe nauritai u Atua an nago itai o un ?
Nauritai u Atua an nago itai o un nigki,
nikavaig, is ago niji itai asega a Atua, is ti
nitai, vai intas emda o un, ira adiat is siks, is
idim upene niji itai asega.
145
io. Is evago natimi a Atua ?
Is aoro natimi a Atua natamaia- im natahiqf,
is idivaig nalmun, an nato itai, im nedo atoh,
im nedo upene ; is lep ati yin aien mika yi
atimarid irai iji itai eris ago.
1 1. Inhe nauritai u Atua an naminjinai itai
o un ?
Nauritai u Atua an naminjinai itai o un
nigki, nikavaig, et aminjinaig niji itai asega
aien, im nedo asega ura : et lep esjilid ira ra
aien an nedo upene o un, im nedo arapakau
o un, im nedo emda o un.
12. Is wat ago natimi a Atua, neve nauritai
aminjinaig esjilid iyehki is ago aien vai yin ?
Is wat ago natimi a Atua, is asaig intas
etipup ehelen aien, nikavaig, el is imiaiji upene
intas alep asega o un aien, inyi umoh aien, ja
el is caig nohwancai iyehki aien par ato niji
itai upene im niji itai has vaig, inyi mas aien.
13. Erus eteuc ahwat atmil uja an namen
iyehki eris ago rau iran, ka 00 ?
Eris ikni ohwat atmil uja par ago nedo inig
erus tup isparau merit arau, ja erus ago nedo
has vai Atua arau, um atcijaig namen iyehki
eris ago rau iran.
14. Inhe nedo has ?
Nedo has nigki, nikavaig, neti imiaiji vaig
intas alep asega u Atua, ka nimipalea vaig
tah nitai iran.
15. Asuptecnaig va nedo has iyehki erus
146
ago ahwat atmil uja, um atcijaig namen iyehki
vaig eris ago rau iran.
Nedo has iyehki erus ago ahwat atmil uja,
um atcijaig namen iyehki vaig eris ago rau
iran nigki, nikavaig, erus caig nohwai itai itap
arau.
16. Eris atcijaig namen upene ura natimi
asega an nedo has uhup u Atam, ka o'o ?
Eris eti asan tas etipup ehele Atam ache,
jai ehele ilpu hal o un im ilpu mapon asega,
eris ehris ago nedo has ehelen natimi asega
an nedo imipalea uhup o un, um ehris atcijaig
namen upene ura ehelen, nikavaig, era idim
ahes ehelen ara et idivaig nedo an napos
atimi vaig, um tup ethi ache pan iran.
17. Asuptecnaig va namen inig eris imi-
asuol atimi asega iran va natcijaig namen
upene o un iyehki.
Era amen natimi ase^a an nedo has im
nohocred va natcijaig namen upene o un
iyehki.
18. Asuptecnaig va namen an nedo has
inig eris imiasuol atimi iran.
Namen an nedo has inig eris imiasuol atimi
iran nigki, nikavaig, era lucsei neruvaig nedo
has uhup u Atam ara ; et eti eteuc nohuun
nedo atoh ira ra ; et idim has asega inliinmo-
pora, er anvi nidan nigki par ika nohuun nedo
has ; im lep inig, nedo has asega er ago et
ahes iran.
>47
19. Asuptecnaig va nohocred an namen
inigki eris imiasuol atimi iran ?
Eris atcijaig intup ethi ache pan irai Atua
natimi asega an nimiasuol ra; era amen ithan
nedemda im intas ahlaijaig o un ara ; va nitai
inigki et ti nitai imicoho ra va niji ohocred
asega an nobohtan inigki, im lep inmas, im
nerikinman ira ra an pece has irai iji
mesese.
20. Is udei atimi asega a Atua inmasvaig
an namen ura an nedo has im nohocred,
ka o'o ?
An nopan iyehki is pam eti eteuc nobohtan
is ehtai nahaiji atimi a Atua, an tup naktaktai
upene o un, mika eri leh nitai umoh iran inig
inyi eti lep ti, is lep asan tas etipup an naiheuc
o un aien, par iknipagki ra an namen ura an
nedo has im nohocred, um imiapan ra an
namen upene iran tah etpu imiatamai ra aien.
21 Di nigki et imiatamaig atimi iji ig aien
is ehtai ra a Atua ?
Iesu Kristo natimarid marom, aien aigki
ache et imiatamaig atimi iji ig aien is ehtai ra
a Atua : is Hal u Atua aien an nopan iyehki
is pam eti eteuc nobohtan, ja is par apitac
aien um atimi ; va nitai inigki is Atua aien um
lep atimi an nopan iyehki um uhum pam, et
ero nesgan jam acheiachei, ja et ethi ache
aien; etpu idim uco aien irai iji mesese.
22. Is wat Hal u Atua a Kristo, is ika
aien'yi atimi um uauo ?
148
Is atimi a Kristo Inhal u Atua is uce,
nikavaig, is leh nohun inveijec imi yin aien
im nesgan is eteuc lelen ; is eteuc aien an
Nesgan Upene an nipjinetgan natahig iyehki
Mere; is idim apos yin aien, ja is eti eteuc
nohuun nedo has iran.
23. Nev auritai iji ig et ago a Kristo an
nimiatamaig caija oun?
Et ago nauritai iji ig a Kristo an nimiata-
maig caija o un, nikavaig, nauritai u ilpu
profeta, im nauritai u ilpu atimi ahlap, im
nauritai u ilpu atimarid, an namen ihkin
natimi o un, im lep an namen an natimi
alupas o un.
24. Et evago nauritai u ilpu profeta a
Kristo ?
Et ago nauritai u ilpu profeta a Kristo,
nikavaig, et asuptecnaig eheleija aien an tas
itap o un, im lep an Nesgan Upene, nedo
inig et ika a Atua ti ago akaija, va uhpu
imiatamaig caija.
25. Et evago nauritai u ilpu atimi ahlap a
Kristo ?
Et ago nauritai u ilpu atimi ahlap a Kristo,
nikavaig, is ecethi ache ahlap iran aien, nitai
ahlap par adahpoi nedo has uja an nuhup u
Atua, um ika yi asa nigpa a Atua eheleija ;
et lep alaigaheni vai caija aien um eti
atumop.
26. Et evago nauritai u ilpu atimarid a
Kristo ?
149
Et ago nauritai u ilpu atimarid a Kristo,
nikavaig, et ika aien ti ispaija leh caija imi
yin akaija, et lep esjilid iraija aien, urn imicoho
caija ; et atapnes ilpu atimi asega aien era
edemda vai yin ara im lep vai caija, urn
ahau ra.
27. Asuptecnaig va namen ihkin natimi u
Kristo ?
Is eteuc nitai iji igki an namen ihkin natimi
u Kristo, nikavaig, is apos yin a risin, is tup
atimi aien, eris idim ika yi imiaiji intas alep u
Atua, is lucsei niji ohocred an nobohtan inigki
aien, im nedemda u Atua, im inmas an
nauincai atgeig inig eris amcel vaig ; eris
atelmoi yin, is lep esjilid iran a inmas irai hal
adiat.
28. Asuptecnaig va namen an natimi alupas
u Kristo ?
Et eteuc nitai iji igki an namen an natimi
alupas u Kristo, nikavaig, is nusjai aien vai
inmas o un an nadiat dirt, is aridjai aien an
nohatag, et ateuc aien an matai Atua Etman,
etpu lep apam aien an nadiat eneijai, mika yi
almaijidjid atimi asega an nobohtan.
29. Inta eveleh nimiatamaig caija inig
akaija is auanimtan a Kristo ?
Inta leh nimiatamaig caija inig akaija is
auanimtan a Kristo va nati aktit iran vaig imi
caija u Nesgan Upene.
30. Et evati imi caija a Nesgan Upene
nimiatamaig caija inig is auanimtan a Kristo ?
15°
Et ati imi caija a Nesgan Upene nimiata-
maig caija inig is auanimtan a Kristo, an nika
o un ti asgeig irai Kristo akaija, urn tup ethi
ache pan iran an nimiacaij aktit caija o un.
31. Inhe nimiacaij aktit caija ?
Et auritai u Nesgai Atua nimiacaij aktit
caija, nikavaig, et ika aien ti ato upene nedo-
has uja akaija im nohocred uja ; et ago lah
inliinmopja aien par ato Kristo ; et ika aien
yi eche naktaktai uja ; et leh updak caija aien
um atau iraija par asgeig irai Iesu Kristo, er
tup ahtai yin imi caija an tas upene.
32. Inhe nitai upene iji ig era lucsei an
numumoh ura inigki a ilpu atimi ij ig er
imiacaij aktit ra ?
N atimi iji ig er imiacaij aktit ra era lucsei
ara an numumoh ura inigki nitai upene iji ig,
nikavaig, nika u Atua et atoh nedo ura, im
nika o un era ilpu hal o un ara, im nago upene
ra o un, im lep hal itai upene et eche et
ehrateuc ehelen raigki, ka et ahes iran raigki,,
an numumoh ura inigki.
33. Inhe nika u Atua et atoh nedo uja ?
Nika u Atua et atoh nedo uja nigki, nika-
vaig, intas an tup naiheuc o un, mika et
ohpodohpod nedo has asega uja, um ika inta.
idivaig atimi iji ig akaija et atoh nedo ura an
nuhup o un, va nedo atoh u Kristo ache, eris
atijai imi caija ; inta lep leh akaija an nimiisjis
ninveijec uja ache.
*5*
34- Inhe n^a u Atua inta ilpu hal o un
akaija ?
Nika u Atua inta ilpu hal o un akaija, nika-
vaig, intas an tup naiheuc o un, mika eri esvi
caija pan irai ilpu hal u Atua, um ika ti asipiai
iji itai upene asega ura akaija.
35. Inhe nago upene caija u Atua ?
Nago upene caija u Atua nigki, nikavaig,
nauritai an tup naiheuc o un, mika ti eche
ehni akaija, et idivaig nalmui Atua ; inta lep
emda akaija um esjilid irai iji adiat nemesmas
vaig u nedo has, im numumoh vaig u nedo
upene.
36. Inhe nitai upene iji ig et ehrateuc ehele
nika u Atua et atoh nedo uja, im nika o un
inta ilpu hal o un akaija, im nago upene caija
o un, ka et ahes iran raigki an numumoh uja
inigki ?
Nitai upene iji ig et ehrateuc ehele nika u
Atua et atoh nedo uja, im nika o un inta ilpu
hal o un akaija, im nago upene caija o un,
ka et ahes iran raigki an numumoh uja inigki
ji igki, nikavaig, inta idim ato upene akaija
mika et aiyu inliinmopoi Atua vai caija ; et igpa
inliinmopja; inta imiacitak Nesgarau Upene
akaija ; et alupas nedo upene uja ; inta apol
aktit iran akaija um yetpan an mas uja.
37. Inhe nitai upene iji ig era lucsei ehele
Kristo a ilpu atimi asgeig iran an mas ura ?
Er ago upene asega nesgai ilpu atimi asgei
irai Kristo an mas ura ; era auroauro ara um
152
apan an namen upene ura ; ja et tup ethi
ache nohura ara pan irai Kris to, urn atumop
irai etheso ura, um yetpan an nusjai ura vai
inmas ura.
38. Inhe nitai upene iji ig erupu lucsei
ehele Kristo a ilpu atimi asgeig iran an nusjai
ura vai inmas ura ?
Uhu wit imianusjai nohui ilpu atimi asgeig
irai Kristo vai inmas ura an natimi alupas
ura, etpu ika a Kristo an nadiat almaijidjid,
an nuhup u atimi, et ato ra aien, era lep atimi
upene ara ; im lep inig, erupu ahesmoij asega
ara an nasipiai itai ura ehele Atua irai iji
mesese.
39. Inhe nedo inig et ika a Atua eri ago
natimi ?
Nedo inig et ika a Atua eri ago natimi
nigki, nikavaig, nimiaiji vaig intas o un er
ehvaig.
40. Inhe intas inig is upyi hup a Atua um
ehvaig ehele atimi par asjaaicnaig nedo ura ?
Intas inig is upyi hup a Atua um ehvaig
ehele atimi par asjaaicnaig nedo ura nigki,
nikavaig, intas alep o un va nedo upene ura.
41. Er ehvaig ipjidipjid intas alep u Atua
va nedo u atimi eda ?
Er ehvaig ipjidipjid intas alep u Atua va
nedo upene u atimi irai tas alep o un et ten.
42. Inhe nohuun tas alep et ten ?
Nohuun tas alep et ten nigki, nikavaig,
153
naiyu u inliinmopja vaig vai Ihova Atua uja
an liinmopja asega, im lep an nesgaija asega,
im lep an nemda asega uja, im lep an naktaktai
asega uja ; im lep naiyu u inliinmopja vaig va
atimi eblaamnem uja, et idivaig vai caija.
43. Inhe intas inig et uhup irai tas alep
et ten ?
Intas inig et uhup irai tas alep et ten nigki,
nikavaig, " Ek Ihova ainyak Atua unyum, kis
atipagki euc ainyak an pece Ijipt, an nuarin
iyehki as auauaheca iran aiek."
44. Inhe nitai inig er esege imi caija an
tas inig et uhup irai tas alep et ten ?
Nitai inig er esege imi caija an tas inig et
uhup irai tas alep et ten nigki, nikavaig, et
idim Ihova a Atua, um Atua uja, um atimi
imiatamaig caija, va nitai inig eris idim ika ti
imiaiji intas alep asega o un akaija.
45. Inhe intas alep u Atua first ?
Intas alep u Atua first nigki, nikavaig,
" Etmu jim eteuc tah intak atua imi euc an
nuhup unyak."
46. Er ika, an tas alep u Atua first, ti ago
inhe akaija ?
Er ika, an tas alep u Atua first, ti ato Atua
akaija, um aniv yin mika et Atua inveijec
aien ache, um Atua uja ; ti lep alaigaheni vai
yin akaija um imiahpas yin yi uce.
47. Er acaiji caija vanhe an tas alep u
Atua first ?
154
Er acaiji caija an tas alep u Atua first, vai
ti jim ateri Atua inveijec akaija, ka eti
alaigaheni vai yin, ka eti imiahpas yin et
idivaig nedo inig et tau irai Atua, um lep tau
irai Atua uja ; er lep acaiji caija vai ti jim
alupai intak atua nalaigaheni im nimiahpas
inig eris idim ika eri alupai Atua ache.
48. Inhe nesgantas an tas inigki (an
nuhup unyak) an tas alep u Atua first ?
Nesgantas an tas inigki (an nuhup tcnyaJS)
an tas alep u Atua first nigki, nikavaig, Atua
inig, et alum itai asega aien, et almuktit nedo
has inigki aien, nikavaig, neteuc vaig intak
atua imin tah, et lep alupas nedemda o un vaig.
49. Inhe intas alep u Atua sekunt ?
Intas alep u Atua sekunt nigki, nikavaig,
" Namu jim ago tah natmasimai imi euc aiek,.
ka tah nalmui tah nitai jipagko an nohatag,
ka sepamki an nobohtan, ka an jap ithan
nobohtan ; namu jim atpuse an nuhup ura
aiek, um aheca ura ; ek Ihova ainyak Atua
unyum, et idivaig nedemda u natimi oporei
nedemda unyak ; ekpu aru nedo has u ilpu
atmil ura ainyak irai ilpu hal ura um yetpan
irai ilpu mapora, el era ilpu atimi amcel vai
nyak ara ; ja ekpu aiheuc va atimi iji ig im ilpu
mapora yi itu ira ra ainyak et aiyu inliinmo-
pora ara vai nyak, um imiaiji intas alep
unyak."
50. Er ika, an tas alep u Atua sekunt,.
ti ago inhe akaija ?
i55
Er ika, an tas alep u Atua sekunt, ti
lucsei nalaigaheni asega inigakaija, im nitai iji
igki asega eris ikni, urn ago, urn aminjinaig
upene, um apos ehni, et idivaig is tas alep
vaig a Atua an tas itap o un.
51. Er acaiji caija vanhe an tas alep u
Atua sekunt ?
Er acaiji caija, an tas alep u Atua sekunt,
vai ti jim alaigaheni vai Atua ira atmasimai,
ka an tah nedo et eche eris eti asaig eheleija
an tas itap o un.
52. Inhe intas asuptecnaig iji ig er asaig
pan an tas alep u Atua sekunt ?
Intas asuptecnaig iji ig er asaig pan an
tas alep u Atua sekunt ji igki, nikavaig, et
atimarid uja a Atua ; et ohuun caija aien ; et
lep aktaktai alupas nalaigaheni o un aien.
53. Inhe intas alep u Atua dirt ?
Intas alep u Atua dirt nigki, nikavaig,
" Namu jim tup asaig nidai Ihova Atua un-
yum aiek ; etpu idim aru nedo has o un a
Ihova et tup asaig nidan aien."
54. Er ika, an tas alep u Atua dirt, ti ago
inhe akaija ?
Er ika, an tas alep u Atua dirt, ti imiimtac-
imtac akaija um tas upene vai niji idai Atua,
im lep vai niji tas ecen vai yin, im lep vai niji
tas asuptecnaig yin, im lep vai niji alaigaheni
vai yin, im lep vai intas itap o un, im lep vai
niji auritai o un.
156
55- Er acaiji caija vanhe, an tas alep u
Atua dirt ?
Er acaiji caija, an tas alep u Atua dirt, vai
ti jim auahas tah nitai inig akaija et asuptec-
naig yin vaig a Atua, ka asan tas itap vaig.
56. Inhe intas asuptecnaig inig er asaig
pan an tas alep u Atua dirt ?
Intas asuptecnaig inig er asaig pan an tas
alep u Atua dirt nigki, nikavaig, kit eri eti
aru natimi irai ilpu atimi imipalea intas alep
inigki, jai inyi idim ago nedo atoh a Ihova
Atua uja, um aru ira ra.
57. Inhe intas alep u Atua ford ?
Intas alep u Atua ford nigki, nikavaig,
" Namu imiehva nadiat atumop aiek, par apos
upene. Namu ago nauritai asega unyum aiek
ira adiat et siks ; ja et adiat atumop u Ihova
Atua unyum nadiat sevend : namu jim ago
tah nauritai iran aiek, im inhalav atamaig
unyum, im inhalav atahig unyum, im naheca
atamaig unyum, im naheca atahig unyum, im
niji itai eklim edo irai pece unyum, im natimi
an taka uarin et amen anliin nokoro unyum
aien : is idim ago nohatag a Ihova, im no-
bohtan, im injap, im niji itai asega amen iran,
ira adiat is siks, um atumop an nadiat sevend :
va nitai inigki is acis ip alwai nadiat atumop
a Ihova, um ika yi itap."
58. Er ika, an tas alep u Atua ford, ti ago
inhe akaija ?
Er ika, an tas alep u Atua ford, ti apos
i57
upene akaija vai Atua nopan inig eris ati,
is ati aien an tas itap o un, nikavaig, nadiat
asega et ethi irai iji adiat seven, mika yi adiat
atumop urn itap vai yin.
59. Neve nadiat inig ira adiat seven is ati
a Atua, mika yi adiat atumop irai iji wiik ?
Is ati nadiat sevend irai iji wiik a Atua
mika yi adiat atumop irai iji wiik, ahes an
natupun u nobohtan urn yetpan an nusjai u
Kristo vai inmas o un, jai nadiat first irai wiik,
ahes an nusjai u Kristo um yetpan an nehni
u nopan, par amen nadiat atumop vai ilpu
Kristian nigki.
60. Er ika eri evapos upene nadiat
atumop ?
Er ika eri apos upene nadiat atumop an
nedo inigki, nikavaig, ti atumop upene akaija
an nadiat asega inigki, um jim ago nauritai iji
ig, um jim ahilek nitai merit iji ig, et eti itap
irai iji adiat et eche ; jam ecen an nauritai u
Atua an nadiat asega irai alaigaheni an nasjap-
icnaig im nalaigaheni adenaig : nuari nadiat
iji igki ache er ago nedo aiheuc iran, im nauri-
tai iji igki et ehka nudei vaig.
61. Er acaiji caija vanhe, an tas alep u
Atua ford ?
Er acaiji caija an tas alep u Atua ford, vai
ti jim udei nauritai iji igki akaija eris idim ika
ti ago iran akaija, ka tup ago iran, ka auahas
nadiat inig vai intup amen uja, ka ago nedo
inig et idim has, ka vai naktaktai uja, ka
158
intas uja, ka nedo uja er eti asaig, vai niji
auritai uja, ka va niji itai merit uja, irai iji itai
an nobohtan.
62. Inhe intas asuptecnaig iji ig er asaig
pan an tas alep u Atua ford ?
Intas asuptecnaig iji ig er asaig pan an tas
alep u Atua ford ji igki, nikavaig, et mun ikni
adiat et siks irai iji wiik a Atua vai caija va
niji auritai uja ; et lep ika aien et o un ache
nadiat sevend ; is um atumop iran aien, urn
acis yi alwai nadiat atumop.
63. Inhe intas alep u Atua fifd?
Intas alep u Atua fifd nigki, nikavaig,
41 Namu aeo nedo ecen vai etmam im risum
aiek ; va etpu ahinag niji adiat iram an pece
inig et alupai euc a Ihova Atua unyum."
64. Er ika, an tas alep u Atua fifd, ti ago
inhe akaija ?
Er ika, an tas alep u Atua fifd, ti aminji-
naig nedo ecen inig akaija, um ago nedo
upene inig eris idim ika ti ago akaija va
atimi asega, irai iji amen ura im niji eteuc
ura, kit era esjilid iraija ara, ka era upoupo
iraija ara, ka era apapa iraija ara.
65. Er acaiji caija vanhe, an tas alep u
Atua fifd ?
Er acaiji caija, an tas alep u Atua fifd, vai
ti jim udei akaija, kaago tah nitai par atapnes
nedo ecen inig, im nedo upene inig eris idim
ika ti ago akaija va atimi asega, irai iji amen
ura im niji eteuc ura.
159
66. Inhe intas asuptecnaig inig er asaig
pan an tas alep u Atua fifd ?
Intas asuptecnaig inig er asaig pan an tas
alep u Atua fifd nigki, nikavaig, eris asaig
aktit ehele atimi asega iji ig, era imiaiji intas
alep inigki ara, mika eri umumoh ara um itu
ira ra, um amen upene, et wat upene va
natimi alupas u Atua im nitai imiatamai ra.
67. Inhe intas alep u Atua siksd ?
Intas alep u Atua siksd nigki, nikavaig,
" Namu jim atgei atmas aiek."
68. Er ika, an tas alep u Atua siksd, ti ago
inhe akaija ?
Er ika, an tas alep u Atua siksd, ti ago nedo
atoh asega akaija par imiatamaig nitai umoh
iran uja, im lep nitai umoh iran ui tak atimi.
69. Er acaiji caija vanhe, an tas alep u Atua
siksd ?
Er acaiji caija, an tas alep u Atua siksd, vai
ti jim auahas nitai umoh iran uja akaija, ka
nitai umoh iran u natimi eblaamnem uja, el et
eti atoh, ka ago tah nitai inig et tau iran nedo
inigki.
70. Inhe intas alep u Atua sevend ?
Intas alep u Atua sevend nigki, nikavaig,
" Namu jim ago ingeijid aiek."
71. Er ika, an tas alep u Atua sevend, ti
ago inhe akaija ?
Er ika, an tas alep u Atua sevend, ti imi-
atamaig namen upene uja akaija, im lep u
i6o
natimi eblaamnem uja, an naktaktai uja, im
intas uja, im nedo uja.
72. Er acaiji caija vanhe, an tas alep u
Atua sevend ?
Er acaiji caija, an tas alep u Atua sevend,
vai naktaktai has asega, im intas has asega,
im nedo has asega.
73. Inhe intas alep u Atua eetd ?
Intas alep u Atua eetd nigki, nikavaig,
" Namu jim ehneg itai aiek."
74. Er ika, an tas alep u Atua eetd, ti ago
inhe akaija ?
Er ika, an tas alep u Atua eetd, ti ago nedo
atoh akaija mika yi eteuc um alupas inpadiaig
uja im niji itai uja an nobohtan, im lep ui tak
atimi.
75. Er acaiji caija vanhe, an tas alep u Atua
eetd?
Er acaiji caija, an tas alep u Atua eetd, vai
ti jim ago tah nitai inig akaija et eti atoh, par
atapnes inpadiaig uja, im niji itai uja an
nobohtan, ka ui tak atimi.
76. Inhe intas alep u Atua naind ?
Intas alep u Atua naind nigki, nikavaig,
" Namu jim asan tas ahcil aiek an nasuptecnaig
nedo o natimi eblaamnem unyum aiek."
j 7. Er ika, an tas alep u Atua naind, ti ago
inhe akaija ?
Er ika, an tas alep u Atua naind, ti asan tas
i6i
inveijec jipe akaija, urn aminjinaig jipe mika
eri asan tas upene vai caija im lep va natimi
eblaamnem uja, jam esjilid an nasuptecnaig
uja nedo o un tan.
78. Er acaiji caija vanhe, an tas alep u
Atua naind ?
Er acaiji caija, an tas alep u Atua naind, va
nedo asega inig et atapnes intas inveijec, ka et
auoh takitai nasan tas upene vaig vai caija, ka
vai natimi eblaamnem uja.
79. Inhe intas alep u Atua tend ?
Intas alep u Atua tend nigki, nikavaig,
11 Etmu jim has iram aiek neom u natimi
eblaamnem unyum ; etmu jim has iram aiek
ehgai natimi eblaamnem unyum, ka naheca
atamaig o un, ka naheca atahig o un, ka kuri-
matau o un, ka togke o un, ka tah nitai u
natimi eblaamnem unyum."
80. Er ika, an tas alep u Atua tend, ti ago
inhe akaija ?
Er ika, an tas alep u Atua tend, yi upene
asega inliinmopja akaija va namen uja, um lep
yi atoh um upene naktaktai uja, va natimi
eblaamnem uja im niji itai asega o un.
81. Er acaiji caija vanhe, an tas alep u Atua
tend ?
Er acaiji caija, an tas alep u Atua tend, vai
naktaktai has asega va namen uja, im lep
nauatitai im intaigtaig va namen upene u
natimi eblaamnem uja, im naktaktai alupas im
inmerit alupas asega vaig tah nitai o un.
M
l62
82. Et emda tah natimi par imiaiji asega
niji tas alep u Atua, ka o'o ?
Et eti emda tah, el et atimi ache aien, an
numoh inigki o un, ahes an nedo has uhup u
Atam um uhum pam, par imiaiji asega niji tas
alep u Atua, ja et imipalea aien irai iji adiat,
an naktaktai o un, im intas o un, im nedo
o un.
83. Et tup apapa nedo imipalea asega niji
tas alep u Atua, ka o'o ?
Et esjilid, an nuhup u Atua, hal edo has
irai hal edo has, an tup nedo iran, im lep vai
hal itai et esjilid nedo has vaig.
84. Neve nimtan inig ettau irai iji edo has
asega ?
Et tau irai iji edo has asega nedemda u
Atua im intas ahlaijaig o un, an nopan inig
um yetpan irai iji mesese.
85. Et ika a Atua ti ago inhe akaija, vai
etpu eti yetpam iraija nedemda im intas ah-
laijaig o un, nimtan nedo has uja ?
Et ika a Atua ti ago nedo inigki akaija, vai
etpu eti yetpam iraija nedemda im intas ah-
laijaig o un, nimtan niji edo has uja, nikavaig,
ti imiisjis ninveijecvai Iesu Kristo akaija, um
adumoij an liinmopja va nitai umoh iran, um
idumdumoij pan u niji itai asega er ecetai iji
ig eris ikni, et ahtai imi caija vaig a Kristo
nitai upene iji ig is auanimtan vai caija aien.
86. Inhe nimiisjis ninveijec vai Iesu
Kristo ?
163
Nimiisjis ninveijec vai Iesu Kristo nigki,
nikavaig, nitai tup ahtai u Atua er imiatamaig
caija vaig; inta idim leh Kristo vaig akaija,
urn asgeig iran ache, mika yi imiatamaig caija
aien, et idivaig er ahtai yin imi caija an tas
upene.
87. Inhe nadumoij an liinmopja erumumoh
vaig ?
^ Nadumoij an liinmopja er umumoh vaig
nigki, nikavaig, nitai tup ahtai u Atua er
imiatamaig caija vaig: inta idim aktaktai
upene nedo has uja vaig akaija, um apol an
nedo aiheuc u Atua vai Kristo, um lep taig-
taig vai nedo has uja, um edemda vaig, um
adumoij vaig ehele Atua, um ika ti emda akaija
um eche nedo uja, um atahaijeg intas o un.
88. Inhe niji itai er ecetai iji ig, et ahtai
imi caija vaig a Kristo nitai upene iji ig is
auanimtan vai caija aien ?
Niji itai er ecetai iji ig, et ahtai imi caija
vaig irai iji opan a Kristo nitai upene iji ig
is auanimtan vai caija aien ji igki, nikavaig^
nitai iji igki o un eris ikni, jai et esjilid intas
itap o un, im nasakrament et ero, im nalaiga-
heni ; eris ika yi emda aktit nitai iji igki asega
ehele atimi iji ig eris ehtai ra va uhpu imiata-
mai ra.
89. Et evemda aktit intas itap u Atua va
uhpu imiatamaig caija ?
Et ika a Nesgai Atua yi itai emda aktit
nesvi vaig intas itap u Atua, jam esjilid nasup-
1 64
tecnaig vaig iran, par ahugni caija mika ti
aktaktai upene nedo has uja, um adumoij iran ;
um Iep ahidaig emda inliinmopja an nedo
upene im nedo eropse, va uhpu imiatamaig
caija, an nimiisjis ninveijec uja.
90. Intupu evesvi intas itap akaija um
atahaijeg, mika yi emda aktit va uhpu imiata-
maig caija ?
Ele ta merit akaija mika yi emda aktit intas
itap va uhpu imiatamaig caija, eris idim ika ti
emda akaija um ecen an tas itap, um uhup um
aktaktai, um alaigaheni vaig : intumu lep leh
akaija an nimiisjis ninveijec uja, im naiyu u
inliinmopja, intumu lep ati se an liinmopja
akaija, um ago nedo iran, um eti atumop.
91. Et evemda aktit nasakrament, va uhpu
imiatamaig caija ?
Et itai emda aktit nasakrament, va uhpu
imiatamaig caija, jam eti va nemda iran, um
eti va nemda u natimi inig et ahtai ; ja vai
intas acis yi alwai u Kristo ache, im nauritai
u Nesgan upene ira atimi iji ig era leh ara an
nimiisjis ninveijec ura.
92. Inhe nasakrament ?
Et itai itap er ecetai naskrament, is ati a
Kristo, nikavaig, er eh vaig Kristo iran, im
niji itai upene an tas etipup mat ehele ilpu
atimi asgeig iran, um asjaaicnaig ehele ra
vaig, um ikni aktit ehele ra.
93. Inhe nasakrament an tas etipup mat ?
'65
Nasakrament an tas etipup mat raigki,
nikavaig, Nabaptiso, im Inhag itap u Nati-
marid.
94. Inhe Nabaptiso ?
Et asakrament a Nabaptiso, nikavaig, er
yiri caija iran an wai, an nidai Etman, im
Inhal o un, im Nesgarau Upene, par asuptec-
naig um asjaaicnaig intup ethi ache uja pan
irai Kristo, im nasipiai itai upene an tas
etipup an naiheuc u Atua uja, im intas aktit
uja mika yi ohuun caija a Natimarid.
95. Eri leh nabaptiso a di ?
Eri eti leh nabaptiso tah ra era eti nup an
nakalasia er ecetai ara ; eri upyi hup ara um
asuptecnaig nasgeig irai Kristo ura, im
nimiaiji intas o un ura, ja erupu leh nabaptiso
ara; jai er abaptiso irai ilpu halav haklin
u nup an nakalasia er ecetai.
96. Inhe Inhag itap u Natimarid ?
Et asakrament a Inhag itap u Natimarid,
nikavaig, er ehvaig inmas u Kristo an nahaig
vaig im inleh vaig nareto im nide vaine, et
idivaig nasaig o un ; im lep inig, natimi iji ig
era leh upene ara era asipiaig nohun ara, im
inja iran, im niji itai upene asega o un ; jam
eti irai ohura im inja ira ra, ja an nimiisjis
ninveijec ura, et lep emda inliinmopora vaig
par ago nedo upene.
97. Er ika eri ago inhe natimi iji ig eri
leh upene Inhag itap u Natimarid ?
i66
Er ika va atimi lji ig eri leh upene inhag
itap u Natimarid, eri ahilek inliinmopora ara
an nato itai ura par ecetai nohui Natimarid,
im nimiisjis ninveijec ura par caig iran, im
nadumoij an liinmopora, im naiyu u inliinmo-
pora, im nedo upene mat ura ; va eri jim
ham ara jam eti upene, um hag um umwig
neruvaig nedo has ura.
98. Inhe nalaigaheni ?
Nalaigaheni nigki, nikavaig, par imi-
aridjai niji itai merit uja ehele Atua, va nitai
iji ig et upene vai yin nahtai vaig, an nidai
Kristo, um asuptecnaig nedo has uja, um ago
naaurinig va nedo aiheuc o un vai caija.
99. Inhe nitai asjaaicnaig et mun alupai
caija a Atua par asuptecnaig eheleija nedo
an nalaigaheni uja ?
Et upene intas itap u Atua asega par
asuptecnaig eheleija nedo an nalaigaheni uja,
ja et asuptecnaig esjilid intas alaigaheni
iyehki is asege imi ilpu atimi atahaijeg yin
a Kristo, er anvi nidan par ika Nalaigaheni
u Natimarid.
100. Er asanhe imi caija an tas inig et
uhup an nalaigaheni u Natimarid ?
Intas inig et uhup an nalaigaheni u Nati-
marid nigki, nikavaig ("Ak Etmama an
nohatag"), er asaig imi caija par apan ubut-
potet ehele Atua an nedo ecen upene im
nimiisjis ninveijec, et idivaig ilpu hal o un
ehele etmara inig, et emda aien, um eti
i6y
esjum, par atau iraija ; im lep inig, er ika ti
alaigaheni ehele tak atimi akaija, im lep vai ra.
101. Inta alaigaheni vanhe akaija an tas
ugyi first ?
Intas ugyi first nigki, nikavaig (" Etmu
itap nidam "), inta alaigaheni iran akaija, mika
yi ago emda caija a Atua, im lep atimi et eche,
par ehvaig natimi alupas o un irai iji itai
asega iji ig et ika aien eri ato yin vaig ; urn
lep mika yi ago jipe niji itai asega par ehvaig
natimi alupas o un.
1 02. Inta alaigaheni vanhe akaija an tas
ugyi sekunt ?
Intas ugyi sekunt nigki, nikavaig (" Etmu
yetpam nelcau unyum "), inta alaigaheni iran
akaija, mika uhpu auahas nelcau u Satana,
um imiaridjai nelcau an naiheuc u Atua, um
imiapan caija iran im lep atimi et eche, um
aminjinaig caija iran, um lep mikayi auroauro
um yetpam nelcau an natimi alupas o un.
103. Inta alaigaheni vanhe akaija an tas
ugyi dirt ?
Intas ugyi dirt nigki, nikavaig (" Uhmu
imiaiji intas unyum an nobohtan, et idivaig
an nohatag"), inta alaigaheni iran akaija,
mika yi ika a Atua, an naiheuc o un, ti emda
akaija um merit, par ato intas o un irai iji itai
asega, um imiaiji, um ika et idim upene, et
idivaig nedo o ilpu agelo an nohatag.
104. Inta alaigaheni vanhe akaija an tas
ugyi ford ?
i68
Intas ugyi ford nigki, nikavaig ("Alaama
aiek nitai caig incama an nadiat inigki "), inta
alaigaheni iran akaija, mika yi tup ahtai imi
caija a Atua nuarin inig irai iji itai an noboh-
tan et upene vai caija inleh vaig, urn asan tas
acis yi alwai vaig.
105. Inta alaigaheni vanhe akaija an tas
ugyi fifd ?
Intas ugyi fifd nigki, nikavaig (" Um jim
aru tah nedo has unyima aiek, et idivaig ecra
eti aru tah nedo has u atimi vai cama
aijama"), inta alaigaheni iran akaija, mika
yi tup ispun ohpodohpod nedo has asega uja
a Atua vai Kristo ; inta lep eti imtitaig akaija
par ugyi yin, vaig inig nikavaig, et ahes an
liinmopja inig et emda va naiheuc o un, par
ohpodohpod nedo has ui tak atimi vai caija.
106. Inta alaigaheni vanhe akaija an tas
ugyi siksd ?
Intas ugyi siksd nigki, nikavaig (" Um jim
atau irama an nedo oop aiek, jam imiatamaig
cama va niji itai has"), inta alaigaheni iran
akaija, mika yi atapnes nedo oop vai caija a
Atua par ago nedo has, ka yi atau iraija um
imiatamaig caija eh wat oop caija.
107. Er esege imi caija inhe an tas inig et
apitac an nalaigaheni u Natimarid ?
Intas inig et apitac an nalaigaheni u Nati-
marid nigki, nikavaig (" Et idim unyum aiek
nelcau, im nemda, im natimi alupas, irai iji
mesese. Emen"), er esege imi caija an tas
169
inig par asgeig irai Atua ache an nalaigaheni
uja, um imiahpas yin irai tas ugyi yin uja, urn
ika et o un nelcau, im nemda, im natimi
alupas. Im lep inig, par asuptecnaig nitai
inigki, nikavaig, inta merit akaija, um ato
upene, mika eri atahaijeg intas alaigaheni uja ;
inta lep ika akaija, Emen.
NALAIGAHENI U NATIMARID
UJA.
Ak Etmama an nohatag. Etmu itap nidam.
Etmu yetpam nelcau unyum. Uhmu imiaiji
intas unyum an nobohtan, et idivaig an no-
hatag, Alaama aiek nitai caig incama an
nadiat inig. Um jim am tah nedo has un-
yima aiek, et idivaig ecra eti aru tah nedo has
u atimi vai cama aijama. Um jim atau irama
an nedo oop aiek, jam imiatamaig cama va
niji itai has. Et idim unyum aiek nelcau, im
nemda, im natimi alupas, irai iji mesese.
Emen.
INTAS ER IMIISJIS NINVEIJEC.
Ek imiisjis ninveijec ainyak vai Atua
Etman emda acen, is ago nohatag im noboh-
tan aien : im lep vai Iesu Kristo, Inhal o un
et ethi ache aien, Natimarid uja ; is apos yin
a natahig iyehki Mere, an nemda u Nesgan
170
Upene ; is lucsei nohocred o un aien irai
Ponjus Pallet ; eris atgei yin an nauincai
atgeig ; is mas aien ; eris atelmoi yin ; is
asuol uma atmas aien, (nikivaig, is amen aien
ehele ilpu atimi emesmas, is lep esjilid iran
inmas, urn yetpan an nadiat dirt) ; is lep nusjai
aien vai inmas o un an nadiat dirt ; is aridjai
aien an nohatag ; et ateuc aien an matai Atua
Etman emda acen ; etpu ahes eahki aien urn
apam, mika yi almaijidjid ilpu atimi umumoh
im ilpu atimi emesmas. Ek imiisjis ninveijec
ainyak vai Nesgarau Upene ; im nakalasia
upene irai iji pece ; im intup ethi ache u ilpu
atimi upene ; im nohpodohpod vaig nedo has
uja ; im nusjai u nohuja vai inmas uja ; im nitai
umoh iran inig inyi eti lep ti. Emen.
4
et.
c
( <x
< ■-<
c cc
<r
c CC
r<L
<
r<-
<r <
<T
C
«^ cC
4
r oc
CC
r <ar
CC
c?
«:
«X
<3C
<r
CC
CT-
CC
OL
CCL
^j^
cc
^r~c
-c<C
<Cj
£ c:<
«3
?F
«TC
3c •
cc
^ <r<rrr"( c
<r c <c <:c c c
^ career c <
Si C(( cc c <
=, cccc c c
<rccr c c *
ccc cc:
c^cc:
CCC<f C c?
<rxr<r<r c cs
<3TC<3L c c.
<
c
Live Music Archive
Librivox Free Audio
Metropolitan Museum
Cleveland Museum of Art
Internet Arcade
Console Living Room
Books to Borrow
Open Library
TV News
Understanding 9/11