Genesisi: Kewa Genesis Abridgement

Robo I
1:1-25 Goteme ele rayo pisa.
1-5 Ripia abala Goteme suu yaa laapo warisa.

Suu kama eleda nawisa. Goo rabu Gotena remo
wasupa ipa mada piruma adobasa, Suu yaa laapo
riba lisa. Goteme lisa. Yapi laoo Lisa. Goo
rabu yapi lisa, Goteme yapi adoma epe lisa rabu
ipumi ibi kalisa* Narepa, Lisa. Goteme narepa
riba laapo rumasoo Ribareo Riboo LisOo
Gore. Yapi pameda.

6-8 Goteme lisa. Mole opa. Lisa. Goo rabu
mole ipa mada opisa. Mole pasanane Goteme.
YaOo Lisa. Gore yapi laapo.
9-10 Goteme lisa. Ipa. Medanane pua pira.
Lisa. Goo pisa rabu suu kapuleae wisa.
11-13 Goteme lisa. Suna olele rayo opalepa.
Lisa. Suna ele rayo opisimi. Gupuma imuna lii

madisimi lii kapayoma suu kama lopisimi. Goo
rabu ele adapu opisimi. Gore yapi reepo.

14-19 Goteme lisoc Nare eke kuba kedo rayo
alepoo LisQo Yapi lisa rabu Goteme nare marasoo
Riba lisa rabu Goteme eke kuba kedo rayo
marasOo Goo pisare suu rayona paa pinyaya pisoo
Goteme pake nare eke kuba kedo rayo paani rabo
yai lubu rabo rayo rumalalo pisoo Gore yapi mala.
20-23 Goteme lisa. Wena olele rayo ipapara
pitapa. LisOo Goo rabu adua meda pii wena olele
rayo imuna sii ipapara madisimio Goo rabu moo
wena olele rayo ipapara rubilisimio Gupuma
Goteme yaa adua meda pii rayo warisoo Moo yaa
rayome imuna sii madisimi rabo suu rayona yaa
rayo rubilisimi. Gore yapi kina kode.
24-25 Goteme lisa. Mena yana paaka yaapa
olele rayo suu kama pitapa. Lisoo Goo rabu
mena yana paaka yaapa ele rayo imuna sii adapu
madisimio Gupuma Goteme imuna eda rayo
kalisoc

I;26"2;25 Goteme winyali warisa >
1:26-2:25 Goteme winyali warisa. Goteme
winyapara ali laapo warisa. Goteme ipu laapo
ipurupa warisa.

Robo 2
Goteme suu puri paleaemi muma ali warisa.
Goteme moo alina peapara poo lisa rabu moo ali
regisa. Goteme moo alina ibi Adame lisa. Goo
rabu Goteme maapu warisa « Epe reponanu mogo
maapu runane wisa. Goteme Adame goo maapupara
mapirasa. Mogo maapuri Idene supara wisa. Moo
maapu rigana repona meda asa. Goo reponana lii
winyali nalimi rabo imumi nakomalimi. Repona
meda pake asa. Goo reponare kone maguape
repona. Goteme Adamepara lisa. Neme maapu
waru adobaoma repona lii rayo paa nape. Lisa.
Goo pea pare moo maapu rigana reponare kone
maguape repona aya. Lisa. Neme goo reponana

3

Ill nali rabore kone epeae maguali. Lisa. Kone
koyae pake maguali. Lisa. Goo reponana lii ora
nanape. Lisa. Nali rabore nee ora komali. Lisa.
Goo lisa rabo Goteme mena yana paaka yaa yaapa

olele rayo Adame repara madi puma kalisa. Goo rabu
Adameme moo ele rayona ibi lapalala pisa. Goo
rabu Goteme lisa. Adame aku rapo pia. Kotale
nii ipuna winya waruaano. Lisa. Winyame Adame
raba minya moo winya Adamena were. Lisa. Guu
pisadaa Goteme Adame uu puri palo mapatyasa.
Gupuma Adamena perali kuli pameda pela muma
wala maipeasa. Goteme Adamena perali kulimi
muma winya warisa. Goo pisa rabo Adame uu
regisa. Goo rabu Goteme moo winya Adame
kalisa. Adameme moo winya adoma lisa. Nere
nii nona pea. Goteme nana perali kuli pela muma
nee waruapulu nere winya too. Lisa. Goo pisadaa
ali mapuame ipuna agi ara laapo giama ipuna

winya lamea rabo ipu laapo meda piloma pitipi.
Goteme ipu laapopara lisa, Ipi laapo nokonaaginu
matyapaape. Lisa. Ele rayo adobalepaape. Lisa.
Ipu laapo maminya nayamisipi. Too kama.
Gupuma yala nakomisipi. Goteme ipuna elenu
eperupa opisimi rabu rana pai komisa. Gore yapi
kina kode laapo. Ele rayo puma dialisa rabu
Gote ipu yapi kina kode reepo lira pirisa. Goteme
lisa. Mogo yapi paa pi rape yapi. Lisa.

Robo 3
3:1-24 Winyali pupityagi nisa.
1-7 Paaka ipu olele rayo ora maguasa. Goo

rabu moo winy apara lora pisa. Goteme goo
maapuna reponanuna linu rayo nanape laa. Lora
pisa. Winyame lisa. Saa reponanuna lii rayo
paa nalipa. Lisa. Pare Goteme lea. Maapu
rigana repona meda aya. Goo reponanuna lii
nanalepaape. Lea. Lisp. Waralipiri ipi

5

komalipi. Lea. Lisa. Goo paakame lisa. Nee
nakomali. Lisa. Kone epeae kone koyae laapo
maguali. Lisa. Nee Gote mada piti. Goteme
maguaya. Lisa. Goo rabu winyame repona lii
adoma kipa pai komoma muma nisa. Meda ipuna
ali pake kalisa. Ipu nisa. Ipu laapo moo reponana
lii nisipi rabu ora maguasipi. Guu pisa rabu ipu
laapona too adisipi rabo ipuna maminya nawia.
Ipu laapo rapara puma repona yoo pua luma
yamisipio

8-21 Alebo Gote maapu ipisa. Goo rabu Adame
ipuna were ipu laapo Gote pakoma rapara pua
paka pirisipi. Goteme yalisa. Soo. Ipi apara
pipio Lora pisoo Alimi lisoo Nee maapu epaede
rabu nii pakawade pare nii maminya nayamoma
pala peadaa rapara paka pii. Lisa. Goteme lisa.
Apimi nepara gupa laa. Lisa. Kone maguape
reponana lii nae. Lora pisa. Adame lisa. Goo

winya neme giaede mogo repona lii raloma giadaa
nawa. Lisa. Winyamelisa. Paakame nii
makirgripa rabo nii mogo reponana lii raloma
nawade. Lisa. Goteme paakapara lisa. Nee
koyao peaele nena lome supara pora pamuape.
Lisa. Nena sipara moo winyana sii laapo yada
mapealua. Lisa, Neme moo winyana sina awara
tyi pare moo winyana simi nena kalu tyia. Lisa,
Goteme winyapara lisa. Nee nokonaagi matyi
rabu rada adae pilioo Lisa. Goo rabu nena ali
nee rana komali. Lisa. Guu pili rabu nena alimi
nee adobalia. Lisa. Goteme Adamepara lisa.
Neme koyao peaele nena maapu rilipu kara
rakinya olele rayo maopalua. Lisa. Nena ee
maapu kokono puri palo piliri gore eda noma
patyi. Lisa. Ee maapu puri palo napiliri eda
adapu naopalia. Lisa. Adeabuna kokono nena
ee maapu puri palo peape. Lisa. Nii nee sumi

8

peawade. Nee wala suu au tee. Lisa, Goo
rabu Goteme mena yanana yogale maminya
waruma Adame ipuna were laapo kalisa, Ipu
laapo maminya yamisipi. Adame ipuna werena
ibi Ewa lisa. Goo winya winyali rayona aya.
22-24 Adame Ewa laapome kone epeae kone
koyae laapo maguasipi, Goteme ipu laapo epe
repona lii napanaloma ipu laapo maapu ralisa.
Gupuma Goteme agelo medal oma moo maapu
kuninane masa. Gupuma moo agelonumi epe
repona pora lorisimi. Moo winyali laapome epe
maapu giama suu meda pua warisipi.

Genesis!

Kewa Genesis Abridgement

Printed and published by the

SUMMER INSTITUTE OF LINGUISTICS

Ukarumpa Territory of New Guinea

August 1967