Poxonae aena
tamropatsiya exana
Genesis
Meje poxonae aena tamropatapitaba xua daxita forota
11 Poxonae aena tamropatapitaba xua daxita exana, Nacom
peitabocon foroba, yawano Nacom ponacuel forota. 2Ba-
rapo nacue icha coyene jopa xeinaeyo. Daxita be pin mene mar
pentatheibun bichocono matatsun ducua xua quirei. Nacom
pia Pejumope tunaxu tatsi matatsun ducuanaebiya mene.
SNexata Nacom namchi: "Barabu penthande", jei. Daxota
beya pentha. 4Poxonae Nacom tane xua pentha, Nacom nan-
tanaxeina xua pentha bara wunae. Nexata tsanaya exana xua
quirei. 5 Xua pentha Nacom wun duta: "Apara matacabi", jei.
Yawa xua quirei Nacom wun duta: "Apara merawi", jei. Poxo-
nae Nacom nacobeweta barapo coyenein, barapo matacabi
Nacom wun duta: "Uno", jei.
6Bapoxonae equecha Nacom namchi: "Barabu pebishato
naexande xua mera nantiya tsanaya nawepu pemene-ecaene-
xabe xua icha mera atha werucueica xuano xua icha mera ira
werucuiya barapo pebishatotha" Jei. Daxota daxita bara baxua
duba. 7 Nacom tsabiya forotsiya exana xua pin mar mene
nawepu tsata epacaxinabe. Icha epato mene ira berucuareca.
Icha epato athabe ducuiya. spotusato ichaxota icha epato
mene athabe ducuiya, barapo tusato Nacom wun duta: "Apara
peitaboco", jei. Poxonae Nacom nacobeweta barapo coyenein,
barapo matacabi Nacom wun duta: "Dos", jei.
9 Equecha Nacom namchi: "Pomene peitaboco itabara be-
rucuareca barabu mene imoxoyo namene xatanecare xua irano
penaexanaenexa", jei. Daxota daxita bara baxuan duba. 10 Xua
ichaxota jopa mene ecaeyo baxua Nacom wun duta: "Apara
ira", jei. Yawano mene wun duta xua pomene namene xatane-
Genesis 1 2
ca, barapo mene Nacom wun duta: "Apara pepa mene", jei.
Poxonae Nacom tane baxua xua bara baxua wtinae, Nacom
jeye: ll"Barabii iratha daxita pexuwiwan naforore. Barabu
xuware daxita pepaboton xua pocotsiwa pexu nacoita, yawa
naenno xua pocotsiwa pethei nacoita", jei Nacom. Daxota
daxita baxuan exana. 12 Ira forota daxita pexuwiwan. Yawa
xuwa pepaboton xua nacoitena pexu, yawa unbowan, naenno
xua xuan nacoita pethei. Bapoxonae Nacom tane xua bara
baraxuan wunae. i3Poxonae Nacom nacobeweta barapo coye-
nein, barapo matacabi Nacom wun duta: "Tres", jei.
14-15 Equecha Nacom namchi: "Barabu xeinare xua peyo-
noyonei-churubenaewan peitabocotha; xua pentha peexanei-
caenexa ira betsica; xua jomocochato merawi nexa, iru xua
xometo poto atsa matacabi nexa; yawa xua penaitapeiia-xei-
naenexa matacabin, yawa wei, yawa xua awubo, yawa xua
pexena matacabin xua peaiiacui matacabin", jei. Daxota daxita
baraxuan bara exana.
16 Nacom xometo aiiatobe exana poto peitiyotsinexa nacua.
Poto pinto, barapoto poto pentha exana mataqueitha. Poto
tsiquitoyo tsecae, barapoto poto pentha exana merawi. Bara
yawa exana opitei. 17-18 Nacom duba peitabocotha xua peyo-
noyoneiwan xua pentha peexaneicaenexa tsane ira, matacabi-
tha yawa merawitha. Nacom tsana exana xua peitaquireiwa
yawa xua pentha. Nacom tane xua bara baraxuan wunae.
19 Poxonae Nacom nacobeweta barapo coyenein, barapo ma-
tacabi Nacom wun duta: "Cuatro", jei.
20 Equecha Nacom namchi: "Barabu jinompare daxita mene-
piwan. Yawano barabu jinompare pepupunaewan poxi ira ma-
tatsun pupunadubenanaebiya", jei. Daxota daxita baraxuan
exana. 21 Nacom daxita menepiwan exana xua xuan jinompa
pin mar mentha xua xuan bichocono piiion. Matautano exanano
pocotsiwan xua irapocotsi meneintha jinompa. Matautano exa-
nano daxita peyapupunaewi. Nacom daxita baxuan tane xua
bara wunae. 22 Bapoxonae Nacom weyataeya yabara paeba
daxita duwei xua exana. Barapo duweimonaetha jeye: "Barabu
panaita-pexuitaponde meneintha xua daxita mar meneintha
wunca naexande. Yawano barabu peyapupunaewi nawire bara-
po cae pin nacuathe", jei. 23Poxonae Nacom nacobeweta bara-
po coyenein, barapo matacabi Nacom wun duta: "Cinco", jei.
3 Genesis 1
24Equecha Nacom namchi: "Barabu barapo irathe naexan-
de daxitan duwei, camatsawanno, yawano xua poxi jiwi itaco-
xone exana, yawano barabu naexande daxita unupiwi xua
xuan ayei, yawano barabu naexande poxi xua iratha petompa-
cuetontha pebobenaponaewi", jei. Daxota daxita baraxuan
bara exana. 25 Nacom daxita baraxuan foroba. Bapoxonae
Nacom tane xua daxita baraxuan bara wunae.
26Equecha Nacom namchi: "Nama anoxuae jiton exa-
naenchi xua pebin. Bapon naca cui coyene jupaena. Bapon
canamataxeinaena duwei, camatsawanno, poxi xua menepiwi,
peyapupunaewino, yawano xua poxi jiwi itacoxone exana,
yawa unupiwi xua xuan ayei, yawa poxi xua iratha petompa-
cuetontha pebobenaponaewi", jei.
27 Poxonae Nacom exana pebin,
be Nacom cui coyene jupatsi.
Nacom exana pebin, petsiriwano.
28 Yawa Nacom weyataeya yabara paeba
ponbetha xua peforotsixae.
Nacom namchi:
"Barabu pexui paxexeinaponde.
Pinmonae panaexanaponde.
Pentacaponaewi panaexanapondeno
barapo irathe.
Yawa duwei menepiwi pacanamataxeinapondeno.
Genesis 1, 2 4
peyapupunaewino,
yawano daxita poxi iratha
petompacuetontha pebobenaponaewi", jei.
29Bapoxonae Nacom namchi: "Incane pataema. Paca catsi-
batsi daxita pepaboton xua nacoita pexu, yawano daxita unbo-
ton, naenno xua xuan nacoita pethei. Daxita baxuan paiia
nenabaneibiwa tsane. 30 Ichitha daxita bapoxi, poxi unupixi xua
xuan ayei yawano poxi iratha petompacuetontha pebobenapo-
naewi yawano peyapupunaewi, daxita bapoxi xua xuan xuwa
tsijain exanan xua pexaenexa", jei Nacom. Daxota daxita bara-
xuan bara exana. 31 Bapoxonae Nacom tane xua daxita pocotsi-
wan bapon exana bara wunae. Poxonae Nacom nacobeweta
barapo coyene, barapo matacabi Nacom wun duta: "Seis", jei.
2iPeitabocon yawa ira yawa xuano daxita xua bayatha
Nacom foroba daxita baxuan naopicopatsiya weta. 2 Na-
com daxita weta xua exana daxitan. Daxota poxonae matacabi
jopa, pomatacabi Nacom wun duta: "Siete", jei, barapo mata-
cabitha Nacom opiducuaeya copataba yawa eca. 3 Bapoxonae
Nacom weyataeya yabara paeba barapo matacabi. Nacom
barapo matacabi wun duta: "Apara pentaquei-seicae matacabi,
pomatacabi pepa pexeiia tantacabi", jei. Barapo mataqueitha
Nacom eca pewetsixae xua pocotsiwa foroba.
Meje poxonae pebin pabitha pona Eden nacuatha
4-5 Barapo diwesi podiwesi xua poxonae Nacom forota pei-
taboco yawa xua poxonae ira. Poxonae Nacom pon pecanama-
ta-xeinaenxae exana peitaboco yawa irano, caena bayatha
cataunxuae naen aibi, yawa naepanaewan aibi. Baxuan aibi
tsipei cataunxuae Nacom pon pecanamata-xeinaenxae jopa
exanaeyo ema xua ira nexa. Yawano jopa exanaeyo jiton xua
penacuichiwa tsane xua peubiwa tsane. 6Dachitha ira susuna
exana pomeraxi ira wetsina pichapa xua petsuxu.
^Nexata Nacom pon pecanamata-xeinaenxae exana pebin
xua tsorobo weya. Nacom ponxo ofutaba pebin xua peasuwa
cana exana. Daxota pebin asu popona, pon Adan. [Hebreo
jumetha pojume: "Adan", jei tsiwiyo jume jupa pojume: "Ada-
ma", jei xua: "Tsorobo", jei.]
8 Bapoxonae Nacom pon pecanamata-xeinaenxae exana xua
pexeiia pabi xua boca Eden iratha, poira eca pocotsiwa xua
5 Genesis 2
ichaxota xometo wecoina. Barapo pabitha Nacom pebin cuara-
nota, popebin Nacom exana. 9Baxota daxita carepaya Nacom
naen xuwa exana, ponaen pexena naen, ponaen pethei nacoita
xua penabanaewa tsane. Pabi muxtibura beya icha nae Nacom
exana xua barapo nae xeina pethei, popethei xua jiwi antabuya-
pusu exanatsi, popeantabuyapusuwa ataya tsiteca xua icha xane
barapo pethei. Yawa Nacom exana icha naeno, ponae jiwi
yaputane exanchi xua pocoyene icha wunae, yawano pocoyene
icha jopa wunaeyo xua poxonae icha xane barapo pethei.
10 Eden ira dena mene naexanadena xua daxita pabi atatsi-
ca exanadena. Bapoxonae icha muxunene beya xua poxonae
Eden ira wemene paneparena cuatro pomenebe naexana.
11 Barapo cuatro pomenebe cae mene pewun Pison. Barapo
mene taju ana menein epaton exana xua mene jejeyowapona
xua daxita Havila nacuatha ichaxota oronain matawun bobena
iratha xua xuan daedaena xua pexeiiawan nawita. 12 Barapo
oronain matawun bichocono aiia matoma. Barichi baxota xei-
na xua pexeiianain xua naenain xua ana matoman. Barichi
baxota xeina xua pexena iboton, poiboton onice ibo matawun.
13 Icha mene pewun Guijon xua barapo mene matawacacha
eecapona Cus nacuatha. 14 Icha mene pewun Tigris xua barapo
mene daxita matawacacha eecapona Asiria nacuatha ichaxota
pocotsiwa xometo wecoina. Yawano icha meneno pewun Eu-
f rates.
15 Nacom, pon pecanamata-xeinaenxae, cuaranota pebin
pabitha, popabi Eden nacuatha eca, xua bapon peubinexa yawa
xua bapon peyapu-capoponaenexa. 16 Nacom barai bapontha:
"Bara caitacupa xua pethei nexaewa xua xuwa barapo pabitha
xua daxitan. i^Saya mesha jopa thei xaende ponae jiwi yapu-
tane exanchi xua pocoyene icha wunae, xuano xua icha jopa
wunaeyo icha xane barapo pethei. Barapocotsi nae jopa thei
xaende. Icha thei xaename barapo nae, bara tupaename".
Meje poxonae Nacom petsiriwa taexana pebin
18 Nacom, pon pecanamata-xeinaenxae, nexata nantanaxei-
na, jeye: "Baxua jopa wunaeyo xua pebin compa pepoponae-
wa. Methaunxuae ichun exanaen xua bapon peyantsinexatsi
yawa peyawenaenexatsi", jei. 19 Nacom, pon pecanamata-xei-
naenxae, tsorobon exana daxita duwei xua unupiwi yawa
Genesis 2, 3 6
peyapupunaewi. Nexata daxita bapoxi Nacom capona pebintha
yawa xua pebin pentawnn-dubinexa daxita barapoxi. Daxota
daxita barapoxi tsitecaeya wnn dubena. 20Pebin daxita ira-
xuan wtin duba xua poxi jiwi itacoxone exana yawa daxita
pepupunaewan, yawano daxita unupiwi. Ichitha barapo duwei
jiwana barapo pebin jopa xeinaeyo xua pon peyantsiwatsi, pon
peyawenaenexatsi xua bapon nantawenona.
21 Nexata Nacom, pon pecanamata-xeinaenxae, itamaipana
exana, pebin bichocono itamaipana exanatsi. Poxonae bapon
maituncua Nacom peyene yene wejonta, equecha yenewi aca-
taba. 22 Nacom, pon pecanamata-xeinaenxae, barapo peyene
weya exana petsiriwa. Nacom tsita itapeiia xeina bapowa
pebintha. 23Poxonae pebin, pon pemaituncuaexae, poxonae
taeba petsiriwa, bapon namchi, jeye:
"iApara barapowa xaniwacha tawito weya pichapa!
iYawa bara xaniwacha tapiwa weya pichapa!
Bapowa wun dutan: 'Petsiriwa', baran
tsipei Nacom neyene wejonta", jei pebin.
[Hebreo jumetha pojume petsiriwa xua: "Isha", jei, tsiwiyo
jume jupa xua: "Ish", jei pojume: "Pebin", jei.]
24Poxoru baponbe, ponbe xua Nacom copiya exanabe,
baponbe Nacom cana exanabe xua be caen penaexanaexaebe
daxota ba pebiwi paxa jiwi wepu natsaba, pia piowaxi baru
jijinaetsi. Jiwi ba exana baxua xua pebiwi pisheuri jiwi be cae
jiwi penaexanaewa tsane. 25 Bara bequein pebin piowabe ya-
putanebe xua jumasainabe, ichitha jopa tsaqueinaeyo xua aura
xua pejumasainaexaebe.
Meje poxonae pebin jumefeba Nacomtha
31 Jomo^ yaputane xua pemuxujaiiabiwa beyacancha icha
duwei xua poxi Nacom forota, pon pecanamata-xeinaen-
xae. Jomo barai, yabuyo barachi, jeye:
— dBaraxua Nacom paca tsipaebabe xua bepa pinae irapo-
naen jopa pathei xaembe tsanebe xua ponaen barapo pabitha
xuwa? jei jomo.
2 Petsiriwa jumenota, jomo jumenotatsi, jeye:
^3.1 Caurimonae pia pentacaponaen tatsi pon Satanas, bapon canaiita jomo tsipei
bapon jomo, pon bichocono peyaputaen.
7 Genesis 3
^Pana itacupabe xua paxanbe pethei daxita naexitha xua
pabitha xuwa. 3Mesha jopa pana itacupaeyobe xua pata-thei-
xaewabe ponae pabi tututha uncua. Pana netsipaebabe Nacom
xua bepa pinae jopa pathei xaen chanebe barapo nae. Yawa
bepa pinae jopa pathei jayabin chanebe. Icha bepa pinae pathei
xaen bepa pinae pawerapaen.
4 Jomo jume barai petsiriwatha:
— Apara jopa xaniyeyo. Jopa apara patupaembe tsane. 5Na-
com beta yaputane xua poxonae barapo nae pathei xaenamebe
bapoxonae paxeinaenamebe peyaputae coyene, paiia neyapu-
taenexa tsanebe pocotsiwa xua wunae yawa pocotsiwa xua abe.
Poxoru bapoxonae be Nacom pacui jupaenamebe, jei jomo.
6Petsiriwa yaputane xua barapo nae pethei wunae nawita
yawa bexaena xua peyaputaenexa tsanebe pocotsiwa xua wu-
nae, yawa pocotsiwa xua abe. Bapoxonae thei ucuta yawa thei
xane. Yawa pia pebin cata, iru bapon thei xaexuba. 7 Bapoxo-
nae beya natsaqueinabe xua aura xua tamasauncuabe. Nexata
ponae pewun higueranae, barapo nae axu xuxucabe, baxota
naacatabe.
8 Pebin iru petsiriwa jumetanebe xua Nacom pona pabitha
quiripitha poxonae jowijowi xeica. Bapoxonae naentha cui-
taya nantsiyatecabe pabitha. Nacom cuitaya nantsiyatecatsibe.
9Ichitha Nacom, pon pecanamata-xeinaenxae wawai, pebin
wabatsi, jeye:
— dincane? <LExota ecame? jei Nacom.
10 Pebin jumenota, Nacom jumenotatsi, jeye:
— Cajumetanchi xua pabitha poname. Junuwan daxota ca-
cuitaya nantsiyatecatsi yaitama tamasainan, jei pebin.
11 Nacom biataeya jume barai:
— <L Jintam camuxutsipaeba xua pinae tamasainame? Paya-
putanemebe xua patamasainamebe apara poxoru pathei xane-
mebe pothei bequein yabara paca tsipaebatsibeba bayatha, jei
Nacom.
12 Pebin jumenota:
— Petsiriwa, powa inta exaname xua tana-neyantsinexa,
bapowa necata barapo naetheito. Bapoxonae thei xan, jei
pebin.
13 Nexata Nacom pon pecanamata-xeinaenxae petsiriwa
yanabatsi, jeye:
Genesis 3 8
— lEta xua metha baxua exaname? jei Nacom. Barapowa
Nacom jumenotatsi, jeye:
— Jomo nemuxujanaba, daxota naetheito xaexuban, jei.
i4Nexata Nacom, pon pecanamata-xeinaenxae, jomo ba-
rachi:
— Xua baxua neexanaexae, xam mesha
daxita duweitha jopa wepu xaexaenaequeibim tsane,
xua cata ayapube exanatsi. Anoxuae yawa
xua ataya tsaneno saya iratha najonacaponaename.
Matautano saya tsorobo xaename.
15 Exanaen xua xam Satanas, ponxaem jomom,
iru yabuyo paiia nenaitafaetabiwambe tsane.
Barichi tsane jiiia nemomoxi susato jiwi,
iru barapowa pia pemomoxi susato jiwi tatsi,
penaitafaetabi jiwi tsane.
Barapowa pia pemomoxi susato jitonjiwana tatsi
caamanayabina.
Yawa xam jujutsiname xua bapon
jopa peexanaenexa baxua, jei Nacom.
i6Petsiriwa barachi:
— Bichocono atene caexanaenchi
poxonae pexui capoponeibiname,
yawa poxonae cata naexaneibina.
Jinsheuri cuicuineibiname neperu-jiwichipaexae.
Bapon pia peitorobi coyenewatha
cacanamataxeinaena, jei Nacom.
l7Pebin barachi: — Poxoru nejume-naitomatsiya-exanae-
xae, pocotsiwa xua bapowa caitoroba, xua daumetha barapo
naethei xaneme, xua bayatha cabarachi: 'Jopa bewa xaem
barapo naetheito', jan,
anoxuae exanaen xua ira nama
jopa pexaexaenacaewa tsane,
abe paiia neexanaexaebe.
Nexata saya pexaewa
jopa juniya nenaupain-nacuiteibinexa tsane,
daxita matacabi poxonae poponeibiname.
18 Ira cata mata sojei tsane,
yawa cata ayabo tsane.
Yawa nexata xaibiname u unu pipexaewa.
9 Genesis 3
19 Bichocono nacuiteibiname,
yawa najanchiya exaneibiname bey a
poxonae daxota pexaewa nexeineibiwa tsane,
xua nexaibiwa tsane.
Barapo coyenetha poponeibiname
beya poxonae camuthtitsina.
Tsipei bayatha tsorobo weya caexanatsi,
daxota equecha caewa tsorobo naexanaename
poxonae ttipaename, jei Nacom.
20Pebin piowa wnn duta pewiin Eva. Barapowa be coxiwa
cana mata canaexana daxita jiwi xua asti jinompa xua barapo
cae pin nacuathe. [Hebreo jumetha powun: "Eva", jei tsiwiyo
jume jupa pojume: "Asu", jei.]
21 Nacom pon pecanamata-xeinaenxae exana paparuwa
xua duwei peboco, xua pebin iru yabuyo penaacatsiwabe.
22 Equecha Nacom pon pecanamata-xeinaen namchi:
Genesis 3 10
— ^Anoxuae pebin naca tsita naituta xua pon be waxanchi
jiwanatsi poxoru anoxuae bapon yaputane xua wiinae yawa
xua abe, icha waxanchi ichichi xua nantaxeinatsi. Nexata jopa
copatsin tsane xua bapon xaena ponaethei jiwi antabuyapusu-
wa exanchi, xua ponaethei jiwi ayapusuya jinompa exanchi
xua ataya tsitecaeya, jei Nacom.
23Daxota Nacom pon pecanamata-xeinaen itaweta barapo
pebin pexeiia pabi weya, popabi Nacom exana Eden iratha.
Nacom itoroba xua bapon daunweya penacuichinexa tsorobo-
tha xua pabitha poxoru bayatha Nacom pebin forota tsorobo
weya. 24 Nacom itaweta pebin pexeiia pabi weya. Bapoxonae
pabi pemuxeburutha, pocotsiwa ichaxota xometo wecoina,
barawetsina Nacom itoroba querubines matawunmonae, po-
querubines barapo nae yacancha matawacacha umena. Yawa
Nacom noba xua jerajerei chuncuae xua be cusi pejumope xua
cocha nayerababa xua ichamonae jopa pepatsinexa tsane icha-
xota nae uncua ponaethei jiwi antabuyapusuya jinompa exa-
natsi xua ataya tsiteca xua icha xaiba.