A Biblia Sagrada em Umbundo

ELIVULU LIATETE LIA MOSE
lia lukiwa

EFETIKILO

-t Poku fetika Suku wa sovola ilu losi.
J- 2 Osi ya kala no upolokoso, ka mua kaile
cimue. Owelema wa sikililile ocipala coka-
lunga. Espiritu lia Suku lia endela kilu
liovava.

3 Suku yu wa linga hati, Ku iye ocinyi,
kuenje ocinyi ceya. 4 Suku wa mola ocinyi
okuti ca posoka. Suku wa tepisa ocinyi
lowelema. 5 Suku wa luka ocinyi hati,
Utanya. Owelema wo luka hati, Uteke.
Kuenje kua kala onolosi, kua kalavo omele,
eteke liaco olio mosi.

6 Suku yu wa linga hati, Pokati kovava pa
kale epuluvi, li tepise ovava lovava. 7 Suku
yu wa lulika epuluvi li tepisa ovava a kala
vemehi liepuluvi liaco, lovava akuavo a kala
kilu liepuluvi. Haico ca lingiwa. 8 Suku yu
wa luka epuluvi liaco hati, Ilu. Kuenje kua
kala onolSsi, kua kalavo omele, eteke liaco
olio vali.

9 Suku yu wa linga hati, Ovava a kasi
vemehi lilu a likongele pamosi, ongongo yi
molehe. Haico ca lingiwa. 10 Suku wa
luka ongongo hati, Osi. Oku kua likongela
ovava wa lukako hati, Okalunga. Suku yu
wa ci mola okuti ca posoka. 11 Suku wa
linga hati, Osi yi tunde owangu, lovikula
vimaime olombuto, loviti viapako vimaime
apako ndapata avio, omo muli ombuto yaco,
vilu lieve. Haico ca Ungiwa. 12 Osi ya
tunda owangu, lovikula via imaima olombuto
ndapata avio, oviti viapako vi kuete ombuto
yaco ndapata ao. Suku wa ci mola okuti ca
posoka. 13 Kuenje kua kala onolosi, kua
kalavo omele, eteke liaco olio tatu. 14 Suku
yu wa linga hati, Ku kale ovinyi kepuluvi
liokilu oku tepisa utanya luteke; vi linge
olondimbukiso violotembo loloneke lanya-
mo; 15 vi linge ovinyi kepuluvi liokilu, ha
ha vi taimila kilu lieve. Haico ca lingiwa.

16 Suku yu wa lulika ovinyi vivali vinene,
ocinyi ca velapo ci viala kutanya, ci sule ci
viala kuteke, wa lulikavo olombungululu.

17 Suku wa vi kapa kepuluvi liokilu oku tuila
kilu lieve, 18 loku viala kutanya lokuteke ha
ha vi tepisa utanya lowelema. Suku yu wa
ci mola okuti ca posoka. 19 Kuenje kua
kala onolosi, kua kalavo omele, eteke liaco
olio kuala.

20 Suku yu wa linga hati, Vovava mu siate
ovitundo vioviendalomuenyo, olonjila vi
palalaile vilu vepuluvi li kasi pokati kilu
loposi. 21 Oco Suku wa sovola ovimuandu
vinene viovokalunga loviendalomuenyo viosi
vi litevateva, viosi via siata vovava ndapata
avio; lolonjila viosi vi palala, ndapata avio.
Suku wa ci mola okuti ca posoka. 22 Suku
yu wa vi sumuluisa hati, Liciti, siati, yuki
vovava okalunga, lolonjila le vi siate kilu
lieve. 23 Kuenje kua kala onolosi, kua ka-
lavo omele, eteke liaco olio talo.

24 Suku yu wa linga hati, Kilu lieve kuiye
ovinyama ndapata avio, ovinyama viovimbo,
lovipuka, lovinyama viovusenge ndapata
avio. Haico ca lingiwa. 25 Suku yu wa
lulika ovinyama viovusenge ndapata avio,
lovinyama viovimbo ndapata avio, lovipuka
viosi vi likoka posi ndapata avio. Suku wa
ci mola okuti ca posoka.

26 Suku wa linga hati, Tu luliki omunu
ukuacilelembia cetu, ukuesetahalo lietu ha ha
viala kolosi viovokalunga, lokolonjila viovu-
senge, lokovinyama viovimbo, lokoluali luosi
kuenda kovipuka viosi vi likoka posi. 27 Suku
yu wa sovola omunu ukuacilelembia caye,
ukuacilelembia caye muele Suku a sovola,
ulume lukai wa va sovola. 28 Suku wa va
sumuluisa. Suku wa va sapuila hati, Liciti,
siati, yukisi oluali, lu yuli, viali kol5si vio-
vokalunga, lokolonjila viovusenge, loko-
vinyama viosi vi nuala nuala kilu lieve.

29 Suku yu wa linga hati, Tali, ndo wihi ovikula
viosi vi kasi vongongo yosi yokilu lieve, vina
vimaima olombuto, loviti viosi vimaima apa-
ko a kuete ombuto; vi linge okulia kuene.

30 Ovinyama viosi kilu lieve, lolonjila viosi
viovusenge, lovipuka viosi vi likoka posi, vi
kuete ofela yomuenyo, okulia kuavio ovikula
viosi vi talala. Haico ca lingiwa. 31 Suku
yu wa ci mola okuti ovina viosi a lulika via
posoka. Kuenje kua kala onolosi, kua kalavo
omele, eteke liaco olio epandu.

2 Oco ilu losi lovina viosi vi kasimo via
malusuka oku lulikiwa. 2 Eteke liepandu-
vali oco Suku a malusula upange waye a
linga; yu wa puyuka eteke liepanduvali

EFETIKILO 2, 3

kupange waye wosi a linga. 3 Suku yu wa
sumuluisa eteke liepanduvali ha ha li kolisa;
momo eteke liaco olio a puyuka kupange
waye wosi a linga woku sovola.

4 Alo o-o apata vilu losi eci a sovuiwa.

Eteke Yehova Suku a lulika osi lilu, 5 oco
vongongo ka mua kaile handi ocikula, ndano
ovikula viovusenge ka via tundile handi;
momo Yehova Suku ka lokisile handi ombela
kilu lieve, ndaiio omunu o lima osi ka kua
kaile. 6 Ombundu, oyo like ya tunda tunda
posi ha yi yulaisa kuosi kilu liongongo. 7 Oco
Yehova Suku wa tunga omunu leve lioposi,
yu wo fuimila ofela yomuenyo vanyulu aye,
kuenje omunu wa kuata omuenyo. 8 Yehova
Suku yu wa kula ocumbo ve Edene lia
kala kutundilo; omo a kapa omunu a sovola.
9 Posi Yehova Suku wa kulisapo oviti viosi
via posoka oku vi tala, haivio vi tava oku
liako. Vokati kocumbo wa kapamo uti
womuenyo kuenda uti woku kulihisa eci ciwa
leci civi.

10 Olui lua tunda ke Edene oku tapela
ocumbo; oku tunda kocumbo lua litepa ha
lu lingi olondui vikuala. 11 Onduko yolui
luatete Posone; oluo lua nuala kofeka yosi
ya Havllakunakuliulu; 12 ulu wofeka yaco
uwa; mulivo ekokoto lovawe a berilo.
13 Onduko yolui luavali Gihone; oluo lua
nuala kofeka yosi ya Kusi. 14 Onduko yo-
lui luatatu Ketekele; oluo lua pita konano
ya Asuria. Olui luakuala oluo Ferati.

15 Yehova Suku wa nyanula ulume wo
kapa vocumbo ce Edene ha ci limi loku ci
tata. 16 Yehova Suku wa handeleka ulume
hati, Oku lia ci tava oku lialia koviti viosi
viokocumbo; 17 te lika uti woku kulihisa eci
ciwa leci civi, owo ka ci tava oku liako, momo
eteke o liako haico o fa.

18 Kuenje Yehova Suku wa linga hati,
Ulume oku kala no lika waye haciwako; ndu
lulikila oiiuatisi a sesemela. 19 Yehova Suku
wa tunga leve lioposi ovinyama viosi viovu-
senge, lolonjila viosi viovilu; yu wa vi nena
kulume ha tali omo a vi luka; kuenje onduko
ulume a luka layo ocendalomuenyo cosi,
haiyo ya linga onduko yaco. 20 Oco ulume
wa luka olonduko viovinyama viosi viovimbo,
lolonjila viovilu, lovinyama viovusenge; puai
oiiuatisi ulume a sesamela ka kua kaile.
21 Oco Yehova Suku wa pekelisa ulume otulo
tuelume; kuenje osimbu a pekela wopa lumue
kolomati viaye, lapa lua tunda wa sitikapo
lositu. 22 Olumati luaco Yehova Suku opa
kulume wa lu tunga ukai yu wo nena kulume.
23 Oco ulume wa linga hati,

Ukai u, eye ekepa liakepa ange,

haeye ositu yositu yange; o tukuiwa

ukai
momo wopiwa kulume.
24 Oco ulume o sia isiaye la inaye ha ha lito-
keka lukai waye, kuenje va linga etimba li-
muamue. 25 Kuenje lulume lukai waye
kavali kavo va kala no epolola; osoi ka va
kuatele.

3 Onyoha ya velelepo oku nyanga, ovinya-
ma viosi viovusenge via lulika Yehova Suku
vi sule. Kuenje ya pula ukai yiti, Ocili Suku
wa popia hati, Ko ka li koviti viosi viovo-
cumbo, ale? 2 Ukai wa kumbulula onyoha
hati, Tuakuakulia kapako oviti viovocumbo;
3 te epako liuti owo u kasi vokati kocumbo,
owo Suku a linga hati, Ko ka liko, ndano oku
lambako, sanga vu fa. 4 OnySha ya popia
lukai yiti, Mbu, okufa ka vu fi; 5 momo Suku
wa kuliha okuti eteke vu liako, ovaso ene
haico a letuluka kuenje vu linga nda Suku,
vu kuliha eci ciwa leci civi. 6 Ukai yu wa
mola uti okuti wa posokela oku liako, haiwo
wa posokela oku u tala, haiwo uti wa soliwila
oku eca olondunge, yu wa yunga epako,
kuenje wa lia; wa ecavo limue ku veyaye
kuenje wa liavo. 7 Oco ovaso avo a situluka
kavali kavo, kuenje va lilimbuka okuti va
kasi no epolola; oco va litongela amela
akuyu ha va liluvikiyila okowalo.

8 Va yeva ondaka ya Yehova Suku eci a
nuala nuala vocumbo konolosi; oco ulume
lukai waye va salama kolonyima vioviti vio-
vocumbo oku tila Yehova Suku. 9 Yehova
Suku yu wa kovonga ulume, wo pula hati, O
kasi pi? 10 Eye wa kumbulula hati, Nda
yevela ondaka yove vocumbo kuenje nda
kuata usumba, omo nasi no epolola oco nda
salamela. 11 Eye hati, Wa ku sapuila hati,
O kasi epolola, helie? Mbi wa lia kuti una
nda ku handeleka siti, Ku ka lieko? 12 Eye
ulume wa popia hati, Ukai una wa nyiha oku
kala lame, eye wa nyihako epako liuti waco
kuenje nda lia. 13 Yehova Suku wa pula
ukai hati, Oco he, nye wa ci lingila? Ukai
wa kumbulula hati, Onyoha ya ndueyisa
kuenje nda lia. 14 Yehova Suku wa popia
lonyoha hati,

Omo wa linga ndoco,

wa sinaliwa pokati kovinyama viosi vio-
vimbo

kuenda ovinyama viosi viovusenge.

Imo Hove o likoka posi

hu lialia eve

oloneke viosi viomuenyo wove.

EFETIKILO 3, 4

15 Napa ukuse pokati kene, love lukai,
lo pokati kombuto yove lombuto yaye.
Eye o sasola utue wove,

kuenje ove u lumana kocisendemai.

16 Wa popia lukai hati,

Ha luisa olongembia viove koku cita

kuo ve ;
o cita cita omala lolongembia,
haimo onjongole yove yi kala kulume

wove,
leye o ku viala.

17 Ku Adama wa linga hati,

Omo wa tava kondaka yukai wove
kuenje wa lia kuti una
nda ku handeleka, siti,
Ku ka lieko,
oco osi yi sinaliwa.

O liako lohali oloneke viosi viomuenyo
wove;

18 yi ku inula olosongo loholokoso;
kuenje o lialia ovikiila viovusenge.

19 O lialia okulia kuove
lesalamiho liokopolo yove,

toke eteke o tiukila vali keve; momo

haiko wa tundile.
Ove ukueve, keve haiko o tiukila.

20 Ulume yu wa luka onduko yukai waye
hati, Heva, momo eye nyoho yava vosi va
kasi lomuenyo. 21 Kuenje Yehova Suku wa
tungila Adama lukai waye ovikutu viovipa,
yu wa va walisa.

22 Oco Yehova Suku wa popia hati, Ota,
ulume wa linga ndetu, kaliye o kuliha eci
ciwa leci civi; kandopo sanga oluila okuokuo
kuaye kuti womuenyo loku kotolako ha li,
ha ha kala hu lomuenyo, — 23 oco Yehova
Suku wo tundisa vocumbo ce Edene, okuti
o ka lima osi kuna a tundile. 24 Wa tundisa
ulume, kuenje konele yutundilo wocumbo ce
Edene wa kapako va Keruvi, losipata yonda-
lu yi pongolokela kuosi oku lava onjila yo
kuti womuenyo.

A Biblia Sagrada em Umbundo
© Sociedades Biblicas Unidas 1963

VISADO PELA CENSURA DO HUAMBO
2. iv. 1959

UBS-EPF 1987-3.3M-D53
ISBN o 564 08359 3