Yenisisi

Yenisisi 1

Yenesisi

Gumi 1

1-5 Koretero oorengo Anutu ndo sambo mera damoni
yeyingc. Mera ngu ataga kencotetoku nganciiro klni.
Kingo oorengo oruyingo ngu guradiro oorengo.
Ngundo sono urunggaku dobengootoni nguwoore
Anuturo yukadogo nguwoore baworo oruwo. Anutu ndo
eyingo. Himi tunooteni eyingo. Etoni himi
tunooteyingo Anutu ndo himi yeni gome tunootetoni
kenoro ene suwo sa wesowoyeroyingo. Himinggaku ngu
eyingo. Sa naru eyingo. Ooreri ngu suwo eyingo.
Suwo oororo kinitetoni sengeyingo. Ngundo ngu naru
guranangge kinitewo. Kootuyisina Anutu ndo eyingo.
Songoo songoo yoyeyingo ngu sono erayaga ngu gide
gide oruwari, eyingo. Etoni ngu tunooteyingo.
Anutu ndo sonono pawangga teyingomu ngundo ngu sono
awuno yero ko amuno pawayeroroote. Ngu keworoko
pawangga ngu oowooyi sambo eyingo. Suwo oororo
kinitetoni sengeyingo. Ngundo ngu naru eraya
kinitewo. Kootuyisina Anutu ndo eyingo. Sono sambo
newendemo oorooteku ngu uya musiyo gurananggemo
yoruwoni. Yoruwootoningga mera ariyeni eyingo.

Yenisisi 1 ^

Etoni ngundiro tunooteyingo, Ngu mera aringga ngu
Anutu ndo eyingo. Sono musiyo gurananggemo
yoruwooyingo ngu wendeyi eyingo. Anutu ndo
enengombo oo yewoku ngu bidodo kenootoni ngu
metemi tewo. Tetoni ene oni oni teyingo;

11-12 Kootuyisina Anutu ndo eyingo. Mera
enengombo ngu mete oo soodida, so, de, oo
nggiringgara enggeweroyimu nguya ooreni eyingo.
Etoni ngu oo ngu tunooteyingo. Ngu oororo
kinitetoni sengeyingo. Sengetoni ngu naru kabusa
kiniteyingo.

14-19 Kootuyisina Anutu ndo eyingo. Soru oo
sambono tunooteya ngundo suwononguya sa naru nguya
himi yeni eyingo. Kombo naru mooma dagoma naru
nguya tunootewa. Dagomaro naru gura gura nguya
tunooteni, eyingo. Anutu ndo kombo himi ogisa himi
yetoni tunooteyingo. Urunggaku ngu ogisa ngundo sa
naru yeni himi yewa. Bodagayi ngu kombo ngundo
suwono mera himi yeni. Ero tunoo.teyingo. Suwo
oororo kinitetoni sengeyingo. Sengetoni ngu naru
namoraya kinitewo.

20-23 Kootuyisina Anutu ndo eyingo. Oo gura gura
sonono yeningga keta yuwooyidodo orini eyingo. Nu
tunooteya ngu samboriri ururumeya yariyi eyingo.
Etoni ngu oo ngu tunooteyingo. Anutu ndo kumana
yunoro eyingo. Oo wendeyino oo urungga nga bidodo

7 Yenisisi 1,2

kdwooteya wendeyi ngu nangge teni eyingo. Nu oo
nguya merani merani ngano kowooteni eyingo. Suwo
oororo kinitetoni ko sengeyingo. Sengetoni ngu
naru kandegura sengeyingo. Sengetoni ngu naru
namoraya kinitewo^

20-23 Kootuyisina Anutu ndo eyingo. Oo gura gura
sonono yeningga keta yuwooyidodo orini eyingo. Nu
tunooteya ngu samboriri ururumeya yariyi eyingo.
Etoni ngu oo ngu tunooteyingo. Anutu ndo kumana
yunoro eyingo. Oo wendeyino oo urungga nga bidodo
kowooteya wendeyi ngu nangge teni eyingo. Nu oo
nguya merani merani ngano kowooteni eyingo. Suwo
oororo kinitetoni ko sengeyingo. Sengetoni ngu
naru kandegura kinitewo.

24-25 Kootuyisina Anutu ndo eyingo. Kare nusako
ururu bobodidodo tunooteni, eyingo. Etoni ngu
tunooteyingo. Ngundo yuwooyidodo oriyi, eyingo.
Nondo nu, nusako ururu bobodi, endemo, deguno, nguro
oowari yunooteno. Ngundiro etoni ngu oo ngu
tunooteyingo.

Gumi 2

Kootuyisina Anutu ndo mera yoro ngundo oni
yeyingo. Yero yuka uwootoni omuyiwoore utoni
keta ootookeyingo. Oni oowooyi Adamu . Ogisa

Yenisisi 2 8

ooretekusina, Anutu ndo ko urungga yero merangga ngu
oowooyi Idenl ngu Anutu ro yoyo pawa. Kono sono
gura ombuyingo. Ngu kono nguno Anutu ndo Adamu
nguno yeyingo. Sono dobuyi ngundo mera urumi
inoweroyimboro. Ngu kono nguno Anutu ndo de
guradiro guradiro nguno yeni tunooteyingo, Ngu de
ngu gomemu ko engge nguya gome gome enggete. Ngu
kongga ngu keworoko nguno ngu de digateku nero ngu
oni ma kumowa. Nero sugi oruwa. Ene ko de gurangu
kono nguno oorootekungu nero oo metemi ingoweroyi,
oo biyomi ingoweroyi ooroote.

Arisa, Anutu ndo Adamu ngu yoro enenga pawano
nguno yeyingo. Ngundo ngu nguno ko teya oo
sobowoni eyingo. Anutu ndo ngu Adamuya ngandiro
ewo. Ge mete nga kono de tanggori oorootekunga
newa, eyingo. Ene ge nga dega oo biyomi metemidodo
ingoweroyi ngangga nga ma newero, eyingo, Roogo
oorengo ewo. Ene ge nero ngu ge kumowa. Anutu ndo
mera yoro ngundo nusako oo ngu yoyeyingo. Yoyero
bidcdo yoyoro Adamu no oorowuyingo. Oorowutoni
Adamu ndo oo nusakoku bidodo oowooye yunooteyingo.
Anutundo eyingo. Adamu enesu nangge oruweroyi.
Ngu biyomi. Kootuyisina bareyi yewano. Ngu
bareyingga ngu oororo yoruworo oruwari.

q Yenisisi 2

Arisa, Anutu ene Adamu yeni wereyingo. Wetoro
kabetero oruyingo. Ene wetorootoni Anutu ndo
tanggeyi wembuyi yoyingo. Yoro musiyonggaku ngu
songgiwibo ukinggoyingo. Anutu ndo ngu simoo
wimbuyi yowoku ngundo barega yeyingo. Yero yoro
Adamu no oorowuyingo. Oorowutcni Adamu ndo eyingo,
Ngu nenenggo dooboone oorengo eyingo. Gengo
wembuge no wembune gidebo yeni tunootewokuro,
oowoongge bare eyingo. Ngu muringa ngu tunooyingo.
Ngundiro nguro oni awa namoye yoyokoro baredoya
guranangge kendiro oorootenggo. Simoonggaku nguya
ko baregaku nguya mondeyari wiriyooweroyi oo kini,
mbirimbiri oruworiyo, ene ma oyimo yoyingo.
Anutu ndo oo bidodo yemukoro yokoro kenootoni gome
tetoni nguro ene oni oni teyingo. Anutu ndo ngu
yemukoro naru kandegura gidemboro guranangge

ooriyingo. Anutu ndo naru kandegura gidemboro

guranangge ngano ko bidodo yemukoyingo. Naru

kandegura gidemboro erayaga ngano ene kingo oruwo,

ngu naruno. Anutu ndo ngu naru kandegura gidemboro

erayangga ngu kundingiyl inoro teyingo.

Gumi 3
1 -7 Anutu ndo oo nusako bidodo yoyeyingo.

Sirembo oo nusako, oni towooyeroyingo. Sirendo

bare sumoo inoyingo. Anutu ndo ndadiro ewo?

Anutundo yari de tanggori nga bidodo ma newero

bine? eyingo. Baredo raanggowo doworo ero, ete.

11 Yenisisi 3

Noore mete nga kono de tanggori nga newaro. Ene
de gura ko keworo oorengomo oorooteku ngu nangge
noorendo ma newaro. Kurl Anutu ndo ngundiro ero.
Yari de tanggori keworokongga ngu nero kingo
doworo kumowari. Sirendo eyingo. Yari ngu de
tanggoringga ngu nero ngu oo blyomi metemidodo
ingowari. Yari Anutu kendiro oruwari. Anutu ndo
ngungga ngu Ingoro nguro siribo ye yunoyingo, ngu
eyingo.

Arisa, bare ngu ingoro degaku kenoyingo.
Kenootoni ngu gome tete. Doonggeyi kiyingo de
tanggori nguya gome neweroyi teyingo. Tetoni
ingondundu yoyingo nonguya ngundiro ingoro yoro
ngu metemi ero ingoote. Ngundiro nguro bare ngu de
tanggorigaku yoro neyingo. Kootuyisina, de
tanggori yoro kameyi inoote. Inootoni ene nguya
neyingo. Nero ngu ko sodedo nangge ebe keno keno
toworiku ngu ko kumba dari kini tewo. Tetoni ene
ngu ko kingo mondeyari tete. Ngundiro tetoni ngu
ene de gura oowooyi Piki ngu kembu kendiro uyi yoro
kumbayi wesibiyoro ngu yemuteri.

8-21 Suwootetoni mera imaketoni Anutu ngu kokuri
ngundo endeyootoni ingowori. Ingoro de keworoko
kombiteworiyo. Ene Anutu ndo simoonggaku
negongooyingo. Yari ndano oorooteri? Meno ero
ete. No ge ingootoowe kokuri endeyootoyi nguro no
sosoreteno. Sosorero no kumba kini nguro
kombiteteno. Anutu ndo sumoo ete. Onendo etoni ge

Yenisisi

12

kumba kini tete? Nondo de tanggoriga siribo
yewonoku. Ge ngu nero bine? Adamu ndo ete. Barega
gedo no dooboone tero nunowoku ngundo de tanggori
nunootoni no kuri newono,

Arisa, Anutundo baregaku sumoo inoro ngandiro
ero. Ndatero ge ngu ooga ngu tete? Baredo gumi
ero ete, Sirendo no gananerootoni ngu de
tanggoriga ngu neteno. Anutu ndo sireya ngandiro
eyingo. Ge kuri ngu ooga tewokuro nguro. Asa,
kowuri yowa, Ataga nguya suwoyi sano ge komo no
nomoonggebo nangge endeyoyato. No gengo sowengge

13 Yenisisi 3

ngu yewe baredoro soweni ngudodo mundi oruwari.
Tetori baredoro soweni ngundo ge tabage
woongoosowowa. Woongoosowootoni gedo ene
kendungoomoo kiwa. Anutu ndo baredoya ngandiro
eyingo. No ge kowuri urungga gunowano. Ge simoo
bisiyowero tetekuno ogingo ingowa. Ge kamenggeboro
gome ingowa. Ngundo sobogeroweroyimboro.
Anutu ndo Adamu va ngandiro eyingo. Ge ngundiro
tetekuro. Arisa, no gengo ko tetoowe so oorewa.
Nguno oo gome ma enggewa. Genggombo suwoyi suwoyi
ko biyomi. Tetoyi merako oo oorero enggewa. Ge ko
biyomi teya nosiriri gureni. Nosiriri gutoni gogo
merako oowari tunootewa. Ge ko biyomi tero oode
oode ge kumowa. Nondo merambo goyewonokuro ge ko
merako uwa. Kootuyisina Anutu ndo nusako goweyi
yoro towikumba tero yuyingo. Adamu ndo baregaku
oowooyi Iwa eyingo. Iwangu simoo bare bidodoboro
namoye damoni oorengo.

22-24 Kootuyisina Anutu ndo eyingo. Oni nguya
noore kendiro oo metemimu oo biyomimu, nguya
ingoote. Ariya, noore ngu oningga ngu yokootooye
ngu degano nguno suwoyi sano himi oruwari. Kini,
ene ngu de tanggoriga newoku ngu nguya mete sugi
oruwari. Anutu ndo Adamu bareyi nguya oweyeroyingo.
Anutu ndo Ideni kononggo oweyeroyingomu ngu
Adamu ndo merangga yomosiyowokuno oororo ko
teweroyimboro. Anutu ndo Adamu nguya Iwa nguya
oweyeroro yokoro, Anutu ro sambono oni, oowooyi

Yenisisi 3 ^^

Enseri . oni yanggangomu yoyoro Idenl kono nguno
yoyeyingo. Duge pirurai ngu de gidoreteku ngundiro
gidorerc Ideni ko bidodo wooriringoororoote.

Published 1978

Printed by the S.I.L. Printing Department
Ukarumpa, E.H.P., Papua New Guinea

National Library of Australia
Card Number and ISBN 86893 066