Kalagan Genesis

<flfa— S&. i tjjfi • Sfim u m^jfim

Tagna Donya

Yang pagbaoy sang donya

IiSang pukas biyaoy ng Allaho Taala yang lopa aw yang
langit. 2 Sangaong ona waa pay paras ng donya aw waa
pay lasak. Laot pa yang donya aw maduguum. Ansinyan
yaparinung-rinung yang Niyawa ng Allaho Taala sang
babawan ng laot.

3 Ansinyan yaglaong yang Allaho Taala, "Amaon yang
kaamdagan." Mandiadi yamaon da. 4 Sang pagkakita ng
Allaho Taala sang kaamdagan yamasowat yaan kay madyaw
yang paras. Ansinyan biyain naan yang kaamdagan aw yang
kaduguuman. 5 Yang kaamdagan yang piyagangaanan naan
ng "allaw", yang kaduguuman oman yang piyagangaanan
naan ng "gabi". Ansinyan liyomabay yang gabi aw
diyomatung yang kaamdag, idto yang pukas na allaw.

GAdoon, yaglaong yang Allaho Taala, "Amaon yang
pagauang sang tunga ng laot antak aon tobig sa babaw aw
sa daum. ^Mandiadi biyaoy ng Allaho Taala yang paguangan
aw biyain naan yang laot. Adoon, yabaoy da yaan. 8 Yang
piyagauang yang piyagangaanan ng Allaho Taala ng
"langit". Ansinyan liyomabay yang gabi aw diyomatung
yang kaamdag, idto yang ikadowa na allaw.

*Adoon, yaglaong da oman yang Allaho Taala,
"Magapondok yang tobig sa daum ng langit sang sambook

1

Tagna Donya 1

na tupad antak lomotaw yang magdang na lopa." Ansinyan
yabaoy da yaan. 10 Yang magdang na lopa yang
piyagangaanan ng Allaho Taala ng "lopa", yang piyopondok
na tobig oman yang piyagangaanan naan ng "dagat". Sang
pagtanaw ng Allaho Taala sang biyaoy naan yamasowat yaan
kay madyaw yang paras.

HAdoon, yaglaong yang Allaho Taala, "Motobo sang
lopa yang yanagkatuna-tuna na mga tanum, magonawa ng
mga tanum na aon similya kipat sang mga kaoy na
mamamonga." Ansinyan yabaoy da yaan. i2Tiyomobo da
sang lopa yang yanagkatuna-tuna na mga tanum: mga tanum
na aon similya kipat sang mga kaoy na mamamonga na aon
similya. Sang pagtanaw ng Allaho Taala sang biyaoy naan
yamasowat yaan kay madyaw yang paras. 13 Ansinyan
liyomabay yang gabi aw diyomatung yang kaamdag, idto
yang ikatoo na allaw.

!4Adoon, yaglaong yang Allaho Taala, "Amaon yang
mga magkaamdag sang langit antak magbuag silan sang
allaw sikun sang gabi. Magapakatigam oman silan sang mga
allaw aw toig kipat sang mangkadakowa na mga allaw na
mosonod. 15 Misiga silan adto sang langit antak kaamdagan
yang donya." Ansinyan yabaoy da yaan. 16 Adoon, biyaoy ng
Allaho Taala yang dowambook na mangkadakowa na mga
siga: yang dakowa na siga, magonawa ng suga, na magaatag
ng kaamdag ng allaw, aw yang sambook oman, magonawa
ng bowan, na misiga ng gabi. Biyaoy oman naan yang mga

Tagna Donya 1

bituun. *?Aw biyutang ng Allaho Taala yang kariko sidto
sang langit antak magatag silan ng kaamdag sang donya.
iSMagaatiman oman silan sang allaw aw gabi kay magabuag
silan sang kaamdagan aw kaduguuman. Sang pagtanaw ng
Allaho Taala sang biyaoy naan yamasowat yaan kay
madyaw yang paras. ^Ansinyan liyomabay yang gabi aw
diyomatung yang kaamdag, idto yang ikaopat na allaw.

20Adoon, yaglaong oman yang Allaho Taala,
"Amapono yang dagat ng yanagkatuna-tuna na biyas ng isda
aw managlayog-layog yang mga langgam adto sang langit."
21 Ansinyan biyaoy ng Allaho Taala yang mangkabagas na
mga isda sang dagat kipat sang yanagkatuna-tuna na mga
isda na iyan sang tobig kipat oman sang yanagkatuna-tuna
na mga langgam. Sang pagtanaw ng Allaho Taala sang
biyaoy naan yamasowat yaan kay madyaw yang paras.
22 Adoon, kiyalooyan silan ng Allaho Taala aw laong naan,
"Pagpakadaig kamo aw ponoa yang mga tobig aw yang
dagat. Magapakadaig oman yang mga langgam sang
babawan ng donya." 23 Ansinyan liyomabay yang gabi aw
diyomatung yang kaamdag, idto yang ikalima na allaw.

2 «Adoon, yaglaong oman yang Allaho Taala, "Amaon
sang donya yang yanagkatuna-tuna na mga ayup,
mangkabagas aw mangkayantuk, kipat sang mga yaas na
ayup." Pagkalaong naan sinyan yabaoy da yaan. 25 Agaw
biyaoy da ng Allaho Taala yang kariko ng mga biyas ng mga

^

Tagna Donya 1

ayup. Sang pagtanaw ng Allaho Taala sang biyaoy naan
yamasowat yaan kay madyaw yang paras.

26Adoon, yaglaong yang Allaho Taala, "Inangun ko
yang otaw na aon kapagonawa ko aw atag ko kanaan yang
kapatot makapantag sang mga isda sang dagat, makapantag
sang mga langgam sang langit kipat oman makapantag sang
mga ayup sang babawan ng donya."

27Ansinyan biyaoy ng Allaho Taala yang otaw na aon
kapagonawa naan. Biyaoy naan yang otaw, usug aw bobay.
28Adoon, kiyalooyan silan ng Allaho Taala aw laong naan,
"Pagpakadaig kamo antak mapono yang donya sang mga
topo mayo aw atag ko kamayo yang kapatot makapantag
sang lasak ng donya. Kamo yang magabuut sang mga isda,
sang mga langgam kipat sang kariko ng mga ayup adi sang
donya."

29pagkatapos saan yaglaong yang Allaho Taala, "Adoon
atag ko kamayo yang yanagkatuna-tuna na mga tanum na
aon similya kipat sang mga kaoy na mamamonga na iyan
sang babawan ng donya. Ingidto yang kamayo mga pagkaan.
3 <>Sang mga ayup oman, mangkabagas aw mangkayantuk,
kipat sang mga langgam atag ko yang kariko ng mga tanum
antak nilan makaan." Pagkalaong naan sinyan yamabaoy
dayon yaan.

3iSang pagtanaw ng Allaho Taala sang kariko ng biyaoy
naan yamasowat yaan kay madyaw yang paras. Ansinyan

- ffi - 4 pr

tg!.

Tagna Donya 1, 2

liyomabay yang gabi aw diyomatung yang kaamdag, idto
yang ikaunum na allaw.

2 1 Ansinyan yabaoy da yang langit aw yang lopa kipat
sang mga butang na yamakalasak sang donya. 2 Sang
ikapito na allaw yatapos da ng Allaho Taala yang kariko ng
biyaoy naan aw yagpatana da yaan. 3 Yang ikapito na allaw
ininang naan ng dakowa na allaw kay ansaan na allaw
akatapos yang pagbaoy naan sang donya aw yagpatana
yaan. *Yang idto yang gogodanun makapantag sang
pagbaoy ng donya.

Yang tanumanan sang banwa ng Idin

Sangaong ona pagbaoy ng Allaho Taala sang donya
5 waa pay yamanobo na mga tanum sang lopa kay wa pa
apaowani ng Allaho Taala aw waa pay oman magpapawa.
6 Awgaid maskin waa pay owan aon tobig na imibwak sikun
sa suud ng lopa na yamakabasa sang lopa.

?Ansinyan kiyamang ng Allaho Taala yang abog aw
piyorma naan ng otaw. Pagkatapos saan yoyopan naan ng
samut sang ilong antak kaaonan ng niyawa.

^Pagkatapos saan ininang ng Allaho Taala yang
sambook na tanumanan sang banwa ng Idin adto sang
silatan aw ansaan adaa yang otaw na biyaoy naan.
^Ansinyan piyatobo ng Allaho Taala yang yanagkatuna-tuna
na mga kaoy na madyaw tanawun aw yang bonga nilan

■4fl g . ti te-

6 Tagna Donya 2

madyaw kaanun. Sang tunga ng tanumanan aon sambook na
kaoy na makaatag ng kinaboi aw sambook na kaoy na
makaatag ng katigam makapantag sang madyaw aw maat.

lOAon sambook na tobig na yagasikun sang banwa ng
Idin na yagaatag ng tobig sang tanumanan. Paglogwa sang
tanumanan yamainang ng opat ka lawas ng tobig. ^Yang
pukas na tobig na tiyatawag na Pison yoboos sang banwa ng
Habila. 12 Ansaan na banwa aon bowawan, aw madyaw na
paballo kipat sang mangkamahal na mga bato. 13 Yang
ikadowa na tobig na tiyatawag na Gihon yoboos sang banwa
ng Kos. 14 Yang ikatoo na tobig na tiyatawag na Tigris yoboos
sang kilid ng banwa ng Assiriya adto sa silatan. Yang ikaopat
na tobig yang tiyatawag na Alporati.

15 Ansinyan diyaa ng Allaho Taala yang inyan na otaw
adto sang tanumanan ng Idin antak atimanun aw bantayan
naan. 16 Adoon, piyagalaong yaan ng Allaho Taala, "Mapakay
kaw komaan ng bonga ng kariko ng mga kaoy sang
tanumanan. ^Awgaid/' laong naan, "ayaw magkaan ng bonga
ng kaoy na makaatag kanmo ng katigam makapantag sang
madyaw aw maat. Aw makakaan kaw saan amatay kaw."

18 Adoon, yaglaong oman yang Allaho Taala, "Di
amadyaw aw saida gaid naan na otaw. Inangan ko yaan ng
kaupdanan na magonawa kanaan otaw na amakatabang
kanaan."

^Adoon, piyapadood ng Allaho Taala sang otaw yang
kariko ng mga ayup aw langgam na biyaoy naan sikun sang

Tagna Donya 2 7

lopa antak katigaman naan daw ono yang pagangaan
kanilan ninyan na otaw. Maskin ono yang piyagangaan naan
kanilan yang idto da yang pangaan nilan. 20 Kaynampa
piyangingaanan naan yang kariko ng kaayupan aw yang
mga langgam kipat sang yaas na mga ayup. Awgaid waa pay
kikita naan na kaupdanan na magonawa kanaan na otaw na
amakatabang kanaan.

2ipagkatugun-tugun sinyan piyapakatoog ng Allaho
Taala yang inyan na otaw. Sang wakto na yamakatoog ng
madyaw kiyakamangan yaan ng Allaho Taala ng sambook
na gosok aw piyaori da oman yang kanaan onod. 22 Yaan na
gosok yang ininang ng Allaho Taala ng bobay aw daa yaan
adto sang usug.

23 Ansinyan yakapaglaong yang usug, "Yani kay yang
kaupdanan ko na magonawa kanak kay yang pusa naan
sikun sang kanak pusa, aw yang onod naan sikun sang kanak
onod. 'Bobay' yang pangaan naan kay yagasikun yaan sang
lawas ng usug."

2 *Sabap sinyan ibiyaan ng usug yang kanaan ama aw
ina kay umupud sang asawa naan kay sambook da yang
lawas nilan.

2 &Na, ansinyan lobas silan dowa, yang usug aw yang
bobay, awgaid wa silan akasipug.

8

Tagna Donya 3

Pukas ng pagkadosa ng otaw

3iAdoon, yang bila yang pinakalimbongon na mananap
na biyaoy ng Allaho Taala. Ansinyan yaglaong yang bila
sang bobay, "Bunnaa ba na piyagalaong kamo na dili
mapakay komaan ng bonga ng kariko ng mga kaoy na adi
sang tanumanan?"

2 Tiyomobag yang bobay, "Makakaan sa kami sang
bonga ng kariko ng mga kaoy na adi sa suud ng tanumanan.
SYatabiya," laong naan, "y an g bonga ng kaoy na iyan sang
tunga. Piyagasagda kanami ng Allaho Taala yaan na kaoy,
na maskin yang pagtakmag. Aw komaan kami ng bonga saan
na kaoy amatay kono kami."

4"Dili! Di kamo mamatay," laong ng bila sang bobay.
5"Piyagasagda kamayo ng Allaho Taala yaan na kaoy kay
yamatigam yaan na aw komaan kamo ng bonga saan na kaoy
magonawa da kamo sang Allaho Taala kay akaaonan kamo
ng katigam makapantag sang madyaw aw maat."

6 Pagtanaw ng bobay saan na kaoy yamakadumdum
yaan na madyaw yaan tanawun aw madyaw kowaw kaanun
yang bonga sinyan. Karim oman naan kaaonan ng katigam.
Agaw sagaw kiyamang naan yang bonga aw kiyaan naan aw
atagi oman yang kanaan bana aw kiyaan oman naan.
TYamatapos silan komaan kiyakaaonan silan ng dumduman
aw yamakita nilan na lobas kadi silan. Sabap sinyan

Tagna Donya 3 9

yagainang silan ng tatapis sikun sang mga daon ng igira para
pagtapis sang kanilan lawas.

spagkakasilum disinyan yamadungug nilan na
yagapanaw-panaw yang Allaho Taala sang tanumanan.
Agaw yagtago silan sang kakaoyan. ?Awgaid tiyatawag ng
Allaho Taala yang usug, laong naan, "Wain kaw?"

WTiyomobag yang usug, "Yamadungug ko na
yagapanaw-panaw kaw sang tanumanan. Yamalluk ako kay
lobas ako. Agaw yagatago ako."

nYosip yaan ng Allaho Taala, "Sino yang yagalaong
kanmo na lobas kaw? Yakakaan kaw kadi sang bonga ng
kaoy na piyagasagda ko kanmo?"

i2"Ud," tiyomobag yang usug, "agwaid," laong naan,
"yang bobay na yatag mo kanak yaan yang yagaatag kanak
ng bonga sinyan na kaoy. Agaw sagaw yakakaan ako."

13 Ansinyan yosip ng Allaho Taala yang bobay, "Nanga
sa ininang mo yaan?"

Tiyomobag'yang bobay, "Inilad ako ng bila. Idto sagaw,
kiyomaan ako."

Yang siksa ng Allaho Taala

!*Adoon, yaglaong yang Allaho Taala sang bila, "Sabap
ng maynini yang ininang mo isiksaun ta kaw. Sang kariko
ng mga ayup ikaw gaid yang isiksaun ko. Sikun adoon yang
kanmo dubdub yang pagapanaw mo sang lopa aw yang abog
yang amakaan mo sang tibook mo na kinaboi. 15 Inangun ko

10

Tagna Donya 3

kamo na kalaban, ikaw aw yang bobay, kipat sang topo mo
aw yang topo ng bobay, magakakalaban silan. Yang topo ng
bobay yang magagilas sang kanmo oo. Ikaw oman yang
magakagat sang kanaan tabok."

i^Yaglaong oman yang Allaho Taala sang bobay,
"Odogangan ko yang kairap mo aw yang kuduu mo sang
kanmo pagpanganak. Abir pa sa maynaan, amallini kaw
giapon sang kanmo bana aw yaan yang magabuut kanmo."

^aglaong oman yang Allaho Taala sang usug, "Ikaw
oman, sabap ng yosonod kaw sang piyagalaong ng kanmo
asawa aw yakaan kaw sang bonga ng kaoy na piyagasagda
ko kanmo agabaan yang lopa sabap sang inang mo. Sang
tibook mo na kinaboi amairapan kaw maggawbuk sang lopa
para sang kanmo pagpanginaboi. 18 Motobo sang lopa yang
sampinit aw yang mga sagbut aw yang mga tanum yang
amakaan mo. ^Moboos yang pawis aw akapoyon kaw ng
madyaw bago pa kaw atagan ng lopa ng ridski antod sang
pagbarik mo sang lopa. Iyan kaw inanga sang lopa, adto kaw
ori sang lopa."

20 Ansinyan "Awa" yang piyagangaan ni Adam sang
kanaan asawa kay yaan yang ina ng kariko ng mga otaw.

21 Ansinyan ininangan ng Allaho Taala si Adam aw yang
asawa naan ng mga dagom sikim sang paris ng mga ayup aw
papandagoma silan.

Tagna Donya 3, 4

11

Piyapapanaw sang tanumanan si Nabi Adam aw si Sitti Awa

22Yaglaong oman yang Allaho Taala, "Magonawa
kanak adoon yang manosiya kay aon day kanilan katigam
ng madyaw aw maat. Di mapakay na makamang pa silan ng
bonga ng kaoy na makaatag ng kinaboi na way kataposan
aw akaanun nilan kay basin kaaonan silan ng kinaboi na way
kataposan." 23 Agaw piyapapanaw silan ng Allaho Taala sang
tanumanan sang banwa ng Idin antak maggawbuk yang
usug sang lopa na kanaan piyagasikunan.

24pagkatapos nilan papanawun biyutang ng Allaho
Taala yang mga malaikat sa silatan ng tanumanan ng Idin
kipat sang ispada na yagalaga-laga aw yagatoyok-toyok.
Iyan silan obutangan kay magabantay silan sang daan na
pasingadto sang kaoy na makaatag ng kinaboi.

Additional copies of this publication are available from:

Book Depository

P.O. Box 2270 CPO

1099 Manila

Illustrations on pages 125, 186 and 198 are by Horace Knowles
Copyright© The British and Foreign Bible Society, London,
England, 1954, 1967, 1972.

All other pictures in this work, were taken from the New
Readers' Series Copyright© 1978 by the United Bible Societies
and are used by permission.

Kalagan

Genesis

76.11-395-3.5C 14.120P-951009N
ISBN 971-159-111-1

Printed in the Philippines
©International Bible Society, 1995