HRUTHOACHAREI KO
Sokothu Ko
IAcharei sii Oramei no rachi ea
oji sopie. 20ji sii okhre ozhe hoe
ea masa sue, ea kozii siino ozhe katei
pile sii hue, ea Oramei raku siino odzii
pherio ahepfo leie. ^Ea Oramei no pe,
"Kava sii pralo, ea kava sii praloe.
4Ea Oramei no kava sii zhiwo neloe;
ea Orammei no kava sii kozii leno
sokrileiotie. ^Oramei no kava siino
chihra tto koloe, ea kozii siino pfo no
chikhri tto koloe. Ea chithu ea chikro
sii buloe, ea siisiino chithu kareini siie.
1:3 2 Kor 4:6
HRUTHOACHAREI KO 2 !
6 Ea Oramei no pe, "Odzii leno
chimadei pralo, ea losii peno odzii leno
odzii sii somakrileio." "^Ea Oramei no
chimadei sii solo^ ea chimadei pile
kobu ea chimadei khrule kobu odzii sii
sokrileiotie. Ea f.iibviilotie. ^Ea
Oramei no chimadii siino rachi tto
koloe. Ea chikro ea chithu sii buloe ea
siisii chithu kahei ni siie.
9 Ea Oramei no pe, Rachi khrule
kobu odzii thopfii sii obu kale kono
adulo, ea oji kaki sii mapralo. Ea
siibvulotie. ^^Oramei no oji kaki siino
chajiphe tto saloe, ea odzii adukowo
siino ozhe katei tto pfo no saloe. Ea
Oramei no hihi zhiwo neloe. **Ea
Oramei no pe, "Chajiphe sii peno
ovupro, otho kate siibu, ea rashibu
khru sii alia thomate thephriiwo peno
chajiphe sii mapepralo." Ea siibviio
pralotie. ^^Chajiphe sii ovupro, alia
thomate thephriiwo siibu, alia
thomate thephriiwo rashibu khru sii
pepralotie. Ea Oramei no hihi zhiwo
nelotie. i^Chikro ea chithu sii buloe ea
siisii chithu kosii kochuni siie.
14 Ea Oramei no pe, "Chikhri ea
chihra somakripralo koru duno
chimadeiva rache hi kava sii mapralo,
ea siikhru sii peno chaka chohro,
chithu chilu ea mopfu sii mosiilo koru
amashi mosolo, ^'''^ea siikhrii sii peno
chimadeiva rachi kava sii mosowo
chajiphe sii mava pio." Ea siibviilotie.
i^Ea Oramei no kava kaji kahei
solotie, kava jikopuna siino chihrale
duno ea kava kakheina siino chikhrile
duno; ea pfo no chevu khru se sopie.
I'^Ea Oramei no ojiphe mavapi koru
duno siikhru sii chimadeiva rachehi
kheipie. i^Siitoko chikhri chihra
mavapi koru duno, ea kava sii kozu
leno sokripi koru dunoe. Ea Oramei no
siisii zhiwo nelotie. i^Chikro ea chithu
sii buloe ea siisii chithu padeini siie.
20 Ea Oramei no pe, "Ea odziile su
kahrina tali maphralo, ea ruhu khru
peno chimadeiva rachi no chijiphe
zhemotuwo maleio." ^^Siiduno
; GENESIS 2
Oramei no ozhe kateile khena kajili,
ea ota krikriwo kahrina tali sopie, ea
kosho kopfii ruhu tali sopie. Ea
Oramei no hihi zhiwo nelotie. '-^^^Ea
Oramei no siikhru sii shihra pie,
"Ozhe kateile sii peno pra phrolo, ea
ruhu khru peno ojiphe sii
mopropralo." '^'^Chikro ea chithu sii
buloe ea siisii chithu pongoni siie.
^4Ea Oramei no pe, "Chajiphe hi
kahrina alia tta thephriiwo maphralo:
Otumorii, opfu no nearo kata ea ojiphe
khena alia tta thephriiwo maphralo."
Ea siibviio pralotie. '^•''Ea Oramei no
alia tta thephriiwo chajiphe khena,
tumorii, ea chajiphe no opfu no nearo
kata khena khru sii sopie. Ea Oramei
no hihi zhiwo neloe.
26 Siithesii Oramei no pe, "I no
ikhre-nga leno i yi bviio omei yi sopi
leshe; ea pfole yi peno ozhe kateile
okho, cheva ruhu, tumorii, chajiphe
opfu no nearopfo kata khena, ea
chajiphe thopfii pile mochowo
mohriio." ^'^Siiduno Oramei no pfo
khre-nga leno, Oramei khre-nga leno
omei yi sopie, pfo to ea nito pfo no
sopie. '^^Ea Oramei no pfohei yi shihra
piwo pe, "Otona hriizhiwo proshupralo,
ea chajiphe hriiphro matepralo ea
kokhawo mohriio, ea ozhe katei kajile
kho, cheva ruhu khru, ea chajiphe no
kohru khena thopfu pile mokhuwo
hriio." '-^^Ea Oramei no pe, "Koleio, ai
no chajiphe thopfiile othomate kopfii
ovupro thopfii, ea rashitho amashi
siibu thopfii hi ni koto kosho sole. -^^^Ea
chajiphe khena thopfii, cheva ruhu, ea
ojiphe opfu no nearo kata khena, osii
kohiwo kobu kahrina thopfii koto
kosho so koru duno ai no piwotie." Ea
hihi siibviilotie. ^^Ea Oramei no pfo
alia sokowo thopfii sii nelotie, ea
koleio hihi zhishutie. Ea chokro ea
chithu sii buloe ea siisii chithu choroni
siie.
2Subviio rache ea chajiphe ea lole
kobu thopfii sii somochulotie. ^Ea
chithu chanini sii Oramei no pfo
GENESIS 3
HRUTHOACHAREI KO 3
no ovo six somochulotie, ea pfo no
chithu chanini sii pfo no koso ovole
suno asoe. ^Oramei no chithu chanina
sii shihrapie ea somothupie, adeiteU
hinihi Oramei no sokocho pfo vo
thopfii leno asoloe. ^Rache ea chajiphe
sokapi acharei ko sii hikhru hie. LiPEO
Oramei no rache ea chajiphe sokapi
chisii,
EdenTopri
5 Chajiphe sii siibu ea ovupro
peprawo tsiipra moe, adeiteli LiPEO
Oramei no chajiphe sii ochi moriingho
pilo monghie, ea oji dewo ota takapimei
honghie;^ana chajiphe no kahekru
kaU ajikhrue, ea ojipra thopfii sii odzii
no koziipie. '^Ea LiPEO Oramei no oji
vano one pfolowo omei yi sopie, ea pfo
ngho chilulehi kahri osii sii kohi
thopie; ea omei sii kahrina kah
pralotie.
8 LiPEO Oramei no chinghei
kaprapo Eden lehi topri kah soloe, ea
lole sii hi pfo no sokapi omei sii pfo no
kheipie. ^Ea chajiphe siino LiPEO
Oramei no osiibu tali sii mapeprapie.
Siikhru sii kolei pfotho mamei zhie ea
koto kosho duno zhie. Kahri siibu ea
kazhi kashi siiamakri siibu se topri
totsii majile hue.
10 Kori kah Eden le siino topri sii
odzii kozii pilo koru duno mokrii kro
pie, ea siithesii lohe siino kori padeiso
kriimara tatie. ^Kareina zhu sii
Pishon tie, hina hino shana kapra
Havilah ji fiihe thopfiile kriihewe. 12
Hile no kapra shana hi zhie; okrei
kazhi omu kachi sii ea omu kachi
onaix tu-e newe. l^Kori kaheina zhu
siino Gihon tie; hinahi no Kush ji fiihe
thoiipfule kriihewe. I'^Kori kosiina
zhu sii Taigris tie, hina hino Assaria
chiprapo kriitawe. Ea kori padei na sii
Euphratis tie.
15 LiPEO Oramei no omei yi peno
Eden topri leno ota mata ea mokhu
koru duno kheipie. i^LiPEO Oramei no
omei yi sii molewo pe, "Ni modoso
toprile rashi kata^e toa zhie. I'^Ana
kazhi kashi siiamakri rashi sii ni no
tole moe, adeiteli ni no hihi to kolo
chithuni sii ni thitile."
18 Siithesii LiPEO Oramei no pe,
"Pfoto-o hi alia kobu zhi moe; ai no pfo
yi duno okhalo koru sokokhro kali
sopile." i^Siiduno LiPEO Oramei no
ojine mano ojikhe ea chiva ruhu
thopfii sii sopie, ea siikhru sii pfoto-o
he sii pfo no adei zhu sapi lesa tto kolei
koru duno pfovupie; ea pfoto-o ho
kahrina katako ozhu sapi kocho siino
lokhru zhu sii saloe. 20pfoto-o no
otumorii thopfii, chiva ruhu khru, ea
jiphe khena thopfii zhu sii sapie; ana
pfoto-o duno sokokhro okha kaliko
nemotie.
21 Siiduno LiPEO Oramei no pfoto-o
sii somazhetitiotie, ea pfo no ozhe koto
chino pfo vano koturepo kali siizha
praloe ea lobule sii oso no tho maka
piwtie; 22ea LiPEO Oramei no pfoto-o
vano pfo kaphra koturepo siino pfo no
nitomei kali sopie ea lopei sii pfoto-o
he pfovupie. 23Suthesii pfoto-o no pe,
"Okheisowo hihi are leno
pfokaphra are koe
ea aso leno pfokaphra aso koe;
lopei yi hino nitomei tto kole,
adeiteli hipei hi pfotomei vano
pfophraloe."
24 Siiduno pfotomei kali no pfo pfo ea
pfo pfii yi theotiwo pfo chemei yi sii
kohriitiwe, ea pfohei sii oso kali sotiwe.
25 Pfoto-o ea pfo che pfohei sii
masakhrei leisiie, ana ahre moe.
Omei no Ochuziiino Koto
3Ichowo khengho no LiPEO Oramei
no sokapi ruso hrule kakri dziino
chakeipue. Pfo no nitopei he pe, "Nihei
no toprile rashi katako kochuma
tolemoe tto Oramei no pewowo?"
2 Nitopei no khenghohe pe, "I no
toprile rashi katako to-e zhie; ^ana
Oramei no pe, *Nile no topri totsii
HRUTHOACHAREI KO 4
GENESIS 4
majile kobu rashibu nava rashi hi tole
moe, mo-e nile no hihi dei-e deile moe,
siibviili nile thitile.' "
4 Ana khengho no nitopei he pe,
"Nile no thi lemoe. ^ Adeiteli Oramei
no siiwe siioli nile no hihi tokolo thesii
nile nghei hrupra tile, ea nile no
Oramei bviitile, kazhi kashi
siimakrilo tile."
6 Siiduno nitopei no rashibu sii
tozhishule tto nelotie, ea losii kolei
pfotho zhishutie, ea omei yi sochakei
pilo koru duno rashi su moniishu lowo
lopei no rashitho sii hrato lotie; ea
lopei no kopoko lopei chow yi se pie,
ea pfo se tolotie. '^Suthesu pfohei nghei
sii hrupralotie, ea pfohei sii masa
leisiie ticho pfohei no siilotie; ea pfohei
no chidongho no toriikapa lowo pfohei
dziikohu solotie.
8Ea LiPEO Oramei no amake
phachi no topri leno taleikowo khu sii
cholotie, pfoto^o ea pfo che sii Lipeo
Oraitiei nghodziino toprile siibu khru
hruleno kotsiitie. ^Ana LiPEO Oramei
no pfoto-o sii kowo pfohe pe, "Ni
adeichi bue?"
10 Ea pfo no pe, "Ai topri leno ni khu
choe, ea ai no pritie, adeiteli ai
masakhrei butie; ea ai alia kotsiitie."
11 Pfo no pe, "Ni masakhrei butie
ticho athe no ni he pe? Ni yino tosho
tto kape rashi bunava tino ni rashi
toloti momo?"
12 Pfoto-o no pe, "A yi mapa koru
duno ni no kapi nitopei tino rashibu
vano rashi a yi piwo ai tolotie."
13 Sii thesii Lipeo Oramei no
nitopei he pe, "Ni no sokowo hi
adeitiwe?" Nitopei no pe, "Okhengho
no a yi kolawtie, ea ai no tolotie."
Oramei no Icha Kapi
14 Suthesii Lipeo Oramei no
khengho he pe, "Ni no hihi sokowo
duno, otumorii thopfii dziino, ea oruso
kakri thopfii dziino ni kashi kakha sii
so. Ni hrii mameile ni pfu no niaropfo
tale, ea ni no ojine towo hriile. i^Ai no
ni ea nitopei kole, ea ni shulu ea lopei
shu-lu kole amahrei sii thopile; pfo no
ni pivahi izhu pile, ea ni no pfo phiku
sii made pile."
16 Nitopeihe pfo no pe, "Ai no ni
napfii nopfo kochochi ni amazhe sii
pipule; ni chikhe sowo moto monole,
siibviimate-e ni no ni chow yi su
moniile, ea pfo no ni pile kokhale."
17 Ea Adam he pfo no pe, "Ni no ni
chemei chii ziiwo ai no ni yino tosho
tto kape 'Ni no hihi tole moe' ticho
rashi sii to kolo duno ojine hi ni duno
kazhi sochino; ni kohrii mameisa
choho sowo hihi totile. i^Osiishu sii ni
yi duno motsiiprapi tile; ea ni no odole
vupro sii totile. i^Ni prava no
kokhriidzii prawo ni ojine leadaloti
komosa ni koto kosho nitole, adeiteli
ni yi hile hino pfophrae. Ni yi sii ojine
no sopie, ea ni sii ojinele adalo krile."
20 Adam no pfo chemei zhu sii Ef
tto saloe; adeiteli lopei siino jiphemei
thopfii pfii siitie. 2iEa Lipeo Oramei
no Adam ea pfo che yi duno osohei no
osa solowo pfo hei yi bapie.
Adam ea Ef yi Topri leno
Matakowo
22 Sii thesii LiPEO Oramei no pe,
"Koleihio, omei hi itamei yi bvii tie ea
kazhi kashi siimakrilotie. Pfo yi peno
kahri siibu vano rashitho sii moto lowo
chisa mahri lemoe." 23S(i(juno LiPEO
Oramei no pfo yi sokapi ojine sii peno
made to koru duno Eden topri leno
matawtie. 24pfQ ^o omei yi sii
humatawtie; ea Eden topri no
chinghei kaprapo siihi pfo no kosho
kopfii cherubim khena yi, ea lopei
hipei keingho thopfiile mikri no
phrupra kowo khrochu kali kheihi
towo kahri siibu sii mokhulotie.
THE HOLY BIBLE
Mao ' C.L.
lOH 0031/94.95/3M STD
ISBN 81-221-4223-0
COPYRIGHT NOTICE
Written permission must be obtained from the Bible Society of India as
copyright holder, prior to the reproduction of ^ny part of this publication in any
form or by any means, electronic or mechanical, including photocopying,
recording, or any information storage and retrieval system.
Published by:
The Bible Society of India
206 Mahatoa Gandhi Road
Bangalore -560 001
Printed in India by Photo offset process at
Swapna Printing works pvt. Ltd, Calcutta-9