Génesis (Piratapuyo Genesis Translation)

Cohacju ijipihtiyere bajumehneahye
(Genesis 1-2)

Wahmanopure Cohacju uhmusere, ahri yehpa guhure
bajumehne muhtahye. Ijipihtiri yehpapure dia du dihita ijinie
timahye. Sa yero nahitiano ijinie timahye. Sa ijigu ihnano,
"Buhrioro ijiahro", niahye tiquiro. Tiquiro sa niguta buhrioa
wahahye. Buhriorore, nahitianore deco mehna tu wa docoahye.
Tiquiro buhriorore deco wame yeahye. Nahitianore nami wame
yeahye. Ti deco iji muhtari deco ijiahye.

Sa ye ihca deco bato Cohacju yehpa cje acore bueri dojogu
yeahye. Ehmeo cururi wahahye ti bueri. Tiquiro sa cugu uhmuse
bajuahye.

Ijipihtiri yehpapure dia du dihita ijinimahye. Sa ijigu ihnano
pua deco bato Cohacju dia du decopu dihta wahagu yeahye. Sa
ye tuhasa dihtare yehpa wame yeahye. Acore pajiri ma wame
yeahye.

Sa yero tiquiro yeyere ihnano, oho saha niahye Cohacju:
"Yehpapure taa, oteye cju, duca tiati cju pihni bajuahro", niahye
tiquiro. Tiquiro sa niguta taa pihniahye. Sa yero oteye cju guhu
pihni bucuahye. Tiquiro bajumehnedire tiquiro ihfiagu quehnoa
yuhduye ijiahye.

Ihtia deco bato Cohacju nahpicoha pacare, asu nami cjunore,
asu deco cjunore bajumehneahye. Tiquiro bajumehnedire tiquiro
ihfiagu quehnoa yuhduye ijiahye.

Pititia deco bato Cohacju dia cjenare, wuyequina guhure
bajumehneahye. Sa yero tiquiro bajumehnediquinare
"Quehnoano ijiya", ni cuahye. "Dia pajiri mapu guhure, maripu
guhure, yehpapu guhure peyequina masaputiya", ni, cuahye.

Ihca omope decori bato Cohacju wahiquinare yehpa cjenare
bajumehneahye. Tiquinare quehnoano bajumehne peho ca,
umunore ye muhtahye. Ye tuhasa tiquirore Adan wame yeahye.
Came numinore yeahye. Sa yero tiquinare "Quehnoano ijiya
musa", ni cuahye. "Peyequina pohna ti masaputiya", ni cuahye.

Seis decori bato Cohacju tiquiro dahraye pihtigu ihnano,
soahye. Sa yero ti decore sori deco cQahye.

Sa ye umunore tiquiro ye muhtariquirore, numino guhure
wesepu Paraiso wame tiropu cuahye Cohacju. Sa cu tuhasa oho
saha ni cuahve umunore. "Ijioihtive oteve ducare ihva masine
musa. Ihcadu duca puritare ihyeracahna. Tu ducare ihyana
quehnoane, naiie guhure masina wahanata. Tu ducare ihyana,
yarianata", niahye Cohacju.

Masa Cohacjnre ynhdnducayequina waha dncahye
(Genesis 3.1-21)

Ti pjepure pinono quehnoano masiniquiro ijiahye. Tiquiro
apequina wahiquina yuhduoro masiniquiro ijiahye. Sa yero
numinore sinituahye.

— Z.Ne, duhse niari Cohacju musare? 6"Ijipihtiye yucu ducare
ihyeracahna", niari? ni sinituahye pinono.

Tiquiro sa nigu tuhoro numino yuhtiahye pinonore.

— Ijipihtiye yucu ducare ihya masiaja. Ihcadureta ihya
masiedaja usa. 'Thcadu duca puritare ihyeracahna musa. Tu wese
deco ducure. Tu ducare ihyana, yariaa wahanata", ni yahuri
usare Cohacju, ni yuhtiahye ticoro.

Ticoro sa nigu tuhoro oho saha niahye pinono.

— Yariasi musa. Tu ducare ihyana, Cohacju
yero saha quehnoano masina tojoanata musa,
niahye pinono.

Tiquiro sa nigu tuhoro tu ducare tutuaro ihya duaro, quehnoano
masinicoro iji duaro, tu ducare sua, ihyahye. Ihya tuhasa ticoro
manuno guhure ohoahye. Ticoro ohogu ihnano tiquiro guhu
ihyahye.

Ihya tuhasa quehnoano masinequina waha, ''Suhti mariena
ijiaja mari", ni, tiquina basi cahme hue tiahye. Sa hue tiye, puri
mehna tiquina suhti sanatire yeahye.

Namicahapu Cohacju wesepure Paraisopure tinino esahye.
Tiquina tiquirore tuho, cue, yucuri watoapu duhtiahye. Sa yero
Cohacju pisuahye umunore.

— iNohopu ijiajari muhu? niahye.

— Yuhu suhti mariegu ijiaja. Sa yegu muhure cueaja, niahye
umuno.

Tiquiro sa nigu Cohacju oho saha ni sinituahye:

— iDiquiro boro suhti mariegu muhu ijigu masigu yeari
muhure? 6Yuhu ihya dutieradu ducare ihyari mnhu? niahye
Cohacju.

Tiquiro sa nigu umuno oho saha ni yuhtiahye:

— Numino yuhure muhu ohoricoro tu ducare sua, ohori
yuhure. Ticoro sa ohogu ihyau, niahye umuno.

Tiquiro sa nigu numinore oho saha niahye:

— 6Ne, duhse yeari muhu? niahye Cohacju numinore.

— Pinono ni mehori yuhure. Sa yego tiquiro ni mehogu
tuhogo, ihyahti yuhu, niahye ticoro.

Ticoro sa nigu oho saha niahye pinonore:

— Muhu sa nano yegu yerigu ijigu, nano yuhduducuguta
muhu yojopure, niahye Cohacju pinonore.

— Ijipihtiye decori sihco tiniducuguta muhu. Ijipihtiye decori
dihtare ihyaguta muhu. Muhu pinono numino mehna, ticoro
macuno mehna cahme ihna tuhtina ijinata, niahye Cohacju
pinonore.

Sa ni tuhasa oho saha ni nemoahye numinore:

— Muhu pohna tigo, nano yuhdugota. Muhure tutuaro
purinota. Sa nano yuhduepegota yuhdu witigota muhu. Umuno
muhu puhtoro ijirota, niahye Cohacju numinore.

Sa ni tuhasa umunore oho saha niahye:

— Muhu yuhure yuhduducari. "Ihyeracahna", nimi muhure.
Yuhu sa niepeguta yuhure yuhduducari. Muhu sa yeri buhiri
muhu wese nano diarota. Muhu wesepure tutuaro
dahraducuguta. Muhu pagure dihta mehna yei. Sa yero muhu
yariagu muhu pagu dihta dojorota, niahye Cohacju umunore.

Sa yero numino ijipihtiyequina masa pacoro ijiahye. Ticoro
sa ijigu Adan ticorore Eva wame yeahye. Sa yero Cohacju
wahiquina cahseri mehna tiquina suhti sanatire yeahye. Sa yero
tiquina nano yeri buhiri Paraisopu ijiriquinare coha wio cahye.

PANOPU CJE COHACJU

YERE YAHU

MUHTARI TJU

© 1993
Resumen en piratapuyo de International Bible Society

pasajes selectos del
Antiguo Testamento

Primera edicion, 1993, 435 ejemplares

Impreso en
Asociacion Editorial Buena Semilla

Apartado Aereo 29724

Sociedad Biblica Internacional Santafe de Bogota, Colombia