The Bible in Ekegusii (Ebiblica Enchenu)

OMOCHAKANO

Omogano bw'Ogotongwa

1^ Agwo Omochakano Nyasae nigo
atongete igoro na ense. ^ Na ense
nigo yarenge bosa, tiyarenge na kieni
kende, nigo yaare nomosunte otubete
endiba; na Omoika o Nyasae nigo
orenge goetanana igoro y'amache.

^Nyasae agateba, *'Tiga oborabu
bobeo", na oborabu bokabao."* Nyasae
akarora oborabu obwo ng'a nobuya,
agaatanana oborabu korwa ase omo-
sunte. ^ Nyasae akaroka oborabu boria
omobaso, na omosunte akayoroka
obotuko. Erio agwo rikaba mogoroba,
naende bokaba mambia, rituko rie
ritang'ani.

^Nyasae agateba, "Tiga eaanga
ebe egati-gati y'amache, yaatanane
amache korwa ase amache ande."
' Igo Nyasae agakora eaanga eria,
agaatanana amache ayare inse y'eaa-
nga korwa ase amache ayare igoro
y'eaanga; akaba boigo. ^ Nyasae aka-
roka eaanga eria igoro. Erio agwo
rikaba mogoroba, naende bokaba ma-

mbia, rituko ria kabere.

^ Erio Nyasae agateba, "Tiga amache
ayare inse ya igoro asangererekane
aase aamo, ense enyomo erorekane";
akaba boigo. ^^ Nyasae akaroka eria
enyomo ense, na amache aria asange-
rerekanete amo akayaroka chinyancha.
Nyasae akarora ayio ng'a namaya.
^^ Naende Nyasae agateba, 'Tiga ense
emere ebinto bigokina, buna ebimeri
bikorua chimbusuro, na emete ekwama
amatunda are ne chimbusuro chire
imeo, kera oyomo ase egesaku kiaye
ekenyene"; akaba boigo. ^^ Na ense
ekamera bionsi ebigokina: ebimeri
bikorua chimbusuro chiabo chinyene,
na emete ekwama amatunda are ne
chimbusuro chire imeo, kera oyomo
ase egesaku kiaye ekenyene. Nyasae
akarora ayio ng'a namaya. ^^Erio
agwo rikaba mogoroba, naende bo-
kaba mambia, rituko ria gatato.

1^ Erio Nyasae agateba, "Tiga eme-
baso ebe ase eaanga aaria igoro,
yaatanane omobaso korwa ase obo-

OMOCHAKANO 1,2

tuko; ero ebe ebimanyererio bikworo-
kia Amatuko Amanene, na amatuko,
na emiaka, ^^ ebe emebaso ase eaanga
aaria igoro, eyee ense omobaso na
oborabu' ' ; akaba boigo. ^ ^ Nyasae aga-
kora emebaso emenene ebere. Omo-
baso oria omonene ase eyio ebere
ogambere ekero kia mobaso, na oria
omoke ekero kia botuko; agakora
ne ching'enang'eni boigo. ^^ Erio Nya-
sae akayebeka ase eaanga aaria igoro,
eyee ense omobaso na oborabu, ^' ega-
mbere omobaso na obotuko, na gwa-
tanana oborabu korwa ase omosunte.
Nyasae akarora ayio ng'a namaya.
1^ Erio agwo rikaba mogoroba, naende
bokaba mambia, rituko ria kane.

2^ Nyasae agateba, "Tiga amache
atware obonge bw'ebitongwa bire mo-
yo, ne chinyoni chikoiruruka igoro ase
ense, chigoetanana inse y'eaanga ya
igoro." ^^ Naende Nyasae agatonga
ebitongwa ebinene bire ase amache
ime, amo nebitongwa binde bionsi bire
moyo, ebio bigoetanana ase obonge
imeo; agatonga kera egesaku nenge-
ncho yaye. Agatonga ne chinyoni
chibwate chimbaba, kera egesaku
nengencho yaye. Nyasae akarora ayio
ng'a namaya. ^^ Erio agwo Nyasae
akabisesenia, agateba, "Ibora, mo-
menteke, moichore ime ase chinyancha,
ne chinyoni chibuche ase ense." ^^ Erio
agwo rikaba mogoroba, naende bo-
kaba mambia, rituko ria gatano.

2* Naende Nyasae agateba, "Tiga
ense etware ebitongwa bire moyo, kera
egesaku nengencho yaye: ching*iti chi-
gotugwa, na echikwagura, ne ching'iti
chi'orosana, kera egesaku nengencho
yaye" ; akaba boigo. ^^ Nyasae agakora
ching'iti chi'orosana, kera egesaku
nengencho yaye, ne ching'iti chigotu-
gwa, kera egesaku nengencho yaye, ne
ching'iti chikwagura, kera egesaku ne-
ngencho yaye. Nyasae akarora ayio
ng'a namaya.

2^ Erio Nyasae agateba, "Tiga to-
kore omonto ase omogwekano oito,
otogwekaine, agambere chinswe chia
nyancha, ne chinyoni chikoiruruka
igoro, ne ching'iti chigotugwa, ne

ching'iti chionsi chi'orosana, na ense
yonsi, ne ching'iti chionsi chikwa-
gura igoro ase ense." 2? Nabo Nya-
sae agatonga mwanyabanto ase om-
ogwekano oye omonyene; ase om-
ogwekano o Nyasae ere akamotonga.
Agatonga omosacha na omokungu.
2^ Nyasae akabasesenia, akabate-
bia, "Moibore, momenteke, moichore
ase ense, na moyegambere. Mogambe-
re ne chinswe chia nyancha, ne chi-
nyoni chikoiruruka, na kera egetongwa
kere moyo kegotaara igoro ase ense,"
29 Naende Nyasae agateba, "Rora, na-
baeire kera ekemeri gekwama chimbu-
suro ase ense engima, na kera omote
okwama amatunda are ne chimbusuro
chire imeo; nabio birabe endagera
yaino. ^° Na ebimeri ebibese bionsi
nabirure bibe endagera ye ching'iti
chionsi chire moyo ase ense"; akaba
boigo. ^^ Nyasae akarigereria ebinto
ebio bionsi akorete, na birobio nigo
biarenge ebiya mono. Erio agwo rika-
ba mogoroba, naende bokaba mambia,
rituko ria gatano na rimo.
O ^ Naboigo igoro na ense bigaike-
^ ranigwa amo nemeganda yonsi
y 'ebitongwa. ^ Ase rituko ria gatano na
kabere Nyasae agaikerania emeremo
yaye yonsi, eye konya akorire; ase
rituko ria gatano na kabere agatimoka
korwa ase emeremo yaye yonsi, eye
konya akorire. ^ Nyasae agasesenia
rituko ria gatano na kabere, akaria-
tanana, akarikora richenu, ekiagera
ase rituko erio Nyasae agatimoka
korwa ase emeremo yaye yonsi, eye
konya akorire ase obotongi.

^ Oyo noro omogano buna igoro na
ense biatongetwe.

^ Ase engaki eria Omonene Nyasae
atongete igoro na ense, kemeri kende
tikiarenge komera korwa ase riroba,
gose nyeni chinde, ekiagera Omonene
Nyasae konya taratoma embura etwe
ase ense, nonya monto onde tarengeo
ore korema riroba. ® Korende obotoo-
ru nigo bware gotiira korwa inse na
konyiyia riroba ri'ense yonsi.

^ Erio Omonene Nyasae akabomba
na koroisia omonto korwa ase orotu

OMOCHAKANO 2,3

rw^amaroba, akamoutera omoika
bw'obogima ase chimioro chiaye, na
igo omonto akaba ore nobomoyo.

^ Erio Omonene Nyasae akaroisia
omogondo aaria Edeni, ensemo ya
moocha, na aroro akabeka omonto
oria abombete na komoroisia. ^ Omo-
nene Nyasae agakinia emete korwa ase
riroba, emete yonsi egosanerwa ase
okororwa, na egwansa ase okoriegwa.
Egati-gati y' omogondo oria akabeka
omote bw'obogima na omote bw'oko-
manyera amaya na amabe.

1® Orooche rogasoka korwa ase Ede-
ni na kobekera omogondo oria amache.
Korwa agwo rogaatananeka, rokaba
chindooche inye. ^^ Orooche rwe rita-
ng'ani rokarokwa Pisoni. Orwo narwo
roetanaine ense yonsi ya Havila aase
etahabu egotoka. ^^ Etahabu y'ense
eyio nengiya. Naende amagena e rigori
rinene nareo, ayakorokwa bedola na
berulo. ^^ Na orooche rwa kabere
rokarokwa Gihoni. Orwo narwo roeta-
naine ense yonsi ya Kusi. ^^ Na oroo-
che rwa gatato rokarokwa Tigirisi,
orwo rogoeta moocha y'Asuri. Na
orooche rwa kane narororwo rokaro-
kwa Eufarati.

^^ Omonene Nyasae akaira omonto
oria, akamobeka ase omogondo o
Edeni, ayoroisie na koyorenda. ^^ Erio
Omonene Nyasae agachika omonto
oria, akabora, "Amatunda a kera
omote ore ase omogondo oyo nonyare
koyaria, ^'korende amatunda 'omote
bw'okomanyera amaya na amabe toya-
ria, ekiagera rituko riria orayarie
goika okwe."

^^ Erio Omonene Nyasae agateba,
"Tai buya omonto oyo abe bweka,
nimokorere omokonyi barakonyane
nere." ^^Ekero Omonene Nyasae
konya akorire korwa ase amaroba
kera eng'iti y'orosana, ne chinyoni chi-
koiruruka, agachirenta ase omonto
oria, arore buna agochiroka; na buna
arogete kera egetongwa kere moyo,
erieta riaye rikaba rirorio erio. ^^ Omo-
nto oyio akaroka kera eng'iti egotu-
gwa, na kera enyoni ekoiruruka, na
kera eng'iti y'orosana erieta riaye.

Korende tarorekana mokonyi onde,
barakonyane nere. ^i Erio Omonene
Nyasae akabekera omonto oria chi-
toro chindito mono. Ekero araire aka-
morusia orobaru rwaye oromo, na
akairanerania chinyama aase aria.
^^ Na orobaru roria Omonene Nyasae
arusetie ase omonto oria akarotonga
rokaba omokungu, akamoirera cmo-
nto oria. ^^ Erio omonto oria agateba,

"Bono oyo neriuga korwa ase
amauga aane,

ne chinyama korwa ase chinyama
chiane ;

ere nigo ararokwe omokungu,

ekiagera nigo arusirie ase omo-
sacha."
2^ Ase ayio, omonto natige ise na ng'i-
na, abwatane na mokaye, na abwo
habere nababe omobere oyomo.

^^ Na abwo habere, omonto oyio na
mokaye, nigo barenge getirianda, na
tibaare kororerana obosooku.

Okogwa kwa mwanyabanto ase ebibe

3 1 Bono eng'iti engenda inse nigo
yarenge eng'ainereria kobua chi-
ng'iti chinde chionsi chi'orosana, echi
Omonene Nyasae akorete. Erio eka-
boria omokungu, '*Inee! Namaene
ng'a Nyasae nigo abakanetie ng'a
timoria amatunda 'omote onde bwonsi
ore mogondo?"

2 Omokungu oria akairaneria eng'iti
eria, "Amatunda a kera omote ore ase
omogondo natonyare koria, ^ otatiga
amatunda 'omote ore mogondo gati-
gati. Nyasae nigo atotebetie: Moise
koyaria gose koyakuna nigo morakwe.

^Eng'iti egatebia omokungu,
"Ogokwa, timogokwa nonya ng'ake.
^ Naki Nyasae namanyete ng'a ekero
morarie amatunda 'omote oyio nigo
moraramokigwe amaiso aino, na in we
mobe buna Nyasae, mokomanya ama-
ya na amabe."

^ Omokungu agachia korora omote
oria ng'a nomuya ore ase okoriegwa
na okogwenera amaiso, na omote oria
noyo bw'okoganigwa, ekiagera okobaa
okomanya, agatwa amatunda aye, aka-

OMOCHAKANO 3

ria. Erio akaa omosacha oye, nere
akaria. ' Na amaiso abo bonsi babere
akaramokigwa, bakamanya ng'a ngeti-
rianda bare; bagatabora amato 'omo-
ko, bakayabwatania, bakeboyia.

® Omonto oria na mokaye bakaigwa
eriogi ri'Omonene Nyasae kagotaara
ase omogondo engaki ya mogoroba
ense koyakendire, na barabwo bake-
bisa mogondo gati y'emete, ng'a Omo-
nene Nyasae tabarora. ^ Omonene
Nyasae akarangeria omonto oria,
akamoboria, "Ng'ai ore?"

^^ Ere akamoiraneria, "Nigo naigwa
eriogi riao kogotaara ase omogondo,
noboa ekiagera ngetirianda nare; ase
ayio nebisa."

^^ Nyasae akamoboria, "Ing'o ogo-
tebia ng'a ngetirianda ore? Inee!
Nkwarire amatunda 'omote oria nago-
kanetie ng'a toria?"

^2 Omonto oria akamoiraneria,
"Omokungu oyo kwang'ete ng'a abe
amo nainche, nere ong'ete amatunda
'omote oyio, na inche nkaria."

i^Erio Omonene Nyasae akaboria
omokungu oria, *'Ninki eke gwako-
rire?" Omokungu oria akamoiraneria,
"Neng'iti yang'airiete, nkaria."

Nyasae okorua okoragereria ase
engencho y'ebibe

^* Omonene Nyasae agatebia eng'iti
eria,

"Ekiagera gwakorire ay a,

aye kwaragererigwe kobua ching'iti

chionsi chigotugwa,
ne ching'iti chionsi chi'orosana;
aye nenda oragendere,
na orotu orarie ase obogima bwao

bwonsi.
^* Inche nimbeke obobisa ase egati

yao na omokungu oyo,
na ase egati y'oroiboro rwao na

oroiboro rwaye;
rororwo narogosenyente omotwe

00,

na aye nomorome egetingiro kiaye."
1* Akaonchokera omokungu, aka-
motebia.

"Ninkomentere emechando eme-

nge ekero okoba morito,
na ekero okoibora abana nonyore

obororo;
nonya nabo okogania kwao nigo

korabe ase omosacha bo,
na ere nakogambere."
^' Agatebia Adamu,

"Ekiagera kwaigwerete mokao
na okaria amatunda 'omote oria

nagokanetie ng'a toria,
riroba riaragererigwe ase engencho

yao.
Ase ogwechanda norie okwama

kwaye
amatuko onsi ay' obogima bwao.
^® Riroba narikwamere amagwa na
amageri,
na aye norie okwama kw'ebimeri
bi'orosana.
^* Noiteke ebigeri korwa ase obosio
bwao
omanye konyora endagera orie ;
goika oirane ase riroba,

ekiagera agwo nao kwarwete.
Naki aye norotu,
naende noirane ase orotu."
2° Omonto oria akaroka mokaye
Hawa*, ekiagera ere nere ng'ina bw'a-
bare moyo bonsi. ^^ Omonene Nyasae
akaroiseria Adamu na mokaye chingo-
bo chi'amasankwa, akababoyia.

Adamu na Hawa bagoserigwa korwa
ase omogondo

22 Erio Omonene Nyasae agateba,
"Rora, omonto oyo obeire buna oyo-
mo oito ase okomanya amaya na
amabe. Aande nabaise gochia kora-
mbora okoboko kwaye atwe amatunda
'omote bw'obogima arie, erinde abe
moyo kare na kare." ^a^^g ^yio
Omonene Nyasae akamoseria korwa
ase omogondo o Edeni, akamobeka
areme riroba agwo ase arwete. ^4 igQ
agaseria omonto oria, na ensemo ya
moocha y'omogondo o Edeni akabeka
omokerubi, na omoyio o birende
ogwoka omorero okona-kooncha-

OMOCHAKANO 3,4

onchoka chinsemo chionsi korenda
enchera ekogenda ase omote bw'obo-
gima.

THE BIBLE IN EKEGUSII

publised as

EBIBILIA ENCHENU

Published by

The Bible Society of Kenya
P O Box 12983
NAIROBI, Kenya

© The Bible Society of Kenya, 1990
Illustrations by Horace Knowles
© The British and Foreign Bible Society
Swindon, England, 1954, 1967, 1972

ISBN 9966 48 029 3
UBS-EPF 1990-33. 5M-052P